Myaso 102:14 - Livulu lya Shukulu Kalunga

¹⁴ Vangamba vove vazema Siyone, nameme ikeyo vanainyongesa, vangamba vove vaizivila mema ku mbunge, nameme inapu ngundu.

Myaso 102:14 Iomraidhean Croise

Ezela 1:5

Asinoni vakulunu va vikota vya miyati ya Yunda na Mbenjemani, na vaka-kukombelela, na vaLevi, na vanu voshe vaje wakasumwisile Njambi vimbunge vyavo, vaile nakutungulula Njuvo ya Shukulu Kalunga mu Yelusalema.

Ezela 7:27

Ezela wendekele ngwendi, “Vamushangazale Shukulu Kalunga, Njambi ya vakukulwila vetu! Ikeye nalingisa mwene kukala na cizango cangacije, ngeci avwaese Njuvo ya Shukulu Kalunga eyi ili mu Yelusalema.

Nehemiya 1:3

Co vanjilekele ngwavo vaje vasaleleo kuvaile ku vunzinda, vali mu lifuti lyavo, vali mu vukalu vwakama na shwamwa. Co vanjilekele ngwavo vivumbe vya Yelusalema anga vyawililile, na vikolo lalo kuvavivwaesele, tunde a simbu ije vavyenyekele.

Nehemiya 2:17

Co njendekele kuli vakevo ngwange, “Kengeni vukalu ovu tulinavwo, omwo Yelusalema inaviya na vikolo vyayo vanavinyongesa! Ijeni tutungulule vivumbe vya nganda ngeci kesi tuzive shwamwa.”

Nehemiya 2:3

co njamukumbulwile ngwange, “Shukulu yoya ku myaka yoshe! Vikajo njijenekela kuviilila omwo ku nganda kuje kuvatsinda vakukulwila vange kunapu ku ngundu, co na vikolo vyayo vavyenyeka na tuhya?”

Nehemiya 4:10

Vanu va Yunda vembile mwaso ngwavo, “Tunajuka kwambata vitele, vishati vinatumu manene. Vatijo twasa kutunga civumbe ku litangwa lya lelo?”

Nehemiya 4:2

Co wendekele ku mesho a vavushoko vwendi na kuli mashwalale va vaSamaliya ngwendi, “Vikajo vivalinga ava vaYunda vakuzeya? Vashaka kutungulula nganda? Kuma vayongola ngeci akukombelela vin̄ombelo, vasa kumanesa vipangi mu litangwa limo ndi? Kuma a vyuma vije vinenye vasa kulingao mamanya indi?”

Nehemiya 4:6

Ngecivene, twatungile civumbe, co twetele ku litambelo lyaco mu vulaja, omwo vanu vakele manene na ntwima yakupanga.

Myaso 119:126

Simbu yove yakupanga inete Shukulu Kalunga, omwo vanu kuvesi nakwononoka mashiko ove.

Myaso 79:1

Miyati yeka vanakovela mu lifuti lyove yove Njambi! Vanajwalesa Njuvo yove yakujela nakuseza Yelusalema mupulungwa.

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Njelemiya 29:10

“Shukulu Kalunga alinakwendeka ngwendi, ‘Omo myaka yakukala mu Mbambilone makumi atanu na avali inahu, co njikakala na ngozi neni nakunyunga cikulaeso cange cakumiilwisila lalo kwimbo.

Njelemiya 30:18

Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Ndanyele 9:16

Yove watwamenene a simbu ya kunima, ngecivene, kesi uluvale na Yelusalema. Ikeyo yapwa nganda yove, lilundu lyove lyakujela. Vanu voshe vaje twalyata navo valinakukenga a Yelusalema na ali vanu vove omwo vuvi vwetu na vuvi vuje vuvalingile vakukulwila vetu.

Lute 1:6

A simbu imo, omo Naumi wazivile ngeci Shukulu Kalunga navezikisa vanu vendi nakuvana vimbuto vyavivwa, walivwaeselele kutunda mu lifuti lya Mowavi amo na vainamweno.