Mika 7:1 - Livulu lya Shukulu Kalunga

¹ Kukwesi cinyangavili! Njinapu ngwe uje ali na sholovya ya mukolovozi wa vushuka vwa vinyu nambe vushuka vwa miti ya mukuyu, oloni kasa kuvuwana ku miti.

Mika 7:1 Iomraidhean Croise

Myaso 120:5

Kukala akati keni kunapu kwakuvi ngwe kukala mu Meshake, nambe kukala akati ka vanu va ku Kendale!

Visimo 20:6

Vanu vavangi vakalitumbula vakevo vavenya kupwa va kulongwa, oloni munu wa vushunga iyajo asa kumuwana?

Isaya 17:6

Kuvanga vanu vavandondo lika vakasalao, co Isalele ikapwa ngwe muti wa olive uje uvanavuyu vushuka vwoshe kuvanga vuvali nambe vutatu lika vwa ku shongo-shongo vunasalako, nambe vwavundondo lika vunasala kwisi ya minango. Yange Kalunga Njambi ya Isalele, njinendekamo.”

Isaya 24:13

Miyati ya vanu vanavanyeka vyuma vyavo vyoshe, vanapu ngwe miti ya olive nambe mikolovozi ya vushuka vwa vinyu a simbu yakumanesa kuteja.

Isaya 24:16

Tukaziva myaso yakutunda ku mitambela yakulyala ya ano asi yakushangazala Isalele, muyati wa vushunga. Oloni kunjesimo na cinyangavili! Njinanyongo! Vaka-makuli valinakulinga vungungu, co makuli avo anaama manene.

Isaya 28:4

Vumwene vwa vantwama vaka-kulyalesa vukahwa njwa ngwe vushuka vwakulivanga vwa miti ya mikuyu vavuvuya nakuvulya vwasi-vwasi omo vuhya.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Njelemiya 15:10

Nga kunjasemukile! Simbu yoshe njili mu vitanga na vanu voshe va muno mu Yunda. Kunjesi kukumuna vimbongo nambe vanjikumwise vimbongo embwe, oloni munu woshe alinakunjisinga.

Njelemiya 24:2

Mu mutonga wakulivanga mwakele vushuka vwavuvwa vwa mikuyu, vuje vukalivanga kuhya, co mu mutonga ukwavo mwakele vushuka vwa mikuyu vwavuvi, vwapwile vwavuvi manene akuvulya.

Njelemiya 4:31

Njazivile muteto ngwe wa munakazi ashaka kukita, muteto ngwe wa munakazi ashaka kukita munendi wa ntwatwa. Wapwile muteto wa Yelusalema wakuhwimangana, nakulombela ngeci vamukwase, co endeka ngwendi, “Njinanyongo! Valinakwija mukunjitsiya!”

Njelemiya 45:3

ulinakwendeka ngwove, ‘Ngongo yange! Shukulu Kalunga nawezelelako vusiwa ku tuyando twange, njinazeye nakukemanga, co kunjasa kuwana kuhwima embwe!’

Njelemiya 5:1

Vanu va mu Yelusalema, itanganeni mu vitapalo vyeni! Kengezekeni noku-noku! Shakezekeni mu mitambela yakulandesela! Kengeni nga muwanamo munu umo muka-kulinga vya vushunga na kulongwa kuli Njambi. Nga mumuwana, co Shukulu Kalunga akasambesa Yelusalema.

Hoziya 9:10

Shukulu Kalunga alinakwendeka ngwendi, “Omo njawanene Isalele akulivanga, capwile ngwe munu nawana mikolovozi ya vushuka vwa vinyu vumena mu mambo. Omo njamwene vakukulwila veni akulivanga, capwile ngwe kumona vushuka vwa mukuyu vwakulivanga kuhya akushangumuka kwa mwaka. Oloni omo vezile ku Munkinda wa Peole, co vashangumukile kulemesa Mbale, co vapwile va vunyengwe manene ngwe lalo vaje tumponya vavazemene.

Kulava 18:13

Co vushuka vwoshe na vimbuto vyoshe vyakulivanga kuhya vije vili mu lifuti lyavo vije vakalambula kuli yange vikapwa vyeni. Co munu woshe wa ku naanga yove uje najele nasa kuvilya.