Muka-kwambulula 7:2 - Livulu lya Shukulu Kalunga

² Mwamuvwa kuya ku njuvo kuje kuli vusiwa, kutuvakana kuya ku njuvo kuje kuli ciwano, omwo vaje valinakuyoya vanapande kulyanukisa ngeci kutsa catuvandamena yetu voshe.

Muka-kwambulula 7:2 Iomraidhean Croise

Myaso 90:12

Tulongese kulava matangwa etu, ngeci tukale na mbunge ya mana.

Muka-kwambulula 2:14

Vaka-mana vasa kumona kuje valinakuya, co vilema kuvasa kumona kuvaya. Oloni njizivuka ngeci kuvindama kunavandamena yetu voshe.

Muka-kwambulula 2:16

Naumo wai akanuka vaka-mana, co lalo naumo wai akanuka vilema. A matangwa aje alinakwija kulutwe tuvavoshe vakatwivala. Tuvavoshe tukatsa cifwa cimo, vaka-mana na vilema.

Muka-kwambulula 3:19

Ngeci mwa tusitu, tuyoya, co tutsa, tuvavoshe tunapu mumolika. Voshe vanapu vitanga vyakulifwa. Munu kesi na seo kutuvakana kasitu embwe, omwo mwonyo wapwa wangoco kuli munu na kuli kasitu.

Muka-kwambulula 3:20

Vyuma vyoshe vyakuyoya vikai ku mutambela umolika. Vatutundisile ku livu, co lalo tukeluka ku livu kutwatundile.

Muka-kwambulula 6:6

Nameme uyoya myaka 2,000 kuvwaelela na vyuma vyavivwa. Ngwe muwazivukile laja, yetu voshe tuya ku mutambela umolika.

Muka-kwambulula 9:2

Kukwesi kwangunuka. Kuvindama kumolika kwija kuli vaka-vushunga, na kuli vaka-vuvi lalo, kuli vavavwa na kuli vavavi, kuli vaka-kutava, na kuli vaje kesi vaka-kutava, kuli vaje vaka-kukombelela vin̄ombelo na kuli vaje kuvesi kukombelela vin̄ombelo. Munu wamuvwa kesi na vuvwa vwakutuvakana muka-vuvi, co muka-kulisinga kesi na vuvwa vwakutuvakana uje kesi kulisinga.

Muka-kwambulula 9:3

Ovu vunapu vuvi mu vyuma vyoshe vije vilinakulingiwa ano asi. Kuvindama kumolika kwija ku voshe, co lalo vimbunge vya vanu vinashulu na vuvi, vuzaluke vuli mu vimbunge, co vwasi-vwasi vatsa.

Muka-kwambulula 9:5

Eyo, vaka-kuyoya vazivuka ngeci litangwa limo vakatsa, oloni vatsi neci vene vazivuka cai. Kuvesi na cikandelela kulutwe cai vanavevala hivya.

Isaya 47:7

Yove wayongwele ngwove ukapwa vamwene simbu yoshe, oloni kuwaakeleko mbunge ku vyuma vije, nambe kuyongola ngwove vyuma evi vikahwa.

Njelemiya 16:8

“Kesi ukovele mu njuvo muje muli ciwano. Kesi utumbame navo mukulya nakunwa.

Hangai 1:5

Kumwesi nakumona vije vilinakulingiwa ali yeni?

Malakiya 2:2

Munapande kunjisingimika a vije mulinga. Nga kumutolilila ku vije vinjendeka, co njikamisinga. Co njikasinga vyuma vije vyakumikwasa vivakamyana. Mwa vushunga njinavisingi laja, omwo kumwesi kumbako mbunge ku mashiko ange.

Kulava 23:10

Iya asa kulava vatekulwila va Yakomba, vapwa ngwe lishen̄avu nameme kulavulula mutambela umo wa vanu va Isalele? Njitave njitse kutsa kwa vanu va Njambi, co kutsa kwange kupwe kwa kwoloka ngwe kwa vaka-vushunga!”

Mateo 5:4

“Vanavezika vaje valinakulila, omwo Njambi akavazembeleka!

Kwituluka mu Mashiko 32:29

Nga vakele na mana ngwe vazivukile vije vyalingiwile, oloni kuvayongwele kuhwa kwavo.

Kwituluka mu Mashiko 32:46

co wendekele kuli vakevo ngwendi, “Mwa vushunga ononokeni mashiko oshe awa njinamilekawo ku litangwa lya lelo. Alongeseni vana veni, ngeci vakononoke na kulongwa vilongesa vyoshe vya Njambi.

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.

VaHevelu 9:27

Munu woshe napande kutsa lumo, co asinoni vakamusompa kuli Njambi.