Myaso 100:5 - Livulu lya Shukulu Kalunga

⁵ Omwo Shukulu Kalunga wapwa wamuvwa, na cizemo cendi cije kucesi kutenguluka cakala ku myaka yoshe, na kulongwa kwendi lalo kwakala ku myaka yoshe.

Myaso 100:5 Iomraidhean Croise

1 Mizimbu 16:34

Kandeleleni kuli Shukulu Kalunga, omwo ikeye wapwa wamuvwa, omwo cizemo cendi cije kucesi kutenguluka cakala ku myaka yoshe.

2 Mizimbu 5:13

Vaka-kwimba valikumbasanene mukwimba malupembo, na vingenjo na vyakwimbisa vyeka omo vakele nakushangazala Shukulu Kalunga. Vembile ngwavo, “Shangazaleni Shukulu Kalunga, omwo ikeye wapwa wamuvwa, cizemo cendi cakala ku myaka yoshe.” Omo vaka-kukombelela vatundile mu Njuvo ya Shukulu Kalunga, co lishelwa lyakovelele nakushulisa mu Njuvo ya Shukulu Kalunga ngeci vaka-kukombelela kuvasele kwilukilamo nakupanga vipangi vyavo,

Ezela 3:11

Vembile nakushangazala Shukulu Kalunga, nakumukandelela ngwavo, “Shukulu Kalunga wapwa wamuvwa, cizemo cendi kuli Isalele capwa ca ku myaka yoshe.” Munu na munu watambekele manene na nzili yendi yoshe, mukushangazala Shukulu Kalunga, omwo vipangi vyakwinda luvula lwa Njuvo ya Shukulu Kalunga vyashangumukile.

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 106:1

Shangazaleni Shukulu Kalunga! Kandeleleni kuli Shukulu Kalunga, omwo ikeye wapwa wamuvwa, cizemo cendi cije kucesi kutenguluka cakala ku myaka yoshe.

Myaso 107:1

“Kandeleleni kuli Shukulu Kalunga, omwo ikeye wamuvwa, cizemo cendi cije kucesi kutenguluka cakala ku myaka yoshe!”

Myaso 107:15

Vanu vamukandelele Shukulu Kalunga omwo a cizemo cendi cije kucesi kutenguluka, na vyuma lalo vyakukomokesa vije vyavalingilile.

Myaso 107:22

Vanu vanapande kumukombelela vin̄ombelo vya cikandelela, nakwambulula vilinga vyendi mu myaso yakujolela!

Myaso 107:8

Vanu vamukandelele Shukulu Kalunga omwo cizemo cendi cije kucesi kutenguluka, na vyuma lalo vyakukomokesa vije vyavalingilile!

Myaso 119:68

Yove uwamuvwa, co lalo ukalingi vyavivwa, njilongese mashiko ove!

Myaso 138:8

Shukulu Kalunga ukashulisa vije vyoshe wanjikulaesele, Shukulu Kalunga, cizemo cove cije kucesi kutenguluka, cakala ku myaka yoshe. Kesi uvyane vipangi vya mavoko ove.

Myaso 146:6

Ishamatanga uje watangele lilu, na asi na mema a kalunga na vyoshe vije vilimo. Ikeye muka-kunyunga cikulaeso cendi simbu yoshe,

Myaso 25:8

Omwo Shukulu Kalunga wapwa wa vushunga na vuvwa, akalongesa vaka-vuvi ngila ivanapande kwendelamo.

Myaso 36:5

Shukulu Kalunga, cizemo cove cije kucesi kutenguluka cinete na mu melu, kulongwa kwove kunete ku mashelwa.

Myaso 52:1

Omwo vikajo ulyalesela a vuvi yove cingenyenye? Cizemo ca Njambi cakala simbu yoshe.

Myaso 85:10

Cizemo cije kucesi kutenguluka nakukulaela vikaliwana amolika, co vushunga na kwoloka vikalivumbatela ngwe munu na musamba wendi.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Mika 7:20

Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Nahumi 1:7

Shukulu Kalunga wapwa wamuvwa, Akamena vanu vendi mu simbu ya tuyando, akanyungu vaje vatengulukila kuli ikeye.

Luka 1:50

ikeye akamwesa mema ku mbunge kuli voshe vamusingimika, kutunda ku cisemwa cimo kutwala ku cisemwa cikwavo.

Kwituluka mu Mashiko 7:9

Ngecivene, zivukeni ngweni Shukulu Kalunga Njambi yeni ikeye Njambi umolika, ikeye wapwa Njambi wa kulongwa. Ikeye wanyunga cikumiiyo cendi, na cizemo cendi cije kucesi kutenguluka kuli vaje vamuzema nakunyunga mashiko endi ku visemwa 1,000.

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,