Myaso 102:26 - Livulu lya Shukulu Kalunga

²⁶ Vyoshe evi vikahwa, oloni yove kuuli, vikevyo lalo vikakula ngwe vuzalo. Yove ukavitengulula ngwe muukatengulula vuzalo, co vyoshe vikanyonga.

Myaso 102:26 Iomraidhean Croise

2 Vimyene 19:15

co walombelele ngwendi, “Shukulu Kalunga, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

Yombi 38:4

Yove wakele kuli omo njajalele luvula lwa kaye? Njileke nga uli na mana.

Myaso 102:12

Oloni yove Shukulu Kalunga wapwa u mwene ku myaka yoshe, visemwa vyoshe vakakwanuka.

Kutuuka 3:14

Njambi wendekele kuli Mosesa ngwendi, “Yange Ou Njapwa Munjapwa. Omu mukemwo muukendeka navo ngwove, ‘Njapwa, ikeye nanjitumu kuli yeni.’ ”

Isaya 34:4

Litangwa, na ngonde, na vingongonosi vikanyongolokota. Lilu vakalizenga ngwe livulu, co vingongonosi vikawa ngwe maputa atotomoka ku mukolovozi wa vushuka vwa vinyu nambe ku muti wa mukuyu.

Isaya 51:6

Kengeni kwilu, co kengeni lalo asi, lilu likahwa vwasi ngwe vwisi, na lifuti likasanyozoka ngwe vuzalo vwalaja, co vanu vamwo voshe vakatsa ngwe vinzinzi. Oloni kwamena kwange kukapwa kwa myaka yoshe, kuhyana kwange kukapwa kwa myaka yoshe.

Isaya 65:17

Shukulu Kalunga alinakwendeka ngwendi, “Njitanga kaye kakaha na melu amaha. Vyuma vyalaja vikahwa, co vakavivala.

Isaya 66:22

“Ngwe kaye kakaha na melu amaha vikeshwala simbu yakama, ngecivene, vatekulwila vove na lizina lyove vikeshwala.

Mateo 24:35

Lilu na asi vikaita, oloni majwi ange kuwakaiti embwe.

Luka 21:33

Lilu na asi vikaita, oloni majwi ange kuwakaiti.

Loma 8:20

Omwo vyakutanga vavihisile ngeci vipwe vyuma vyangoco, kesi ngwe ku cizango cavyo embwe, oloni capwile cizango ca Njambi ngeci vipwe ngacije. Oloni nameme ngoco kwakele cinyangavili

Kujombolola 20:11

Co njamwene litanda lyakama lyakutoka na uje watumbameneo. Kaye na lilu vyatewele ku mesho endi, co kuvavimwene lalo.

Kujombolola 21:1

Asinoni njamwene lilu lyaliha na kaye kakaha. Lilu lyakulivanga na kaye kakulivanga vyahwile, co mema a kalunga kuwakeleko lalo.