Mika 7:19 - Livulu lya Shukulu Kalunga

¹⁹ Ukatuzivila mema ku mbunge lalo. Ukalyatangela vuvi vwetu nakuvushekela a masima kwisi ya mema a kalunga.

Mika 7:19 Iomraidhean Croise

2 Samwele 24:14

Ndaviti wakumbulwile ngwendi, “Njili mu vukalu! Oloni mwamuvwa tuwile mu livoko lya Shukulu Kalunga, omwo ikeye muka-mema ku mbunge, oloni kesi tuwile mu livoko lya munu embwe.”

Myaso 103:12

Ngwe muvyalyangunuka ngangela na kangombe ka yambi, mukemwo lalo mwakatundisa vuvi vwetu.

Myaso 130:8

Shukulu Kalunga akamena vanu vendi va Isalele ku milonga yavo yoshe.

Myaso 85:3

Unatundisa vukalu vwove vwoshe, co unalikela kuluvala.

Isaya 33:24

Naumo wai lalo uje akayoyela mu lifuti lyetu akalinyenga a kuvinja, co vuvi vwoshe vakavusambesa.

Isaya 38:17

Vusiwa vwange vukemuka kwoloka. Amena mwonyo wange ku vushonde vwoshe, unjisambese ku vuvi vwange vwoshe.

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Njelemiya 33:8

Njikavajelesa ku vivi vyavo vyoshe vije vivanavulumuna kuli yange, co njikavasambesa ku vivi vyavo na ku kupenga-penga kwavo.

Njelemiya 50:20

Omo simbu ije ikaija, vuvi navumo vwai vukakala mu Isalele, co kupenga-penga nakumo kwai kukakala mu Yunda, omwo njikasambesa vanu vaje vanjasezeo. Yange Kalunga, njinendekamo.”

Mbimbi 3:22

Cizemo ca Shukulu Kalunga cije kucesi kutenguluka na mema ku mbunge yendi, kuvyesi kuhwa embwe,

Mbimbi 3:32

Nameme atunenela vusiwa, oloni cizemo cendi ali yetu mwa vushunga anga cili na nzili.

Ezekiyele 18:22

Co vuvi vwendi vwoshe vakavusambesa, co akayoya, omwo nalingi vya vushunga.

Ezekiyele 39:29

Njikamwanyena munzinzime wange ali vanu va Isalele, co kuukatundu lalo ali vakevo. Munjinendeka yange Kalunga wa Akamwa ya Vyoshe.”

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Hoziya 14:4

Shukulu Kalunga alinakwendeka ngwendi, “Njikelwisa lalo vanu vange kuli yange vavenya. Njikavazema na mbunge yange yoshe, vukalu vwange ali vakevo vunahu.

Zakaliya 3:4

Co kangelo wendekele ku mbunga ya vaka-mwilu vaje vemanene nendi ngwendi, “Shululeni vuzalo vwa mazilo ovu vwanazala ou munalume.” Asinoni wendekele kuli Yoshwa ngwendi, “Njinatundisa vuvi vwove, co njikwana vuzalo vwavuha ngeci uzale.”

Loma 6:14

Omwo vuvi kuvwapandele kumishwana embwe, omwo kumwesi nakuyoya ku lishiko embwe oloni mu kutetela kwa Njambi.

Loma 8:13

Omwo nga muyoyela mu vusitu, co mukatsa vene, oloni nga ali Munzinzime mutsiya vilinga vyeni vyavivi, co mukayoya.

Kwituluka mu Mashiko 30:3

asinoni Shukulu Kalunga Njambi yeni akamizivilako mema ku mbunge. Co akamitundisa ku miyati ije wamishandwelele, co akamivezikisa lalo.

Kwituluka mu Mashiko 30:6

Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 8:12

Njikavasambesa ku vivi vyavo, co kunjikanuka lalo vivulumuna vyavo.”

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.