Myaso 103:1 - Livulu lya Shukulu Kalunga

¹ Mbunge yange ishangazale Shukulu Kalunga, na muvila wange woshe ushangazale lizina lyendi lyakujela!

Myaso 103:1 Iomraidhean Croise

Myaso 103:22

Shangazaleni Shukulu Kalunga yeni voshe vitanga vyendi, na mu mitambela mwoshe muje mwalinakushwana! Mbunge yange ishangazale Shukulu Kalunga!

Myaso 104:1

Mbunge yange ishangazale Shukulu Kalunga! Yove Shukulu Kalunga Njambi yange, yove wapwa uwakama! Yove washula na vulemu na vumpau,

Myaso 111:1

Shangazaleni Shukulu Kalunga! Mu cikungulukilo ca vanu vendi, njikakandelela kuli Shukulu Kalunga na mbunge yange yoshe.

Myaso 138:1

Njikushangazala Shukulu Kalunga na mbunge yange yoshe, njikaimba mwaso wakukushangazala ku mesho a vinjambi.

Myaso 145:1

Njikakwalesa Njambi yange na mwene yange, njikashangazala lizina lyove ku myaka yoshe.

Myaso 47:7

Njambi ikeye mwene wa ano asi oshe, mulemeseni na myaso!

Myaso 63:5

Mbunge yange ikavwaelela, co njikaimba myaso yakuvwaelela yakukushangazala.

Myaso 99:3

Vashangazale lizina lyendi lya nzili na vukama, ikeye wapwa wakujela!

Isaya 6:3

Co valitambekelele umo na mukwavo ngwavo, “Wakujela, wakujela, wakujela! Shukulu Kalunga Muka-nzili yoshe wapwa wakujela! Asi oshe anashulu na vumpau vwendi.”

Yowano 4:24

Njambi ikeye Munzinzime, co vaje vamulemesa, vanapande kumulemesa mu munzinzime na mu vushunga.”

1 Kolinte 14:15

Ngecivene, vatijo njilinga? Njilombela na munzinzime wange, oloni njilombela lalo na mana ange, njiimba na munzinzime wange, co njiimba lalo na mana ange.

Filipu 1:9

Njilombela ngwange cizemo ceni citwaleo mukukola manene, amo na mana a vushunga amo nakwangula kwa vushunga,

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

Kujombolola 4:8

Umo na umo wa vaje vikashama vawana vakuyoya wakele na mambava atanu na limo, co oshe akele na mesho, mukati na anja. Vakevo kuvalikelele kwimba vutsiki na mutanya ngwavo, “Wakujela, wakujela, wakujela, ikeye Shukulu Kalunga Njambi Muka-nzili yoshe, uje wakeleko, uje aliko, na uje akaija.”