Myaso 100:3 - Livulu lya Shukulu Kalunga

³ Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 100:3 Iomraidhean Croise

2 Vimyene 19:19

Ololo, Shukulu Kalunga Njambi yetu, twamene ku movoko a vaAsilya, ngeci miyati yoshe ya mu kaye vazivuke ngeci yove lika Shukulu Kalunga, wapwa Njambi.”

1 Mizimbu 16:14

Shukulu Kalunga ikeye Njambi yetu, akanene vushunga kwoshe-ikwoshe ano a kaye.

Yombi 10:3

Kuma mwamuvwa kuli yove kuyandesa nakuyeluwisa vije watangele yove vavenya ndi? Nakujolela viyongola vya vanu vaka-vuvi?

Myaso 119:73

Yove wanjitangele, njane mana ngeci njililongese mashiko ove.

Myaso 12:4

“Na majwi etu tuwana vije vitushaka. Twendeka mwoshe mutushakela, co naumo wai atuvindika.”

Myaso 149:2

Vwaelela Isalele omwo Ishamatanga wove, joleleni, yeni vanu va ku Siyone, omwo ali mwene yeni!

Myaso 46:10

Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

Myaso 78:52

Asinoni watwamenenene vanu vendi ngwe kanyungi, co wavatwalele mu mambo.

Myaso 79:13

Asinoni yetu vanu vove, vimanga va ku vutanga vwove, tukakukandelela ku myaka yoshe, nakukushangazala visimbu vyoshe.

Myaso 95:3

Omwo Shukulu Kalunga ikeye Njambi muka-nzili, ikeye mwene wa nzili kuhyana vinjambi voshe.

Kutuuka 6:7

Njikamipwisa vanu vange, co njikapwa Njambi yeni. Asinoni mukazivuka ngeci yange njapwa Kalunga, Njambi yeni uje wamipatwile mu vundungo mu Ingito.

Muka-kwambulula 12:1

Anuka Ishamatanga wove simbu ucili mukwenje, omo kanda matangwa a tuyando ete, na myaka ya tuyando yete omo ukendeka ngwove, “Kunjawanenemo kujolela mu mwonyo wange.”

Isaya 63:11

Oloni vanu vendi vanukile vyuma vyakulaja, a matangwa a Mosesa, ngamba ya Shukulu Kalunga, co vehwile ngwavo, “Shukulu Kalunga ali kulijo ololo, uje waamenene vantwama va vanu vendi ku mema a kalunga? Shukulu Kalunga ali kulijo, uje waanene Munzinzime wendi kuli Mosesa?

Isaya 63:19

Ulinakutupangesa ngwe kesi yove wapwile u ntwama yetu, ngwe kesi tu vanu vove.

Isaya 64:7

Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Ezekiyele 34:11

“Yange Kalunga wa Akamwa ya Vyoshe, njimileka ngwange yange vavenya njikashakezeka vimanga vange, co njikavanyunga,

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Kwituluka mu Mashiko 32:6

Kuma eyi ikeyo ngila imukapangesa nayo kuli Shukulu Kalunga ndi? Eni vikolokomba vakujeneka mana! Ikeye ishweni, uje wamitangele, ikeye wamipwisile muyati.

Kwituluka mu Mashiko 4:35

“Shukulu Kalunga washolwele evi kuli yeni ngeci muzivuke ngweni Shukulu Kalunga ikeye Njambi, kukwesi weka lalo wai.

Kwituluka mu Mashiko 4:39

“Ngecivene, anukeni litangwa lya lelo nakulinyunga mu vimbunge vyeni, ngweni Shukulu Kalunga ikeye wapwa Njambi wa mwilu na ano asi. Co kukwesi njambi weka lalo wai.

Kwituluka mu Mashiko 7:9

Ngecivene, zivukeni ngweni Shukulu Kalunga Njambi yeni ikeye Njambi umolika, ikeye wapwa Njambi wa kulongwa. Ikeye wanyunga cikumiiyo cendi, na cizemo cendi cije kucesi kutenguluka kuli vaje vamuzema nakunyunga mashiko endi ku visemwa 1,000.

1 Petulu 2:25

Yeni mwapwile ngwe mu vimanga vanazimbalesa ngila yavo, oloni ololo muneluka kukava Kanyungi na Muka-Kunyunga myonyo yeni.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 4:19

Ngecivene, vaje valinakuyanda ngwe ku cizango ca Njambi, a vilinga vyavo vyavivwa vanapande kulyana kuli Ishamatanga wavo, uje simbu yoshe akanyungu cikulaeso cendi.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.