Mika 7:14 - Livulu lya Shukulu Kalunga

¹⁴ Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Mika 7:14 Iomraidhean Croise

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 143:5

Njanuka matangwa a ku san̄ulu, nakuyongola a vipangi vyove vyoshe, nakuyongola vipangi viwalingile na mavoko ove.

Myaso 28:9

Shukulu Kalunga amena vanu vove, co vezikisa vaje voshe vanapu vove. Pwa kanyungi kavo, vanyunge ku myaka yoshe.

Myaso 95:7

Ikeye napu Njambi yetu, netu tunapu vanu vendi vaje vakanyungu, tunapu vutanga vwendi vuje vwakalisa. Tolilileni ku lijwi lya Njambi lelo,

Kutuuka 33:16

Vatijo vanu vakazivuka ngeci yove ulinakuvwaelela na vanu vove amo nange, nga yove kuuyi amo netu? Nga yove uya amo netu, co cikatwangununa ku vanu voshe veka vali ano asi.”

Myaso ya Solomoni 4:1

Kenga, uwamuvwa muka-cizemo cange, mwa vushunga uwamuvwa manene. Mesho ove atemwina cizemo, omo unalifwiki lilesu ku mesho ove. Vin̄ambu vyove vyavilaja vinafu ngwe maka a vimembe vaje vashelumuka kutunda ku malundu a Ngilyande.

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

Isaya 35:2

Mambo ikaimba nakutambeka nakujolela, ikakala na vumpau ngwe Munkinda wa Lembanone, na vukama ngwe Munkinda wa Kalemele na Cimbongo ca Shalone. Munu woshe akamona vumpau vwa Shukulu Kalunga, akamona vukama vwendi na nzili yendi.

Isaya 37:24

Yove watumine miluwa vove nakulishasha kuli yange ngwove na matemba ove oshe, wafungulwile minkinda yailaja ya Lembanone. Walishashele ngeci yove washinjile miti yailaja ya kendale, na miti yaivwa ya sipelese, co ngwove waketele ku vishwata vyakuzika manene.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 49:10

kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Isaya 65:10

Vakanjilemesa, co vakatwala vimanga vavo na vingombe vavo ku mwila ku Cana ca Shalone mu kangombe ka yambi na mu Cimbongo ca Tuyando mu ngangela.

Njelemiya 49:31

‘Ijeni tukalwise vanu ava vayongola ngwavo vali mu kwoloka! Nganda yavo kuyesi na vikolo nambe tupateso, co mwa vushunga vene kuvesi kuyinyunga.’

Mbimbi 1:7

A matangwa a tuyando, Yelusalema alinakwanuka vuyoye vwavuvwa vuje vwayoyele a matangwa a kunima, oloni napu ngundu. Omo wakele mu mavoko a vitozi, naumo wai wamukwasele. Vaje vamufungulwile vajolele akuwa kwendi.

Mbimbi 5:21

Shukulu Kalunga twilwisile kuli yove! Co tukeluka! Twilwisile lalo vumpau vwetu vwalaja.

Ezekiyele 36:11

Njikawezelela ku vanu na ku vingombe. Co mukatuma manene kutuvakana mumwapwile akulivanga, co mukakala na vana vavangi. Njikamitava kuyoyela kuje ngwe muje mumwayoyele laja, co njikamitumisa nakukala mu kwoloka kutuvakana akulivanga. Asinoni mukazivuka ngeci yange njapwa Kalunga.

VaLevi 27:32

A vimuna vakufuka likumi, umo ikeye wa Shukulu Kalunga. Co omo valava vimuna umo na umo, co umo wamulikumi akapwa wa Shukulu Kalunga.

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Ovandiya 1:19

“Vanu va ku Nengeve, vakatambula Lilundu lya Isau, vanu va ku Shefela, vakatambula lifuti lya Filisitiya, vakakala mu lifuti lya Efalime, na mu lifuti lya Samaliya, vaMbenjemani vakatambula lifuti lya Ngilyande.

Mika 5:4

Omo akaija, akashwana vanu vendi na nzili yakutunda kuli Shukulu Kalunga na vukama vwavavenya Shukulu Kalunga Njambi. Vanu vendi vakakala mu kwoloka omwo vanu va mu kaye mwoshe vakamona vukama vwendi,

Zefaniya 3:13

Vanu va mu Isalele vaje vanasalao kuvakalingi lalo vuvi ku munu umo embwe, co kuvakendeka makuli, nambe kweseka kukwisa vakwavo. Co vakavezika nakukala mu kwoloka, co naumo wai akavazivisa lyova.”

Zakaliya 10:10

Njikavatundisa ku Ingito na ku Asilya nakuvelwisa kwimbo, co vakatunga mu lifuti lyavo. Vakakala lalo mu Ngilyande na mu Lembanone, lifuti lyoshe likashula na vanu.

Zakaliya 11:7

Vaje valandele nakulandesa vaje vimanga vanjikumwine, co njapwile kanyungi ka vimanga vaje vavatwalele mukuvatsiya. Co njanonele milamu ivali, umo njaulukile “Ngozi,” co ukwavo njaulukile “Vumo.” Co njanyungile vutanga.

Malakiya 3:4

Co Shukulu Kalunga akatambula vin̄ombelo vya vanu va mu Yunda na ava va mu Yelusalema ngwe muvalingile kulaja.

Kulava 23:9

Omwo ano akamwa ya minkinda njinavamono, njasa kuvelula omo njili akamwa ya malundu. Kenga vakevo vapwa vanu vakuyoya avo lika, vanalyangunuka mukati ka miyati ikwavo.

Kulava 32:1

Miyati ya Luvena na Ngande vakele na vimuna vavangi manene. Co omo vamwene vuvwa vwa lifuti lya Njazele, na Ngilyande kulilamo vingombe,

Kulava 32:4

vili mu lifuti lije lyanakwasa Shukulu Kalunga vaIsalele ngeci vakalemo. Linapu lifuti lyalivwa kulilamo vimuna, co vangamba vove vakala na vimuna vavangi.

Mateo 2:6

‘Nove Mbetelehema mu lifuti lya Yunda, kesi uwamundondo akati ka vinganda vyakama vya mu Yunda, omwo kuli yove kukatunda muka-kushwana, ikeye akatwamenena vanu vange va Isalele.’ ”

Yowano 17:16

Ngwe omo yange kesi nji muka-kaye, vakevo kesi vaka-kaye.

Kwituluka mu Mashiko 33:28

Ngecivene, vatekulwila va Yakomba vayoye mu kwoloka, vakale mwamuvwa mu lifuti lya vimbuto na vinyu, muje lime lya kwilu likajulisa asi.