Mika 7:6 - Livulu lya Shukulu Kalunga

⁶ A visimbu evi vana kuvakononoka vaishavo, co vana va vanakazi vakalwisa vainavo, na vambanda vakalwisa vainamweno, co vitozi va munu vakapwa vanu vaje va mu naanga yendi vavenya.

Mika 7:6 Iomraidhean Croise

Kushangumuka 49:4

Yove wafwa ngwe mankimba a livazi, oloni yove kuukapu uwavulemu vwakama, omwo yove walalele na lishano lyange lya mbanja, co wazivisile shwamwa vulili vwa isho.

2 Samwele 16:11

Ngecivene, Ndaviti wendekele kuli Avishai na kuli vamyata vendi voshe ngwendi, “Munange vene ikeye alinakushaka kunjitsiya, ngecivene, omwo vikajo mulinakukomoka ou kaMbenjemani? Shukulu Kalunga ikeye namuleke kunjisinga, ngecivene, mweceleni acilinge.

Myaso 41:9

Nameme musamba wange vene wa a mbunge, uje njakulaelele manene, nanjitengulukila nakunjilwisa.

Visimo 30:11

Kuli vanu vamo vakasingi vaishavo, co kuvesi kushangala vainavo.

Visimo 30:17

Munu woshe uje ashendumuna ishe, nambe kujeneka kwononoka vaina, napande kuliwa ku makuvi nambe makololo kumucakuvula mesho endi.

Isaya 3:5

Co vanu vakakala na muuka ku umo na mukwavo. Vakwenje kuvakasingimika vakulunu vavo, co vikolokomba kuvakasingimika vantwama vavo embwe.

Isaya 9:19

Omwo Shukulu Kalunga Muka-nzili yoshe naluvala, cihiso cendi cilinakushukuma ngwe tuhya mu lifuti mwoshe nakunyongesa vanu, co naumo wai akamena ndolome yendi.

Njelemiya 12:6

Nameme naanga yove vanakutengulukila, vanalipandakana na vaje vaka-kukulwisa. Kesi uvakulaele embwe, nameme vendeka majwi akuseveleka.”

Njelemiya 20:10

Njinazivi vanu vavangi vanjifweya ngwavo, “Kwoshe-ikwoshe kuli munjunju! Tumwambululeni ku vaka-kushwana!” Nameme vene vasamba vange va a mbunge vanavandamena ngeci njiwe. Vendeka ngwavo, “Amo twasa kumukwisa ngeci tumukwate tumulinge shambandinga.”

Njelemiya 9:4

Munu na munu napande kunyunga mukwavo, naumo wai akulaela ndolome yendi, omwo ndolome woshe napu muka-kukwisa ngwe Yakomba, co munu woshe ashaka kufweya musamba wendi.

Ezekiyele 22:7

Naumo wai ali muno mu nganda alinakusingimika visemi vendi. Mulinakukwisa vaka-kwija nakuyandesa vifwile na visiwa.

Ovandiya 1:7

Vanu vaje mwalizivasanene navo, vanamisheke mu lifuti lyeni. Vanu vaje vakele mu kwoloka neni, ololo vanamifungulula. Vasamba veni va a mbunge vanamitela mweto, co vendeka ali yeni ngwavo, ‘Kuje kunyanyama kwavo vakelenakwo kuli kulijo?’

Mateo 10:21

“Vanu vakatwala vasamba vavo ku kutsa, co vaishavo vakalinga kuli vana vavo cifwa eci lalo, co vana vakatengulukila visemi vavo nakuvatwala ku kutsa.

Mateo 26:23

Yesu wavakumbulwile ngwendi, “Ou vene natanta amo nange mu lilonga omo tunakele nakulya, ikeye vene akanjenda vungungu.

Luka 12:53

Visemi va vanalume vakalwisa vana vavo va vanalume, co vana va vanalume vakalwisa vaishavo, co visemi va vanakazi vakalwisa vana vavo va vanakazi, co vana va vanakazi vakalwisa vainavo, co vainamweno vakalwisa vainamwenwavo, co vainamwenwavo vakalwisa vainamweno.”

Luka 21:16

Oloni visemi veni, na vandolome veni, na vavushoko vweni, na vasamba veni vakevo vakamisholola, co vamo akati keni vakavatsiya.

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’