Mika 7:10 - Livulu lya Shukulu Kalunga

¹⁰ Asinoni vitozi vetu vakacimona, co vakashaula vitozi vaje vene vatuyandesele kutwihula ngwavo, “ali kulijo Shukulu Kalunga Njambi yeni?” Tukavamona vavafungulula nakuvalyatangela asi ngwe vutome mu vitapalo.

Mika 7:10 Iomraidhean Croise

2 Samwele 22:43

Njavatsenene tsenu-tsenu, vafwile ngwe likungu, njavalyatangelele ngwe lindova lya mu vingila.

Myaso 109:29

Ngecivene, vitozi vange vazale likamba lyavo ngwe vuzalo, co shwamwa lalo ivakole.

Myaso 115:2

Omwo vikajo vanu vatwihula ngwavo, “Njambi yeni ali kulijo?”

Myaso 18:42

Njivatsena tsenu-tsenu ngwe likungu lije lipekumuka na lihunzi. Njivalyatangela ngwe lindova lya mu vingila.

Myaso 35:26

Voshe vaje vavwaelela a tuyando twange, vavafungulule nakuvatanganesa, voshe vaje valitumbula kupwa vavavwa kutuvakana yange, vazive shwamwa nakushauka!

Myaso 42:10

Muvila wange unavupuka na kashaundu kavo, omo valinakunjihozola ngwavo “Njambi yove ali kulijo?”

Myaso 42:3

Mutanya na vutsiki njilinakulila, tuyando nakukemanga vinapu ngwe vyakulya vyange, visimbu vyoshe vitozi vange vanjishendumuna ngwavo, “Njambi yove ali kulijo?”

Myaso 58:10

Vaka-vushunga vakavwaelela omo vakamona vaka-vuvi vavahisa. Mendi avo akajwela mu maninga a vaka-vuvi.

Myaso 79:10

Omwo vikajo miyati vatwihula ngwavo, “Njambi yeni ali kulijo?” Linga shambandinga miyati akutsiya vangamba vove.

Myaso 92:12

Vaka-vushunga vakavezika ngwe miti ya mashakavale, co vakola ngwe miti ya kendale ya ku Lembanone.

Isaya 26:11

Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.

Isaya 41:25

“Njinaangula mwene uje ukatunda mu ngangela, njikamunena kuno ngeci akulwile ku kunto. Akalyatangela ali vaka-kushwana ngwe lindova, ngwe muka-kushonga alyatangela a vuma.

Njelemiya 49:15

Shukulu Kalunga akanyongesa nzili yeni, co naumo wai akamisingimika.

Njelemiya 51:24

Shukulu Kalunga alinakwendeka ngwendi, “Mukanjimona omo njikalinga shambandinga Mbambilone na vanu vamwo, omwo a vuvi vwoshe vuvalingile kuli vaka-Yelusalema.

Njelemiya 51:51

Mwendeka ngweni, ‘Vanatuzivisa shwamwa nakutuviisa, mwa vushunga tunazivi shwamwa, omwo vaka-kwija vanambata mitambela yakujela ya mu Njuvo ya Shukulu Kalunga.’

Ezekiyele 7:18

Vakazala vikeleya, co mivila yoshe ikajaja. Mitwe yavo ikapwa yakuteula, co voshe vakaziva shwamwa.

Ndanyele 3:15

Ngecivene, ololo, omo mukaziva kwimba kwa malupembo, na vindamba, na visanzi, na misambo, na tulyalya, na vyoshe vyakwimbisa vyeka, co kulameni nakulemesa kamponya. Nga sheni, co vakamyumbila mu litende lya tuhya. Kuma yeni munayongola ngweni kuli njambi weka lalo uje asa kumyamena ndi?”

Njwele 2:17

Vaka-kukombelela, vaje vakapangela Shukulu Kalunga akati ka mutula na ku cikolo ca Njuvo ya Shukulu Kalunga, vanapande kulila nakulombela ngwavo, “Shukulu Kalunga, zivilako ngozi vanu vove. Kesi utave miyati ya vanu veka vatuyeluwise nakutushendumuna nakwendeka ngwavo, ‘Njambi yeni ali kulijo?’ ”

Ovandiya 1:10

“Omwo mwevile nakutsiya vandolome veni, vatekulwila va Yakomba, co mukaziva shwamwa nakumiyengula ku myaka yoshe.

Ovandiya 1:12

Yeni kumwapandele kulyalesa, a tuyando twa vandolome veni vali mu Yunda. Kumwapandele kuvwaelela, a litangwa lyakuvanyongesa. Kumwapandele kuvajola a tuyando twavo.

Mika 4:11

Miyati ya vanu vavangi vanalikungulula nakumilwisa. Vendeka ngwavo, “Yelusalema vanapande kuyinyongesa! Tukamona ije nganda inanyongo!”

Mika 7:8

Vitozi vetu, kesi muvwaelele omwo tuyando twetu! Twasa kuwa, oloni tukenduka lalo, twasa kutumbama mu lisusulungu, oloni Shukulu Kalunga atwana ceke.

Zefaniya 3:15

Shukulu Kalunga namanesa cihiso ceni, natundisa vitozi veni voshe. Shukulu Kalunga mwene wa Isalele ali amo neni, kukwesi cuma ceka lalo cakumizivisa lyova cai.

Zakaliya 10:5

Vanu va mu Yunda vakahyana ngwe mashwalale valyatangela vitozi vavo ngwe lindova lya mu vitapalo. Vakalwa omwo Shukulu Kalunga akakala amo navo, co vakafungulula nameme vitozi vavo vaka-kwendela a tuvalu.

Malakiya 1:5

Mukacimona na mesho eni, co mukendeka ngweni, “Vukama vwa Shukulu Kalunga vunatuvakana nameme vinginga vya Isalele!”

Malakiya 4:3

A litangwa lije omo njikalinga, mukafungulula vaka-vuvi, co vakapwa ngwe likungu mwisi ya myanja yeni.

Mateo 27:43

Wakulaelele muli Njambi, co wendekele ngwendi, ‘Nji Muna Njambi.’ Asinoni tumoneni nga Njambi amwamena.”

Yoshwa 7:9

Omo vaKanana na vanu veka va mu lifuti vakaziva vyuma evi, co vakatuzengeleka nakutunyongesa. Cooni yove Shukulu Kalunga cuma mukajo ukalinga mukunyunga lizina lyove lyakama?”

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”