Myaso 103:19 - Livulu lya Shukulu Kalunga

¹⁹ Shukulu Kalunga natumbika litanda lyendi mwilu, ikeye mwene wa vyoshe.

Myaso 103:19 Iomraidhean Croise

1 Mizimbu 29:11

Yove wapwa uwakama, wa nzili, na vumpau, na vuvwa, na vumwene vwove vwapwa vwakama. Vyuma vyoshe vya mwilu nevi vya asi vyapwa vyove, co yove wapwa mwene, yove wapwa muka-kushwana vyoshe.

1 Mizimbu 29:12

Vufuko vwoshe na kasingimiko vyatunda kuli yove, washwana vyuma vyoshe na nzili yove na vukama vwove, co yove wasa kupwisa munu woshe kupwa wakama na nzili.

Myaso 11:4

Shukulu Kalunga ali mu Njuvo yendi yakujela, ikeye ali a litanda lyendi mwilu. Mesho endi alinakukenga a vanu voshe, azivuka vije valinakulinga.

Myaso 115:3

Njambi yetu ali mwilu, akalingi vyoshe vije ashaka.

Myaso 2:4

Shukulu Kalunga uje wakala mwilu akavajola nakuvashendumuna.

Myaso 47:2

Omwo Shukulu Kalunga wa Akamwa ya Akamwa wapwa wakukomokesa, ikeye mwene wakama uje ashwana ano asi oshe.

Myaso 9:7

Shukulu Kalunga wapwa mwene ku myaka yoshe, natumbama a litanda lyendi mukusompesa.

Isaya 66:1

Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?

Ndanyele 4:17

Ovu vukevwo vutumbe vwa vaje tungelo vaka-kunyunga. Ngecivene, vanu voshe vazivuke ngwavo Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene vuje kuli woshe uje yashaka, nambe ku munu uje wakujeneka vulemu!’ ”

Ndanyele 4:25

Vakakusheka kukutundisa kuli vanu, co ukakala amo na tusitu. Ukalya mwila ngwe ngombe, nakulala anja, co ukajula na lime myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

VaHevelu 8:1

Ku vyuma evi vitunendeka nsina ya lijwi, tuli naumo Muka-kukombelela Wakama uje natumbama ku livoko lya cilyo ku litanda lya Shukulu wa Akamwa ya Vyoshe mwilu.

1 Petulu 3:22

uje nai mwilu, co ali ku livoko lya cilyo lya Njambi, alinakushwana akamwa ya tungelo voshe na vaka-moko na vaka-nzili mwilu.