Myaso 100:2 - Livulu lya Shukulu Kalunga

² Lemeseni Shukulu Kalunga nakujolela, ijeni kuli ikeye nakwimba myaso yakuvwaelela.

Myaso 100:2 Iomraidhean Croise

1 Vimyene 8:66

A litangwa lyamucitanu na atatu, Solomoni washikile vanu kuya ku membo avo. Co voshe vamushangazalele, co velukile ku membo avo nakujolela omwo vivezikiso vyoshe vije vyaanene Shukulu Kalunga kuli ngamba yendi Ndaviti na kuli vanu vendi va Isalele.

2 Mizimbu 29:30

Co mwene na vantwama valekele vaLevi kwimbila Shukulu Kalunga myaso yakumushangazala ije yasonekele Ndaviti na Asafe muka-kwimanena. Ngecivene, munu na munu wembile nakujolela manene omo vatsikamene a mavuli nakulemesa Njambi.

2 Mizimbu 31:2

Co Mwene Hezekiya wakolesele lalo vipangi vya vaka-kukombelela na vaLevi, ngwe ku vipangi vya munu na munu. Evi vyapwile kukombelela vin̄ombelo vya kwenyeka na milambu ya kulitombola, na milambu ya cikandelela nakupanga mu Njuvo ya Shukulu Kalunga.

Myaso 42:4

Mbunge yange ipokoka omo njanuka vya kunima, omo njaile na mbunga ya vanu ku Njuvo ya Shukulu Kalunga, co njavatwamenenene omo vakele nakunjikava munima, yapwile mbunga yakuvwaelela, vembile nakutambeka nakushangazala Njambi.

Myaso 71:23

Njikatambeka nakujolela, njikaimba nakukushangazala na mbunge yange yoshe, omwo unanjamena.

Myaso 95:2

Tuyeni kuli ikeye nakukandelela, nakwimba myaso yakujolela nakumushangazala!

Kwituluka mu Mashiko 12:12

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje vali mu vinganda vyeni omwo vakevo kuvesi na mutambela nambe vushwana akati keni.

Kwituluka mu Mashiko 16:11

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje mulinakukala navo, na vaka-kwija, na visiwa, na vifwile vaje valinakukala akati keni. Mukalingila eci ku mwela uje wakaangula Shukulu Kalunga wakumulemesela.

Kwituluka mu Mashiko 16:14

Mukajolela a ciwano ceni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi, na vaka-kwija, na visiwa, na vifwile vaje valinakukala akati keni.

Kwituluka mu Mashiko 28:47

Shukulu Kalunga wamivezikisile mu vingila vyoshe, oloni kumwamupangelele nakuvwaelela na vimbunge vyakujolela.

Filipu 4:4

Joleleni muli Mwene simbu yoshe, njicendekamo lalo ngwange, joleleni!