Mika 7:8 - Livulu lya Shukulu Kalunga

⁸ Vitozi vetu, kesi muvwaelele omwo tuyando twetu! Twasa kuwa, oloni tukenduka lalo, twasa kutumbama mu lisusulungu, oloni Shukulu Kalunga atwana ceke.

Mika 7:8 Iomraidhean Croise

Yombi 31:29

“Yange kunjajolele omo vitozi vange vakele mu tuyando, nambe kuvwaelela omo vakele mu vukalu,

Myaso 112:4

Ceke cikatwila mu lisusulungu kuli vaka-vushunga, omwo Shukulu Kalunga wapwa muka-ngozi, na mema ku mbunge na vushunga.

Myaso 143:3

Citozi cange nanjisheke, co nanjifungulula, nanjilingisa ngeci njikale mu lisusulungu, co njinafu ngwe munu wa kutsa.

Myaso 20:8

Vanu vangacije vakatanuka nakuwila asi, oloni yetu tukenduka nakwimana mbe!

Myaso 27:1

Shukulu Kalunga ikeye ceke cange na muyoyesi wange, kunjikazivi lyova. Shukulu Kalunga ikeye muka-kunjamena ku vushonde vwoshe, kunjikatewe embwe.

Myaso 35:19

Kesi utave vitozi vange vanjijole omwo kashwilo kai, kesi utave vaje vananjizindi ngoco valinyateye na mesho.

Myaso 37:21

Munu muka-vuvi akakumuna, oloni kesi kwilwisa, oloni munu wamuvwa wakala na ngozi nakwana vwana vwendi.

Myaso 37:24

Nga vawa, kakavecelela vakale asi embwe, omwo Shukulu Kalunga akavakwata na livoko lyendi.

Myaso 38:16

Kesi utave vitozi vange valishashele a tuyando twange, kesi utave valyalese omo njinau asi!

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 97:11

Ceke citwila ali vaka-vushunga, nakujolela kukaija ali vaka-kushungama mu vimbunge.

Isaya 2:5

Eni vatekulwila va Yakomba, tuyoyeni mu ceke ca Shukulu Kalunga.

Isaya 49:9

Njikendeka kuli vinzinda ngwange, ‘Yeni munapatuka!’ Njikendeka lalo kuli vaje vali mu lisusulungu ngwange, ‘Ijeni ku ceke!’ Vakafwa ngwe vimanga vaje valinakulila mwila a malundu,

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Isaya 9:2

Vanu vaje vendele mu lisusulungu vanamono ceke cakuvyazima manene. Vanu vaje vakele mu lifuti lya munzinze wa kutsa, ololo ceke cinavatwila.

Njelemiya 48:27

Mowavi, anuka muwakele nakushendumuna vanu va Isalele. Wavapangesele ngwe vanu vaje vavakwatele amolika na munga ya vezi.

Njelemiya 50:11

Shukulu Kalunga alinakwendeka ngwendi, “Vanu va Mbambilone, yeni mwapukwile vanu vange. Yeni munavwaelela nakujolela, mulinakwendangana ngwe ngombe wa lwavo alinakujungula vimbuto, nambe ngwe kavalu alinakwoya,

Njelemiya 8:4

Shukulu Kalunga wanjilekele kwendeka ku vanu vendi ngwendi, “Omo munu awila asi, kuma kasa kukatuka ndi? Nga munu nazimbalesa ngila, kuma kasa kwilukamo ndi?

Ezekiyele 25:6

“Evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yove wakandelelele na mavoko ove, nakujombozoka nakujolela. Washawile lifuti lya Isalele.

Ezekiyele 35:15

ngwe muje yove wajolelele akuviya kwa Isalele vufuko vwange. Minkinda ya Seya, eyo lifuti lyoshe lya Endome, likapwa ngundu. Asinoni vanu voshe vakazivuka ngeci yange njapwa Kalunga.”

Ezekiyele 36:5

“Yange Kalunga wa Akamwa ya Vyoshe, njinendeka na vukalu vwange vwakulwisa miyati yavazengeleka, vunene kulwisa Endome. Mukuvwaelela na mu kashaundu kavo, vafungulwile lifuti lyange nakutambula mutambela wa vulilo vwa vimuna vange.

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Ovandiya 1:12

Yeni kumwapandele kulyalesa, a tuyando twa vandolome veni vali mu Yunda. Kumwapandele kuvwaelela, a litangwa lyakuvanyongesa. Kumwapandele kuvajola a tuyando twavo.

Mika 4:10

Yeni vanu va mu Yelusalema ziveni mushongo nakulinyenga ngwe munakazi ali a funga, co ololo mukaseza nganda nakukakala mushandangala yangoco. Mukaya ku Mbambilone, oloni kuje Shukulu Kalunga akamyamena ku vitozi veni.

Mika 7:10

Asinoni vitozi vetu vakacimona, co vakashaula vitozi vaje vene vatuyandesele kutwihula ngwavo, “ali kulijo Shukulu Kalunga Njambi yeni?” Tukavamona vavafungulula nakuvalyatangela asi ngwe vutome mu vitapalo.

Zakaliya 12:8

A simbu ije Shukulu Kalunga akanyunga vaje vakala mu Yelusalema, nameme vaje vakuzeya manene akati kavo vakakala na nzili ngwe yakele nayo Ndaviti. Vatekulwila va Ndaviti vakashwana ngwe kangelo ka Shukulu Kalunga, ngwe Njambi vene vavenya.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mateo 4:16

Vanu vaje vakele mu lisusulungu vanamono ceke. Vaje vakele mu lifuti lya lisusulungu lya kutsa, ceke cinavatwila.”

Yowano 16:20

Mwa vushunga njimileka ngwange, mukalila nakusikoka manene, oloni vaka-kaye vakajolela, mukakala na vusiwa, oloni vusiwa vweni vukatenguluka kupwa kujolela.

Yowano 8:12

Yesu wendekele lalo kuli vaFaliseo ngwendi, “Yange ceke ca vaka-kaye. Woshe anjikava akakala na ceke ca mwonyo, co kakende lalo mu lisusulungu.”

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

2 Kolinte 4:9

vitozi vavangi kuvali, oloni kutwesi kujeneka musamba, na visimbu vimo tukavulumuka manene vene, oloni kuvesi kutunyongesa.

Kujombolola 21:23

Muje mu nganda kumukakala lalo litangwa nambe ngonde, omwo vumpau vwa Njambi vukevwo vukatwilamo ceke, co Muna Manga ikeye ndeya yamwo.

Kujombolola 22:5

Kumukakala lalo vutsiki muje, co kumukakala lalo ndeya nambe litangwa, omwo Shukulu Kalunga Njambi akapwa ceke cavo, co vakashwana ngwe vimyene ku myaka na myaka.