Mika 7:11 - Livulu lya Shukulu Kalunga

¹¹ Vanu va mu Yelusalema, simbu yakutungulula vivumbe vya nganda ilinakwija. A simbu ije vene lifuti lyeni likapwa lyakama.

Mika 7:11 Iomraidhean Croise

Nehemiya 2:17

Co njendekele kuli vakevo ngwange, “Kengeni vukalu ovu tulinavwo, omwo Yelusalema inaviya na vikolo vyayo vanavinyongesa! Ijeni tutungulule vivumbe vya nganda ngeci kesi tuzive shwamwa.”

Nehemiya 2:8

Co lalo njamulombele mukanda wakuya kuli Asafe, muka-kunyunga shwata ya vumwene, nakumuleka ngeci anjaneko miti yakushonga mikambo ya ku vikolo vya ku cimpaka cije canyunga Njuvo ya Shukulu Kalunga, neyi ya vivumbe vya nganda, na mikambo ya njuvo muje munjikakala. Co Mwene wanjanene vyoshe vinjamulombele, omwo Njambi wakele amo nange.

Nehemiya 4:3

Co Toviya kaAmoni wemanene amo nendi, wendekele ngwendi, “Civumbe mukajo civalinakutunga? Nameme mbanje asa kuciwisa!”

Nehemiya 4:6

Ngecivene, twatungile civumbe, co twetele ku litambelo lyaco mu vulaja, omwo vanu vakele manene na ntwima yakupanga.

Isaya 54:11

Shukulu Kalunga alinakwendeka ngwendi, “Yelusalema, nganda ya tuyando, na nganda yakujeneka seo, naumo wai akakuzembeleka, njikatungulula luvula lwove na mamanya a seo yakama.

Isaya 54:2

Amesa mbalaka muulinakukala! Nungila ku mikole, co kolesa ku vipampalingo!

Isaya 58:12

Vanu veni vakatungulula vingundu vyalaja. Vanu vakamizivuka ngwavo yeni mwatungulula vivumbe vije vyasiwukile, munendula vinjuvo vije vyasiwukile.”

Isaya 61:4

Vakatungulula vinganda vije vyapwile vingundu.

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.