Muka-kwambulula 2:3 - Livulu lya Shukulu Kalunga

³ Njashakele kuwana vyuma vika vije vinapu vyavivwa kuli yetu mu simbu yaindondo ije tulinayo ano asi. Ngecivene, njayongwele kulivwaelelesa yange vavenya na vinyu ngeci njiwane vati muvwafwa vulema na mana.

Muka-kwambulula 2:3 Iomraidhean Croise

Kushangumuka 47:9

Yakomba wamukumbulwile ngwendi, “Kuyoya kwange kwakwendangana ano asi kunapu myaka 130. Myaka eyi yapwile yaindondo oloni yakukaluwa, kuyalifwile na myaka ije vakele nakwendangana vakukulwila vange.”

Yombi 14:14

Nga munu atsa, kuma asa kuyoya lalo ndi? Oloni njikavandamena visimbu vyavivwa, njikavandamena noo simbu eyi ya tuyando inahu.

Myaso 104:15

nakulima lalo vinyu ngeci vivwaelelese mbunge ya munu, na mazi a olive akulikwita ku mesho endi, na likende ngeci limwane nzili.

Visimo 20:1

Cinapu cuma ca vulema kunwa vinyu, nakupenda kunena kalwa, vaka-kupenda vinyu kuvesi na mana.

Muka-kwambulula 1:17

Njayongwele kulilongesa ngeci njangunune kuzivisisa na vulema, mana na vuzaluke. Oloni njacimwene ngwange cinapu lika ngwe kusheka lihunzi.

Muka-kwambulula 10:19

Kulya nakunwa vikulingisa ngeci uvwaelele, oloni nga kuwesi na vimbongo, kuwasa kulinga vyuma evi.

Muka-kwambulula 12:13

A vyoshe evi kuli cuma cimolika cakwendeka, cikeco eci, singimika Njambi, co ononoka mashiko endi, omwo evi vyoshe vikevyo vivatangelele munu.

Muka-kwambulula 2:24

Kukwesi cuma cacivwa ku munu cije cinatuvakana kulya, nakunwa, nakukala mwamuvwa mu vipangi vyendi. Njazivukile ngeci vyuma evi vinapu vwana vwakutunda kuli Njambi.

Muka-kwambulula 5:18

Kenga, eci cikeco cinjinamono cije cinapu cacivwa ku munu woshe, cinapu kulya nakunwa nakujolela, a vipangi vyetu vyoshe vije vitunapangela ano asi matangwa amandondo akuyoya kwetu aje anatwana Njambi. Evi vikevyo vyashaka Njambi ngeci tuvilinge.

Muka-kwambulula 6:12

Vatijo munu azivuka vije vinapu vyavivwa ku munu simbu eyi yaindondo ya mwonyo wendi wangoco, mwonyo uje ulinakwita ngwe munzinze? Vatijo munu akasa kuzivuka vyuma vije vikalingiwa mu kaye omo ikeye natsi laja?

Muka-kwambulula 7:18

Kesi ukavangeye vyoshe vivali. Nga usingimika Njambi, ukapwa muka-kuhyana mu vyoshe.

Muka-kwambulula 7:25

Njalikundikile ku mana nakulilongesa, co njashakele kuwana mana, nakukumbulula ku vihula vyange, nakulilongesa muvwafwa vuvi, na vulema.

Muka-kwambulula 8:15

Ngecivene, yange njinalihisa ngeci munu napande kulivwaelelesa ikeye vavenya, omwo senga yalinayo mu mwonyo wendi lika inapu kulya nakunwa nakulivwaelelesa ikeye vavenya. Nasa kulinga cuma eci muje mwapanga a simbu ya mwonyo wendi uje wanamwana Njambi ano asi.

Mateo 6:24

“Munu naumo wai asa kupangela vashukulu vavali, kuvanga azindeo umo nakuzemao mukwavo, nambe apwa wa kulongwa ku umo nakushaula mukwavo. Co kuwasa kupangela Njambi nakupangela lalo vimbongo.

Efeso 5:18

Kesi mupende na vinyu, vije vyasa kumiviisa, oloni shuleni na Munzinzime.

Maako 9:13

Oloni muti wa mukolovozi wa vushuka vwa vinyu wakumbulwile ngwawo, ‘Akumishwana yeni, njinapande kulikela kutuwisa vushuka vwange vwa vinyu, vuje vukavwaelelesa vinjambi na vanu.’

1 Samwele 25:36

Avingaile welukile kuli Navale, ikeye wakele nakulinga ciwano mu njuvo yendi, ngwe ciwano ca mwene. Navale wavwaelelele manene omo wapendele, ngecivene, Avingaile kamulekele cuma cimo noo alikaki mutondo.