Muka-kwambulula 3:4 - Livulu lya Shukulu Kalunga

⁴ Kuli simbu ya vusiwa, na simbu yakujolela, kuli simbu yakulila, na simbu yakukina,

Muka-kwambulula 3:4 Iomraidhean Croise

Kushangumuka 21:6

Sala wendekele ngwendi, “Njambi nanjinenela mbwase nakujolela. Vanu voshe vakaziva a cuma eci vakajolela amo nange.”

2 Samwele 6:16

Omo Cikasa cakovelele mu nganda, Mikale, muna Saulu, wemanene mu njanena, co wamwene Mwene Ndaviti alinakukina nakujombozoka na kusingimika Shukulu Kalunga mukukina cakujela, co wamushendumwine mu mbunge yendi.

Myaso 30:11

Unatengulula vusiwa vwange kuvupwisa kujolela, unatundisa vusiwa vwange nakunjana kujolela.

Myaso 30:5

Omwo kuluvala kwendi kwa kasimbu lika, oloni vuvwa vwendi vwapwa vwa simbu yoshe. Kulila kukakalako a simbu ya vutsiki, oloni kujolela kukakalako ku mutondo.

Kutuuka 15:20

Asinoni muka-kwimanena wa munakazi Milyamu, ndokazi ya Alone, wambatele kambulumbumba kendi, co vanakazi voshe vamukavele, nakwimba tumbulumbumba twavo nakukina.

Muka-kwambulula 3:5

kuli simbu yakulizema, na simbu yakulizinda, kuli simbu yakulitsemba, na simbu yakujeneka kulitsemba.

Muka-kwambulula 7:14

A litangwa limo omo umona vyavivwa vwaelela, co omo tuyando twija anuka ngeci, Njambi ikeye natumu vyoshe kuvwaelela na tuyando, kuuzivuka vika vikalingiwa ku simbu ya kulutwe.

Isaya 40:1

Njambi yetu alinakwendeka ngwendi, “Zembelekeni vanu vange. Vazembelekeni!

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Mateo 11:17

‘Twamimbilile myaso ya vushombolwa, oloni kumwakinine! Twamimbilile myaso ya vusiwa, oloni kumwalilile!’

Mateo 9:15

Yesu wavakumbulwile ngwendi, “Kuma yeni mukengelela vangenzi ku ciwano ca vulo ngeci vaye na njala ndi? Mwa vushunga vene embwe! Omo vavenya vulo acili navo kuvapandele kulinga ngacije. Oloni litangwa likaija omo vakatundisa vavenya vulo akati kavo, asinoni vakalikela kulya.

Luka 1:58

Vandambo na vavushoko vwendi vazivile vyuma vije vyamulingililile Shukulu Kalunga, co voshe vavwaelelele amo nendi.

Loma 12:15

Vwaeleleni na vaje valinakuvwaelela, lileni na vaje valinakulila.

2 Kolinte 7:10

Omwo vusiwa vwa cizango ca Njambi navupangesa mukumitwala kukutenguluka kwa vimbunge vyeni nakumitwamenena kukwovoka, co eci naumo wai asa kucivyana! Oloni vusiwa vwa ku cisemwa ca vunu vutwala ku kutsa.

Yakomba 4:9

Pweni vaka-kuviilila, tambekeni, lileni, tengulukeni kujolela kweni kupwe kulila, kujolela kweni kupwe kulisimoka!