Mika 7:20 - Livulu lya Shukulu Kalunga

²⁰ Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Mika 7:20 Iomraidhean Croise

Kushangumuka 24:27

Wendekele ngwendi, “Shangazaleni Shukulu Kalunga, Njambi ya shukulu yange Avilahama, uje wanyunga cikulaeso cendi cije kucesi kutenguluka, kuli shukulu yange Avilahama. Shukulu Kalunga nanjitwamenena vushunga-shunga kuli vavushoko vwa shukulu yange.”

Kushangumuka 32:10

Kucanjipandelemo kutetela kwangacije na vuvwa vwove vuunasholola kuli yange ngamba yove, co nacimo cai njajavukile naco Yondau kuvanga mulamu lika, co ololo kenga, njineluka na vimbunga evi vivali!

Njelemiya 33:6

Oloni njikakangwisa nganda eyi na vanu vamwo nakuvana ciindu. Njikavamwesa kwoloka kwakushemutuka na vuvwa.

Kwituluka mu Mashiko 7:12

“Nga mutolilila ku mashiko awa nakuwanyunga nakuwononoka, asinoni Shukulu Kalunga Njambi yeni akatwalao kunyunga cikumiiyo cendi, na cizemo cendi cije kucesi kutenguluka, cije calikumiiye na vakukulwila veni.

Kwituluka mu Mashiko 7:8

Oloni Shukulu Kalunga wamizemene, co alinakunyunga cikumiiyo cije walikumiiye na vakukulwila veni. Ngeci wamitundisilemo mu lifuti lya vundungo na livoko lyendi lya nzili yakama nakumikula ku livoko lya mwene wa Ingito.