Myaso 10:5 - Livulu lya Shukulu Kalunga

⁵ Muka-vuvi avezika mu vyuma vyoshe vije vyalinakulinga. Kasa kuzivisisa kusompa kwa Njambi, co lalo apopolola vitozi vendi.

Myaso 10:5 Iomraidhean Croise

Kushangumuka 6:12

Njambi wakengele a kaye wamwene ngeci ali vuvi omwo vanu voshe vayoyele mu vuvi.

2 Samwele 5:6

Simbu yetele omo Mwene Ndaviti na vanu vendi vaile nakulwisa Yelusalema. Co vaNjevushi vaje vatungile muje, vayongwele ngwavo Ndaviti kasa kufungulula ije nganda, co vendekele kuli ikeye ngwavo, “Yove kuukasa kukovela muno, nameme vene tupuputwa na vilema vasa kukushekamo.”

1 Vimyene 20:13

A simbu ije, muka-kwimanena waile kuli Mwene Ahave nakwendeka ngwendi, “Shukulu Kalunga nendeka ngwendi, ‘Kesi uzive lyova a nzita ije yakama! Ku litangwa lya lelo njikakuhyanesa, co yove ukazivuka ngeci kuma yange njapwa Kalunga.’ ”

Yombi 24:23

Njambi amutava ngeci ayoye mwamuvwa, oloni simbu yoshe alinakukenga lisho ali ikeye.

Myaso 12:5

Shukulu Kalunga alinakwendeka ngwendi, “Oloni ololo njilinakwija, omwo tuutu valinakuvayandesa, na vaka-kuyanda valinakulinyenga omwo tuyando. Njikavanyunga ku tuyando twavo.”

Myaso 73:3

omwo njamwene vaka-kulyalesa, na vaka-vuvi vavezika.

Visimo 1:19

Vufuko vuje uwana mu ngila ya muuka vukakutwala ku kutsa, eci cikeco cilingiwa ku munu uje ayoya mu ngila ya muuka.

Visimo 15:24

Vanu vakunyanyama vakende mu ngila ije yakushungama itwala ku mwonyo, oloni kesi ngila ije ishelumuka ku vukalo vwa vatsi.

Visimo 2:13

vaje vanaseza ngila yakushungama, ngeci vende mu vingila vya lisusulungu.

Visimo 2:15

Vingila vya vanu va cifwa eci vyapwa vya kupenga-penga, vatanguka mu vingila vyavo.

Visimo 24:1

Kesi uliveyele vaka-vuvi, nambe kulikwata navo vusamba embwe.

Isaya 10:1

Ngongo yeni! Mukalingi mashiko aje kesi a vushunga, aje ayandesa vanu vange.

Isaya 26:11

Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.

Isaya 28:15

Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Isaya 42:25

Ngecivene, twazivile nzili ya vukalu vwendi, nakumona tuyando twa nzita, vukalu vwendi vwashukumine mu Isalele ngwe tuhya, oloni kutwazivukile vije vyalingiwile, nacimo cai twalilongeseleo.

Isaya 5:12

Ku viwano vyeni kwakala tulyalya, na tumbulumbumba, na vimbendo, na vinyu. Oloni kumuzivuka vije vyalinakulinga Shukulu Kalunga,

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Hoziya 9:9

Vanapu vavavi manene mu vije valinakulinga, ngwe muje muvafwile ku Ngimbeya. Njambi akanuka vuvi vwavo nakuvanyanyamesa.

Loma 3:16

mu vingila vyavo muli kuviisa nakuyongesa.

Maako 9:27

Co voshe vaile mu mahya avo nakuvuya mikolovozi ya vushuka vwa vinyu, vavulingile vinyu nakulinga ciwano. Co vaile mu njuvo ya njambi yavo, kuje vakalile nakunwa, co vashendumwine Avimeleke.

Maako 9:38

Co Zevule wendekele kuli ikeye ngwendi, “Visimutwiya vyove vili kulijo? Yove watulombele ngeci omwo vikajo tulinakupangela Avimeleke. Ava vakevo vanalume munakele nakushendumuna. Tuuka anja ololo nakuvalwisa.”