Myaso 10:14 - Livulu lya Shukulu Kalunga

¹⁴ Oloni yove unacimono unazivuka vukalu na tuyando, co walivwaesela kukwasa. Muka-kuzeya aliita kuli yove, omwo simbu yoshe u muka-kukwasa vaka-kujeneka.

Myaso 10:14 Iomraidhean Croise

Kushangumuka 21:17

Njambi wazivile kulila kwa mwana, co kangelo ka Njambi oku ali mwilu watambekele kuli Hangale ngwendi, “Hangale, vika ulinyenga? Kesi uzive lyova. Njambi nazivi kulila kwa munove.

Kushangumuka 31:12

Co kangelo ngwendi, ‘Kenga, majamba a vimembe voshe vaje vanakele nakulonda vanapu vamingolila, na ava vamapelenge, na ava vakuvalama. Evi vilinakulingiwa omwo njamono vyoshe vije alinakulinga Lambani kuli yove.

2 Samwele 16:12

Amo Shukulu Kalunga akamona tuyando twange, co akanjana vivezikiso kwingisa mu cisingo cendi.”

2 Vimyene 9:26

‘Izau njinamwene Navote na vana vendi. Co njikulaesa ngeci nove lalo vakakutsiila mu lihya lino vene.’ ” Co Yehu washikile mukwasi wendi ngwendi, “Ambata muvila wa Njolame uumbile mu lihya lije lyapwile lya Navote, mukushulisa cikulaeso ca Shukulu Kalunga.”

2 Mizimbu 24:22

Mwene wevalele ngozi yamulingilile Yehoyanda ishe ya Zekaliya, co watsiile Zekaliya. Omo Zekaliya wakele muyehi na kutsa, watambekele ngwendi, “Shukulu Kalunga amone eci ciwulinakulinga, nove lalo akunyanyamese!”

2 Mizimbu 6:23

Shukulu Kalunga, tolilila omo mwilu ngeci usompe vangamba vove. Hisa uje ali na mulonga ngwe mucinamupande, co ecela uje kesi na mulonga ngwe lalo mucinamupande.

Myaso 146:9

Shukulu Kalunga anyunga vangenzi vaje vali mu lifuti lyetu, ikeye akwasa vifwile na visiwa, oloni vaka-vuvi avanyongesa.

Myaso 22:11

Kesi ukale kulyala nange! Omwo tuyando tuli muyehi, omwo kukwesi umo wakunjikwasa.

Myaso 31:8

Kuwatavele ngeci vitozi vange vanjifungulule, yove wanjitavesa kuya kwoshe kunjishaka.

Myaso 35:22

Oloni yove Shukulu Kalunga wapwa u mukaleo, co kesi woloke kuluu. Kesi ukale kulyala nange yove Shukulu Kalunga!

Myaso 55:22

Kundika tuyando twove kuli Shukulu Kalunga, co ikeye akakukwasa, ikeye kakatava muka-vushunga ngeci vamufungulule embwe.

Myaso 68:5

Njambi uje wakala mu Njuvo yendi yakujela, ikeye muka-kulela visiwa nakunyunga vifwile.

Myaso 68:6

Njambi akana njuvo yakukala kuli vaje vali avo lika, atundisa vinzinda nakuvavezikisa, oloni vaka-kumutengulukila vakakala mu mambo.

Kutuuka 2:25

Ngecivene, Njambi wamwene vundungo vwa vaIsalele, co wavazivilile mema ku mbunge.

Kutuuka 22:22

Kesi muyandese fwile nambe muna siwa.

Kutuuka 22:26

Nga mwambata kambilititi ka mukweni kupwa cishimbikiya, co mwilwisileniko omo litangwa kanda licitoke,

Visimo 15:25

Shukulu Kalunga akanyongesa vinjuvo vya vanu va kulyalesa, oloni akanyunga vufuko vwa vifwile.

Visimo 15:3

Mesho a Shukulu Kalunga ali kwoshe-ikwoshe. Ikeye alinakukenga ali vaka-vuvi, na ali vaka-vushunga.

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Njelemiya 16:17

Njamono vyoshe vivalinakulinga. Cuma nacimo cai cakuvanda kuli yange, vuvi vwavo kuvwavandele ku mesho ange.

Njelemiya 23:24

Naumo wai avanda ngeci njijeneke kumumona. Kuma kumuzivuka ngweni yange njakala kwoshe-ikwoshe mwilu na ano asi ndi?

Njelemiya 49:11

Sezeni visiwa veni amo nange, yange njikavalela. Co vifwile veni vakayoyela kuli yange.

Njelemiya 51:56

Vanaija nakunyongesa Mbambilone, mashwalale vamwo vanavafungulula, mata avo a lusipa anapokozoka. Yange Njambi muka-kuhisa vuvi, co njikanyanyamesa Mbambilone ngwe ku vije viyalingile.

Mbimbi 3:59

Njisompe mwamuvwa, yove uzivuka vivi vije vivanalingi kuli yange.

Mbimbi 3:60

Uzivuka muje vitozi vange muvanjizindila, na muje muvakanjitumbila vutumbe vwakunjilwisa.

Hoziya 14:3

Vaka-Asilya kuvasa kutwamena, nameme tuvalu twa nzita kuvasa kutwamenena. Kutukendeka lalo ku tumponya twetu ngwetu, ‘Yeni munapu Njambi yetu’ embwe. Yove Shukulu Kalunga, ukazivila mema ku mbunge vaje kuvesi noku kweka vasa kuya.”

Hoziya 14:4

Shukulu Kalunga alinakwendeka ngwendi, “Njikelwisa lalo vanu vange kuli yange vavenya. Njikavazema na mbunge yange yoshe, vukalu vwange ali vakevo vunahu.

Njwele 3:4

“Vikajo mushaka kulinga kuli yange, yeni vaka-Tile na Sindone na mafuti oshe a Filisitiya? Yeni mushaka kunjiilwisila cuma cimo ndi? Nga mukemwo, co nange vwasi-vwasi njikamifweta!

Hambakuke 1:13

Omo vikajo utavela vanu ava vaka-vuvi kulinga vuvi? Mesho ove apwa akujela kuwesi kukenga a vuvi, nambe kukenga vaka-vuvi ngeci valinge vyuma vyavivi. Ngecivene, omwo vikajo unolokela kuluu omo vaka-vuvi vanyongesa vanu vaka-vushunga kutuvakana vakevo?

Kwituluka mu Mashiko 10:18

Ikeye akasompela vushunga visiwa na vifwile, co azema vaka-kwija vaje valinakukala akati ketu, avaana vyakulya na vuzalo.

2 Timateo 1:12

eci cikeco cilinakunjilingisa ngeci njiyande. Oloni kunjesi na shwamwa embwe, omwo njinazivuka uje njinakulaela, co njazivuka mwa vushunga ngwange ikeye asa kunyunga mwamuvwa vije vyananjikundika noo ku Litangwa lije.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

1 Petulu 4:19

Ngecivene, vaje valinakuyanda ngwe ku cizango ca Njambi, a vilinga vyavo vyavivwa vanapande kulyana kuli Ishamatanga wavo, uje simbu yoshe akanyungu cikulaeso cendi.

1 Petulu 5:7

Akeni vukalu vweni vwoshe ali ikeye, omwo ikeye alinakumilela.

Maako 1:7

Co Andonimbezeki wendekele ngwendi, “Vimyene vakupwa 70 njavavatozwele manyetete a ku mavoko na ku mendi, vakevo vakele nakunona-nona vungululu vwa vyakulya mwisi ya mesa yange. Co ololo Njambi nanjilingi ngwe muje munjavalingile yange.” Co vamutwalele ku Yelusalema kuje kwakatsililile.