Myaso 103:18 - Livulu lya Shukulu Kalunga

¹⁸ kuli vaje vanyunga cikumiiyo cendi, na kuli vaje vakulaela nakwononoka mashiko endi.

Myaso 103:18 Iomraidhean Croise

2 Mizimbu 34:31

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe, na mwonyo wendi woshe, nakukavangeya majwi a cikumiiyo ngwe muje muvawasonekele mu livulu.

Myaso 132:12

“Nga vana vove vakanyunga cikumiiyo cange, na vizilika vije vinjivalongesa, co vakashwana a litanda lyove ku myaka yoshe.”

Myaso 25:10

Akatwamenena na cizemo cendi cije kucesi kutenguluka na vushunga vwendi, voshe vaje vanyunga cikumiiyo cendi, nakwononoka mashiko endi.

Kutuuka 19:5

Ololo, nga munjononoka nakunyunga cikumiiyo cange, mukapwa vanu vange vavenya. Nameme asi oshe apwa ange, oloni yeni mukapwa vanu vange vakwanguka,

Kutuuka 24:8

Asinoni Mosesa wanonele maninga aje akele a malonga nakuwashamwina a vanu. Co wendekele ngwendi, “Awa akewo maninga a cikumiiyo cije canalingi Shukulu Kalunga neni omo wamyanene mashiko oshe aje ashikile.”

Visimo 3:1

Munange, kesi wivale vilongesa vyange. Simbu yoshe mbunge yove inapande kunyunga mashiko ange.

Isaya 64:4

Naumo wai wamwene nambe wazivile Njambi wakufwa ngwe yove, uje muka-kulingila vyuma vyakukomokesa kuli vaje vaaka cinyangavili cavo muli yove.

Kulava 15:40

Asinoni mukanuka nakwononoka mashiko ange oshe, co mukapwa vakujela kuli Njambi yeni.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Vilinga vya Miluwa 24:16

Ngecivene, njilinakulinga na nzili yange yoshe ngeci njikale na citaku-taku cakutungukwa ku mesho a Njambi na ku mesho a vanu.

Kwituluka mu Mashiko 4:23

Nyanyameni ngeci kesi mwivale cikumiiyo cije Shukulu Kalunga Njambi yeni walikumiiye neni. Co kesi mulishongele cifwa ca kamponya.

Kwituluka mu Mashiko 7:12

“Nga mutolilila ku mashiko awa nakuwanyunga nakuwononoka, asinoni Shukulu Kalunga Njambi yeni akatwalao kunyunga cikumiiyo cendi, na cizemo cendi cije kucesi kutenguluka, cije calikumiiye na vakukulwila veni.

Kwituluka mu Mashiko 7:9

Ngecivene, zivukeni ngweni Shukulu Kalunga Njambi yeni ikeye Njambi umolika, ikeye wapwa Njambi wa kulongwa. Ikeye wanyunga cikumiiyo cendi, na cizemo cendi cije kucesi kutenguluka kuli vaje vamuzema nakunyunga mashiko endi ku visemwa 1,000.

1 Tesalonika 4:1

Mukumanesela, vasamba vetu, mwalilongesele kuli yetu vati munapande kuyoya ngeci muvwaelelese Njambi. Mwa vushunga vene, omu mukemwo mumunakala nakuyoya. Co ololo tumilomba nakumisindiya mu lizina lya Mwene Yesu ngwetu muwezeleleko manene.