Myaso 100:1 - Livulu lya Shukulu Kalunga

¹ Imbileni Shukulu Kalunga nakujolela, yeni vanu voshe muli ano asi!

Myaso 100:1 Iomraidhean Croise

Myaso 145:1

Njikakwalesa Njambi yange na mwene yange, njikashangazala lizina lyove ku myaka yoshe.

Myaso 32:11

Vwaeleleni nakujolela yeni vaka-vushunga, omwo vije vyanalingi Shukulu Kalunga! Tambekeni nakujolela yeni vaka-kumwononoka!

Myaso 47:1

Kandeni mavoko eni yeni vanu voshe! Shangazaleni Njambi na tun̄alavela!

Myaso 47:5

Njambi aya ku litanda lyendi lya vumwene! Kuli mitambi yakujolela nakwimba malupembo, omo Shukulu Kalunga alamata kwilu!

Myaso 66:1

Shangazaleni Njambi yeni vanu voshe va asi, na mutambi wakujolela!

Myaso 66:4

Vanu voshe va ano asi vakakulemesa, vakaimba myaso yakukushangazala, vakaimba nakushangazala lizina lyove.”

Myaso 67:4

Vanu vajolele, co vaimbe nakuvwaelela, omwo yove ukasompo vanu mu vushunga, nakutwamenena miyati yoshe ya asi.

Myaso 68:32

Imbileni kuli Njambi, vumwene vwoshe vwa asi, imbeni nakushangazala Shukulu Kalunga.

Myaso 98:4

Imbileni Shukulu Kalunga nakujolela yeni voshe vaka-asi, mushangazaleni na myaso na mitambi yakujolela!

Zefaniya 3:14

Imbeni nakutambeka nakujolela yeni vanu va mu Isalele! Joleleni na vimbunge vyeni vyoshe yeni vanu va mu Yelusalema!

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Luka 19:37

Omo Yesu wetele kuyehi na Yelusalema, ku mutambela kuje ngila yashelumukilile ku Munkinda wa Oliveta, co mbunga yakama ya vandongisi vendi vashangumukile kukandelela kuli Njambi nakumushangala mu majwi akutambeka omwo a vyuma vyoshe vyakama vije vivamwene

Loma 15:10

Co lalo visoneka vyendeka ngwavyo, “Yeni voshe kesi vaYunda, joleleni amo na vanu va Njambi!”

Kwituluka mu Mashiko 32:43

“Yeni miyati munapande kushangazala vanu va Shukulu Kalunga. Ikeye akahisa voshe vaje vakatsiya vanu vendi, omwo ikeye akalinga shambandinga ali vitozi vendi, nakwamena vuvi vwa vanu vendi.”