Muka-kwambulula 9:3 - Livulu lya Shukulu Kalunga

³ Ovu vunapu vuvi mu vyuma vyoshe vije vilinakulingiwa ano asi. Kuvindama kumolika kwija ku voshe, co lalo vimbunge vya vanu vinashulu na vuvi, vuzaluke vuli mu vimbunge, co vwasi-vwasi vatsa.

Muka-kwambulula 9:3 Iomraidhean Croise

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Yombi 15:16

Munu akanu vuvi ngwe mema, eyo, munu wapwa wa vunyengwe, lalo wapwa wakuviya.

Yombi 21:26

Oloni voshe vatsa mu cifwa cimo nakuvatsinda mu livu, co mainyo akavavumba.

Yombi 9:22

vyoshe vinapu mumolika. Muka-kujeneka mulonga nambe muka-mulonga, Njambi akavanyongesa.

Myaso 51:5

Kenga, vanjikitilile mu vuvi, na mu vuvi mukemwo muvanjimitilile vanana.

Myaso 64:7

Oloni Njambi akavasha mikili, co vakavetwa.

Visimo 14:32

Vaka-vuvi vakaliwisa vakevo vavenya a vilinga vyavo vya vuvi, oloni vaka-vushunga vali noku kwakutewela a kutsa kwavo.

Muka-kwambulula 1:17

Njayongwele kulilongesa ngeci njangunune kuzivisisa na vulema, mana na vuzaluke. Oloni njacimwene ngwange cinapu lika ngwe kusheka lihunzi.

Muka-kwambulula 12:7

Mivila yetu ikeluka ku livu, oloni mwonyo ukeluka kuli Njambi uje watwanenewo.

Muka-kwambulula 2:14

Vaka-mana vasa kumona kuje valinakuya, co vilema kuvasa kumona kuvaya. Oloni njizivuka ngeci kuvindama kunavandamena yetu voshe.

Muka-kwambulula 7:2

Mwamuvwa kuya ku njuvo kuje kuli vusiwa, kutuvakana kuya ku njuvo kuje kuli ciwano, omwo vaje valinakuyoya vanapande kulyanukisa ngeci kutsa catuvandamena yetu voshe.

Muka-kwambulula 7:25

Njalikundikile ku mana nakulilongesa, co njashakele kuwana mana, nakukumbulula ku vihula vyange, nakulilongesa muvwafwa vuvi, na vulema.

Muka-kwambulula 8:11

Omwo vikajo vanu vakalingi milonga yaingi? Omwo kuvesi kuhisa milonga vwasi.

Muka-kwambulula 9:11

Njanangukile cuma cikwavo lalo ngeci muno mu kaye, vaka-kushatuka manene kuvesi kuhyana kushatuka simbu yoshe, co vaka-kusimpa kuvesi kuhyana nzita simbu yoshe, co vaka-mana kuvesi kuwana vufuko simbu yoshe, na vaka-vutongwe kuvesi kuwana vitumbamo vyakama simbu yoshe. Luvinda lukaija ku munu woshe-iwoshe.

Muka-kwambulula 9:2

Kukwesi kwangunuka. Kuvindama kumolika kwija kuli vaka-vushunga, na kuli vaka-vuvi lalo, kuli vavavwa na kuli vavavi, kuli vaka-kutava, na kuli vaje kesi vaka-kutava, kuli vaje vaka-kukombelela vin̄ombelo na kuli vaje kuvesi kukombelela vin̄ombelo. Munu wamuvwa kesi na vuvwa vwakutuvakana muka-vuvi, co muka-kulisinga kesi na vuvwa vwakutuvakana uje kesi kulisinga.

Muka-kwambulula 9:4

Uje woshe ayoya ali na cinyangavili, ngwe katali wa mwonyo natuvakana ndumba wa kutsa.

Njelemiya 16:12

Oloni yeni mwalingi mwamuvi manene kutuvakana vakukulwila veni. Muvavoshe munapu vaka-kukaluwisa vimbunge vyeni na vuvi, co kumwesi kunjononoka.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Njelemiya 17:9

“Mbunge ya munu yapwa ya makuli kutuvakana vyuma vyoshe, yapwa yaivi manene, iyajo aizivuka?

Luka 15:17

Omo waliyongwele, walyendekesele ngwendi, ‘Vangamba voshe va tate valinakulya nakukuta nakusezao, yange njilanduka ku njala!

Luka 6:11

Oloni vakele na matoto, co valyendekesele akati kavo vije vivapandele kulinga kuli Yesu.

Vilinga vya Miluwa 12:23

Aje vene kangelo ka Mwene wapupile Helonde, omwo kaanene kasingimiko kuli Njambi. Co mainyo vamulile, co watsile.

Vilinga vya Miluwa 26:11

Co visimbu vyavingi njavanyanyamesele mu masinangonge nakweseka kuvasindiya ngeci vavyane kukulaela kwavo. Co njaluvalele manene navo ngeci njaile ku vinganda vyeka nakuvayandesa.

Vilinga vya Miluwa 26:24

Co omo Paulu wakele nakulyamena mu ngila eyi, Fesitase watambekele kuli ikeye ngwendi, “Ove Paulu unazaluka! Kulilongesa kwove kwakama kulinakukuzalwisa!”

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

2 Petulu 2:16

oloni vamukandele a vuvi vwendi. Cimulu wendekele ngwe munu nakuvindika vilinga vya kuzaluka vya muka-kwimanena.