Myaso 102:1 - Livulu lya Shukulu Kalunga

¹ Njitolilile omo njilombela yove Shukulu Kalunga, mutambi wange wete kuli yove ngeci unjikwase!

Myaso 102:1 Iomraidhean Croise

2 Mizimbu 30:27

Vaka-kukombelela na vaLevi vemanene, co valombele vivezikiso vya Shukulu Kalunga ngeci viije ali vanu. Njambi wavazivile, omwo malombelo avo etele mwilu, mwimbo lyendi mwakujela.

Myaso 12:5

Shukulu Kalunga alinakwendeka ngwendi, “Oloni ololo njilinakwija, omwo tuutu valinakuvayandesa, na vaka-kuyanda valinakulinyenga omwo tuyando. Njikavanyunga ku tuyando twavo.”

Myaso 143:4

Ngecivene, mwonyo wange unazeye, na mbunge yange lalo inaombwa.

Myaso 143:7

Njikumbulule vwasi Shukulu Kalunga cinyangavili cange coshe cinahu! Kesi unjikengese nima, kutewa njitsa.

Myaso 145:19

Ikeye akutisa vizango vya vaje vamukomoka, aziva mitambi yavo, co avamena.

Myaso 18:6

Mu simbu yange ya tuyando, njatambekele kuli Shukulu Kalunga, njatambekele kuli Njambi yange ngeci anjikwase. Mu Njuvo yendi wazivile lijwi lyange, ikeye watolililile ku mutambi wange wa akukwasa.

Myaso 39:12

Shukulu Kalunga tolilila lilombelo lyange, co tolilila ku mutambi wange, kesi woloke omo njitambeka kuli yove! Yange nji mungenzi, nji muka-kwija ngwe muvapwile vakukulwila vange voshe.

Myaso 42:4

Mbunge yange ipokoka omo njanuka vya kunima, omo njaile na mbunga ya vanu ku Njuvo ya Shukulu Kalunga, co njavatwamenenene omo vakele nakunjikava munima, yapwile mbunga yakuvwaelela, vembile nakutambeka nakushangazala Njambi.

Myaso 5:2

Zivilila ku mutambi wange, mwene yange na Njambi yange. Njilomba kuli yove Shukulu Kalunga.

Myaso 61:2

Kunjesi na cinyangavili, njitambeka kuli yove, oku njili ku lifuti lya kulyala. Unjitwale ku cimpaka cacivwa,

Myaso 62:8

Eni vasamba vange kulaeleni kuli Njambi simbu yoshe! Mulekeni vukalu vweni vwoshe, omwo ikeye muka-kutunyunga.

Myaso 77:3

Omo njanuka Njambi, co njilinyenga omo njiyongola, co njizeya manene.

Kutuuka 2:23

Co omo kwetile myaka yaingi, mwene wa Ingito watsile. Oloni vaIsalele vakele nakukemanga omwo ya vundungo vwavo, vakele nakutambeka ngeci vavakwase. Co mutambi wavo wetele kuli Njambi.

Mbimbi 3:44

Walifwika mu lishelwa lyakama manene ngeci malombelo etu kuwasa kweta kuli yove.

Mbimbi 3:8

Njilinakuteta nakutambeka ngeci vanjikwase, oloni Njambi shendi kunjitolilila

Luka 22:44

Co omwo a tuyando twakama walombelele manene, co litukuta lyendi lyafwile ngwe maninga andwekelele asi.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

Maako 10:16

Ngecivene, vatundisile vinjambi vavo veka, co valemesele Shukulu Kalunga, co ikeye wazivile ku mbunge kuvavala a tuyando twa vaIsalele.

1 Samwele 9:16

“Imene a simbu ino vene njikakutumina munu wa ku muyati wa Mbenjemani, muvwavese mazi ngeci apwe muka-kushwana vanu vange va Isalele, ikeye akavamena kuli vaFilisitiya, omwo njinamono tuyando twa vanu, co njazivi kulila kwavo ngeci njivakwase.”