Mika 7:18 - Livulu lya Shukulu Kalunga

¹⁸ Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Mika 7:18 Iomraidhean Croise

Kushangumuka 4:7

Nga walingile mwamuvwa ngwe njinatambula mulambu wove, oloni omwo walingi vuvi, vuvi vwakuvandamena ku cikolo ngwe ndumba. Vushaka kukunyongesa, oloni unapande kuvuhyana.”

1 Vimyene 8:23

walombelele ngwendi, “Shukulu Kalunga Njambi ya Isalele, kukwesi njambi wakulifwa nove mwilu nambe asi wai! Yove wanyunga cikumiiyo cove ku vanu vove nakumwesa cizemo cove cije kucesi kutenguluka kuli vangamba vove omo vononoka kuli yove na vimbunge vyavo vyoshe.

2 Mizimbu 30:9

Nga mwiluka kuli Shukulu Kalunga, co vaje vatwalele vavushoko vweni ku vunzinda vakavazivila mema ku mbunge, co vakavelwisa. Shukulu Kalunga Njambi yeni wakala na ngozi na mema ku mbunge, nga mwiluka kuli ikeye, co akamitambula.”

2 Mizimbu 6:21

Tolilila kukulomba kwange ngamba yove na ku malombelo a vanu vove va Isalele omo vakenga ku mwela ou nakulombela. Omo mwilu muwakala tuzive nakutusambesa.

Nehemiya 9:17

Vavyanene kukwononoka, co vevalele vyoshe vije viwalingile. Vevalele vikomokeso vije viwalingile. Mu kulyalesa kwavo, vaangwile ntwama ngeci avelwisile lalo ku vunzinda ku Ingito. Oloni yove wapwa Njambi muka-kusambesa, muka-ngozi na cizemo, kuwesi kuluvala vwasi. Kutetela kwove kwapwa kwakama, co kuwavasezele.

Myaso 103:13

Ngwe ishe ya munu atetela vana vendi, mukemwo lalo Shukulu Kalunga mwakatetela vaje vamukomoka.

Myaso 130:4

Oloni yove ukatusambesa ngeci tukukomoke.

Myaso 35:10

Njikendeka kuli Shukulu Kalunga na mbunge yange yoshe ngwange, “Kukwesi umo wakulifwa nove! Yove ukanyungu vaka-kuzeya kuli vaka-nzili, ukanyungu kautu kuli muka-kumuyandesa!”

Myaso 65:3

Milonga ya vuvi vwetu inatuhyana, oloni yove watusambeseleyo.

Myaso 65:4

Navezika munu uje iwunaangula, nakumushwenyesa kuli yove, ngeci akale mu lipela lyove. Tunakuta na vyuma vyavivwa vya ku Njuvo yove, vivezikiso vya mu Njuvo yove yakujela!

Myaso 71:19

Vushunga vwove yove Njambi, vunete mwilu ya melu. Yove Njambi unalingi vyuma vyakama, naumo wai nalifu nove.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Myaso 89:6

Shukulu Kalunga naumo wai ali mwilu wakulifwa nove, naumo wai wa vana va vinjambi wakupwa amo nove.

Myaso 89:8

Shukulu Kalunga Njambi Muka-nzili yoshe, iyajo walifwa nove? Yove Shukulu Kalunga mu vyuma vyoshe yove wapwa wa kulongwa.

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Kutuuka 34:9

Ikeye wendekele ngwendi, “Shukulu Kalunga, nga mwa vushunga yove ulinakuvwaelela nange, njilomba ngeci uye amo netu. Nameme vanu ava vapwa vakukaluwa vimbunge, oloni tusambese kukukaluwa kwetu na ku vuvi vwetu, tutambule nakutupwisa vanu vove.”

Isaya 1:18

Shukulu Kalunga alinakwendeka ngwendi, “Ijeni tulizivasane. Nambe vuvi vweni vuvenga ngengu, oloni vukatoka too ngwe mema akukonda. Nambe vuvi vweni vuvenga ngengu, oloni vukatoka too ngwe memba.

Isaya 33:24

Naumo wai lalo uje akayoyela mu lifuti lyetu akalinyenga a kuvinja, co vuvi vwoshe vakavusambesa.

Isaya 38:17

Vusiwa vwange vukemuka kwoloka. Amena mwonyo wange ku vushonde vwoshe, unjisambese ku vuvi vwange vwoshe.

Isaya 40:18

Iyajo alyeseka na Njambi? Cifwa mukajo mukamusetekesa naco?

Isaya 40:25

Njambi wakujela mwasa kumusetekesa neyajo? Kuma kwali umo wakulifwa nendi ndi?

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Isaya 44:22

Njinazimangana vuvi vwove ngwe lishelwa lya kuhima. Iluka kuli yange, yange njinakwovola.”

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Isaya 57:10

Mulinakuliyandesa yeni vavenya nakushakezeka vinjambi veka, oloni kumwesi kujuka. Muyongola ngweni tumponya tweni vamyana nzili, ngeci kumwesi kuzeya.

Isaya 57:16

Njaanene vanu vange mwonyo, co kunjikavahisa lalo nambe kuvaluvalesa myaka yoshe embwe.

Isaya 62:5

Ngwe mukwenje ambata mumbanda uje kanda alimone na munalume kupwa shombolwa yendi, uje wakutangele akakwambata. Ngwe muka-kwambata avwaelela na shombolwa yendi, ngeci Njambi yove akavwaelela muli yove.

Isaya 64:9

kesi uluvale manene netu embwe, nambe kesi utuyongwele vuvi vwetu ku myaka yoshe. Anuka ngwove yetu tu vanu vove, tuzivileko mema ku mbunge.

Isaya 65:19

Nange vavenya njikajolela na Yelusalema na vanu vamwo voshe. Kumukakala kulila, nambe vusiwa.

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 3:5

Kuwasa kuluvala simbu yoshe, kuwasa kunjiluvalela ku myaka yoshe.’ Isalele, omu mukemwo muwendekele, oloni walingile vuvi ngwe muunashakela.”

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Njelemiya 32:41

Co njikavwaelela kulinga vyuma vyavivwa kuli vakevo, co njikavaka mu lifuti lino ku myaka yoshe.

Njelemiya 33:8

Njikavajelesa ku vivi vyavo vyoshe vije vivanavulumuna kuli yange, co njikavasambesa ku vivi vyavo na ku kupenga-penga kwavo.

Njelemiya 38:8

Ngecivene, Evendemeleke waile kuli mwene nakwendeka nendi ngwendi,

Njelemiya 50:20

Omo simbu ije ikaija, vuvi navumo vwai vukakala mu Isalele, co kupenga-penga nakumo kwai kukakala mu Yunda, omwo njikasambesa vanu vaje vanjasezeo. Yange Kalunga, njinendekamo.”

Njelemiya 9:24

oloni uje alyalesa, napande kulyalesa ngeci anjizivuke nakunjizivisisa, omwo cizemo cange capwa ca myaka yoshe, co njikalingi vya vushunga nakushungama. Evi vikevyo vyuma vikanjivwaelelesa. Yange Kalunga, njinendekamo.”

Ezekiyele 18:23

Shukulu Kalunga wa Akamwa ya Vyoshe ehula ngwendi, kuma uyongola ngwove njijolela akumona muka-vuvi atsa ndi? Embwe, njikashaka njimumone ngeci natenguluka nakuyoya.

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ezekiyele 33:16

Njikasambesa vuvi vuje vwanalingi, co akayoya omwo nalingi vya vushunga na vuvwa.

Ndanyele 9:9

Yove wakala na mema ku mbunge, co u muka-kusambesa, nameme yetu tu vaka-kukutengulukila.

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Hoziya 14:5

Njikakala amo na vanu va mu Isalele ngwe nyonzi mu lifuti lyakuma. Vakashamuna ngwe vishani, co vakakola mbe ngwe mizi ya miti ya ku Lembanone.

Njwele 2:32

Co cikapwa ngeci woshe akatambakana lizina lya Shukulu Kalunga akovoka. Ngeci mwendekele Shukulu Kalunga ngwendi, ‘Kukakala vamo vakaputumuka mu Yelusalema, vaje vanjaangwile vakovoka.’ ”

Amose 1:11

Shukulu Kalunga alinakwendeka ngwendi, “Vanu va ku Endome vanalingi vuvi kushwakumo, omwo cuma eci mwa vushunga njikavanyanyamesa. Omwo vakevo vatsiile vandolome vavo vaIsalele, co kuvavamwesele mema ku mbunge. Vukalu vwavo kuvwahwile, kuvavututumwisile.

Amose 7:8

Co wanjihwile ngwendi, “Amose, vika unamono?” Co njamukumbulwile ngwange, “Njamono mukole wakusetekesa. Asinoni wendekele kuli yange ngwendi, ‘Njilinakupangesa mukole ou mukukumwesa ngeci vanu vange vanapu ngwe civumbe cakwongomokela anja ya mukole. Co kunjikatengulula lalo viyongola vyange vyakuvanyanyamesa.

Amose 8:2

Shukulu Kalunga wanjihwile ngwendi, “Amose, vika unamono?” Co njamukumbulwile ngwange, “Njamono mutonga wa vushuka.” Co Shukulu Kalunga wendekele kuli yange ngwendi, “Kukotoka kwa vanu vange va Isalele kunete. Kunjikatengulula lalo viyongola vyange vyakuvanyanyamesa.

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.

Mika 2:12

“Oloni njikamikungulwila amolika, yeni vanu voshe va mu Isalele vaje vanasalao. Njikamikungulwila amolika ngwe vimanga veluka ku vutanga. Ngwe vulilo vunashulu na vimanga, lifuti lyeni likakala na vanu vavangi.”

Mika 4:7

Njikatengulula vaje vilema kupwa vanu vakukulaela. Oloni njikashangumuka mwamuha na vaje vanasalao, co vakapwa muyati wakama. Co njikavashika a Munkinda wa Siyone tunde aje na ku myaka yoshe.”

Mika 5:3

Ngecivene, Shukulu Kalunga akana vanu vendi mu mavoko a vitozi vavo noo munakazi uje nakiti munendi wa munalume. Asinoni vavushoko vwendi vaje vasalele mu vunzinda vakeluka nakulipandakana na vaIsalele.

Mika 7:14

Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

Kulava 23:21

Ikeye kamwene vuvi muli Yakomba nambe tuyando muli Isalele. Shukulu Kalunga Njambi yavo ali amo navo, vakevo valinakwambulula ngeci ngwavo ikeye wapwa Mwene yavo.

Luka 15:32

Oloni tunapande kujolela nakuvwaelela, omwo ndolome yove watsile, oloni ololo alinakuyoya, wazimbalele, oloni ololo tunamuwana.’ ”

Luka 24:47

ngeci kutenguluka nakusambesa kwa vivi vakavyambulule mu lizina lyendi ku mafuti oshe, kushangumukila mu Yelusalema.

Loma 11:4

Njambi wamukumbulwile vatijo? Wamukumbulwile ngwendi, “Njinatulika vanalume vakupwa 7,000 vaje kanda valemese kamponya Mbale.”

Kwituluka mu Mashiko 33:26

“Yeni vanu va Isalele, kukwesi njambi wakulifwa na Njambi yeni, uje endekela mwilu nakumikwasa, uje enda mu vukama vwendi a mashelwa.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Maako 10:16

Ngecivene, vatundisile vinjambi vavo veka, co valemesele Shukulu Kalunga, co ikeye wazivile ku mbunge kuvavala a tuyando twa vaIsalele.