Muka-kwambulula 1:2 - Livulu lya Shukulu Kalunga

² Muka-kwambulula ngwendi vinapu vyangoco-ngoco, vyuma vyoshe vinapu vyangoco.

Muka-kwambulula 1:2 Iomraidhean Croise

Yombi 11:12

Cinapu cacikalu ku vilema kukala na mana ngwe mucapwa cacikalu ku vingolo kusema vimulu.

Myaso 144:4

Munu napu ngwe muku, na matangwa endi akuyoya anapu ngwe munzinze uje ulinakwita.

Myaso 89:47

Yove Shukulu Kalunga, anuka ngeci simbu yakuyoya kwange inapu yaindondo, omwo vikajo watangelele vanu voshe?

Muka-kwambulula 11:10

Kesi mulishoshomwene mu vimbunge vyeni, nambe kuvavalesa vimbunge vyeni, omwo simbu ya vukwenje vweni inapu yaindondo.

Muka-kwambulula 11:8

Kandelela a mwaka na mwaka omwo ulinakuyoya, nambe uyoya simbu yakama, anuka ngeci ukatsa. Kukwesi cuma cimo ciwukakengelela kulutwe.

Muka-kwambulula 12:8

Vyangoco, vyangoco, ngwendi Muka-kwambulula. Vyoshe vinapu vyangoco.

Muka-kwambulula 2:11

Asinoni njayongwele a vije vyoshe vinjalingile, na muje njaundanganene a cipangi cije njapangele, co njamwene ngeci vyoshe vinapu vyangoco. Vinapu lika ngwe kusheka lihunzi, navimo vyai vinjawaneneo ano asi.

Muka-kwambulula 2:15

Njalyendekesele mu mbunge yange ngwange, “Vyuma vije vikalingiwa kuli vilema vikalingiwa kuli yange lalo, vikajo njiwanao akukala na mana angacije?” Co njalikumbulwile yange vavenya ngwange, “Vyuma vyoshe vinapu vyangoco.”

Muka-kwambulula 2:17

Ngecivene, kuyoya kunapu kwangoco kuli yange, omwo vyuma vyoshe vili ano asi vyanjinenela tuyando lika. Co vyuma vyoshe vinapu vyangoco, vinapu lika ngwe kusheka lihunzi.

Muka-kwambulula 2:19

Iyajo azivuka ngeci uje akanjishwana akapwa muka-mana nambe cilema? Oloni ikeye akakala na vyuma vyoshe vije vinjapangelele, vyuma vyoshe vije vinjawanene mu mana ange ano asi. Vyuma vyoshe vinapu vyangoco.

Muka-kwambulula 2:21

Omwo munu apanga vipangi vyendi na mana, nakuzivuka, na vutongwe, co aseza vyoshe vije vyanawana kuli munu uje kavipangelele. Eci lalo cinapu cangoco kucavwaele!

Muka-kwambulula 2:23

Matangwa endi oshe, vipangi vyendi vikamunenela vusiwa na tuyando. Nambe ku vutsiki mbunge yendi kuyesi kuhwima. Vyuma vyoshe evi vinapu vyangoco.

Muka-kwambulula 2:26

Njambi aana mana, nakuzivuka, nakuvwaelela kuli vaje vamuvwaelelesa, oloni akapangesa vaka-vuvi, kuwana nakutulika, ngeci vije vivawana vavyane kuli vaje vamuvwaelelesa. Evi vyoshe vinapu vyangoco, vinapu lika ngwe kusheka lihunzi.

Muka-kwambulula 2:8

Vimyene va miyati yeka vanjinenelele siliva na ngolinde, na vufuko vwa seo yakama. Vanalume na vanakazi vanjimbilile myaso mukunjitundisa malunge, co njakele na vanakazi vavangi.

Muka-kwambulula 3:19

Ngeci mwa tusitu, tuyoya, co tutsa, tuvavoshe tunapu mumolika. Voshe vanapu vitanga vyakulifwa. Munu kesi na seo kutuvakana kasitu embwe, omwo mwonyo wapwa wangoco kuli munu na kuli kasitu.

Muka-kwambulula 4:16

Vanu vaje vamukavangeyeye vapwile vavangi manene-nene, oloni mu myaka ya kulutwe, naumo wai akavwaelela. Evi vyangoco lalo. Vinapu lika ngwe kusheka lihunzi.

Muka-kwambulula 4:4

Asinoni njamwene vanu omo vaundanganene kushaka kukala na vufuko vwavungi kutuvakana vakwavo. Oloni vinapu vyangoco. Vinapu lika ngwe kusheka lihunzi.

Muka-kwambulula 4:8

Kwakele munu uje wayoyele endi lika. Kakele na mwana wa munalume, nambe ndolome, oloni simbu yoshe wakele nakupanga, kapwisilemo vufuko vuje vwakele navwo. Omwo vikajo wakele nakuundanganena manene nakulishuula vavenya ku vyuma vyoshe vyakuvwaelela? Evi vinapu vyangoco lalo, co vinapu vyakukomokesa mukuyoya.

Muka-kwambulula 5:10

Uje woshe azema manene vimbongo, kasa kuviwana, uje woshe azema manene vufuko, kasa kuvuwana. Vinapu vyangoco.

Muka-kwambulula 6:11

Omo twendeka manene, mukemwo musholokela vulema, cikwasa vikajo nga twendeka manene?

Loma 8:20

Omwo vyakutanga vavihisile ngeci vipwe vyuma vyangoco, kesi ngwe ku cizango cavyo embwe, oloni capwile cizango ca Njambi ngeci vipwe ngacije. Oloni nameme ngoco kwakele cinyangavili