Myaso 103:12 - Livulu lya Shukulu Kalunga

¹² Ngwe muvyalyangunuka ngangela na kangombe ka yambi, mukemwo lalo mwakatundisa vuvi vwetu.

Myaso 103:12 Iomraidhean Croise

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

Myaso 113:3

Kutunda mu ngangela kutwala mu kangombe ka yambi, vashangazale lizina lya Shukulu Kalunga!

Myaso 50:1

Shukulu Kalunga Njambi Muka-nzili yoshe alinakwendeka, ikeye nasana kaye koshe, kutunda mu ngangela na mu kangombe ka yambi.

Isaya 38:17

Vusiwa vwange vukemuka kwoloka. Amena mwonyo wange ku vushonde vwoshe, unjisambese ku vuvi vwange vwoshe.

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Isaya 44:22

Njinazimangana vuvi vwove ngwe lishelwa lya kuhima. Iluka kuli yange, yange njinakwovola.”

Isaya 45:6

Njilinakulinga evi ngeci, kutunda ku shongo imo ya kaye kutwala ku shongo ikwavo, munu woshe azivuke ngeci yange njapwa Kalunga, kukwesi njambi weka lalo wai.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Njelemiya 50:20

Omo simbu ije ikaija, vuvi navumo vwai vukakala mu Isalele, co kupenga-penga nakumo kwai kukakala mu Yunda, omwo njikasambesa vanu vaje vanjasezeo. Yange Kalunga, njinendekamo.”

Ezekiyele 18:22

Co vuvi vwendi vwoshe vakavusambesa, co akayoya, omwo nalingi vya vushunga.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Mika 7:19

Ukatuzivila mema ku mbunge lalo. Ukalyatangela vuvi vwetu nakuvushekela a masima kwisi ya mema a kalunga.

VaHevelu 10:2

Nga vanu vaje valemesa Njambi vanavajelesa ku vivi vyavo nga kuvasa kuziva cishota-mbunge lalo a mulonga wa vuvi, co nga vin̄ombelo vyoshe vanavimika.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.