Mika 6:9 - Livulu lya Shukulu Kalunga

⁹ Cinapu cuma ca mangana kukomoka Shukulu Kalunga. Alinakutambeka ku nganda ngwendi, “Tolilileni yeni vanu vaje vanalikungulwila mu nganda!

Mika 6:9 Iomraidhean Croise

2 Samwele 21:1

Omo Ndaviti washwanene, kwakele njala ya lyangengela myaka itatu yoshe yamutunu. Ngecivene, Ndaviti wehwile Shukulu Kalunga a vyuma evi, co Shukulu Kalunga wendekele ngwendi, “Saulu na naanga yendi vali na mulonga wakutsiya omwo vatsiile vanu va ku Ngimbiyone.”

Yombi 10:2

Njikendeka kuli Njambi ngwange kesi unjihise. Njileke! Vikajo unjilwisila?

Yombi 23:14

Ikeye akashulisa vutumbe vuje watumbile ali yange, vutumbe vuje vunapu vumo vwa matumbe amangi aje alinawo,

Yombi 5:17

Kenga, navezika munu uje Njambi amulongesa! Ngecivene, kesi uyeluwise kulongesa kwa Njambi.

Myaso 107:43

Voshe vaje vaka-mana vayongole a vyuma evi, vayongole cizemo ca Shukulu Kalunga cije kucesi kutenguluka.

Myaso 48:10

Vanu valinakukushangazala kwoshe-ikwoshe, co lutsimo lwove lunashandokela ano asi oshe. Yove washwana mu vushunga.

Myaso 83:18

Vazivuke ngeci yove lika wapwa Shukulu Kalunga, muka-kushwana kaye koshe!

Myaso 9:16

Shukulu Kalunga nalisholola ikeye vavenya akusompa kwendi kwa vushunga, oloni vaka-vuvi vanatsi mu vilinga vyavo vyavivi.

Visimo 22:3

Omo vaka-mana vamona vukalu vwija, co vatewa, oloni muka-kujeneka mana ayako, co akalikovelesa mu vukalu.

Isaya 26:11

Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.

Isaya 27:10

Nganda ya cimpaka ikasala mu ngundu. Ikasala ayo lika ngwe mu mambo mwakujeneka vyuma. Ikapwa vulilo vwa vingombe, muje muvakavutama nakulilamo.

Isaya 30:27

Nzili ya Shukulu Kalunga na vumpau vwendi wasa kuvimwena alyala. Tuhya na vwisi vimwesa vukalu vwendi. Ikeye endeka, co majwi endi ashukuma ngwe tuhya.

Isaya 66:6

Tolilileni muyoyo wakama uje uli mu nganda, na cililimo cije cili mu Njuvo ya Shukulu Kalunga, cinapu cililimo ca Shukulu Kalunga ahisa vitozi vendi!

Isaya 9:13

Vanu va Isalele kuvatengulukile embwe, nameme Shukulu Kalunga Muka-nzili yoshe navahisa, oloni kuvatengulukilile kuli ikeye.

Njelemiya 26:18

“Omo Hezekiya wapwile mwene wa mu Yunda, Mika muka-kwimanena wa ku Moleshete walekele vanu voshe ngwendi Shukulu Kalunga Muka-nzili yoshe nendeka ngwendi, ‘Siyone vakailima ngwe muvakalimi lihya, Yelusalema ikapwa mutumbo, na munkinda wa Njuvo ya Shukulu Kalunga ukapwa ngwe malundu a mu shwata.’

Njelemiya 26:6

Co nga yeni kumunjononoka, njikalinga ku Njuvo yeyi ngwe vije njalingile ku Shilo, co miyati ya vanu voshe va mu kaye vakapangesa lizina lya nganda eyi kupwa cisingo.”

Njelemiya 47:7

Oloni vatijo mukwale wange ukahwima, omo njinawana vipangi ngeci upange? Njinaushiki kulwisa Ashekelone, na vanu vaje vakala ku ngenge ya mema a kalunga.”

Ezekiyele 7:9

Kunjikakusezao nambe kukuzivila mema ku mbunge. Njikakunyanyamesa omwo vyuma vya vunyengwe viwunalingi, ngeci uzivuke ngwove kuma yange Kalunga, yange muka-kuminyanyamesa.”

Hoziya 13:16

Samaliya vanapande kuyinyanyamesa akunjitengulukila. Vanu vendi vakatsila mu nzita, co vimbututu vakavamwashwila asi, co tufumba-kazi vakavatavula memo.”

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Amose 2:5

Ngecivene, njikatuma tuhya a Yunda nakwenyeka vimpaka vya Yelusalema.”

Amose 6:1

Ngongo yeni mulinakukala mwamuvwa mu Siyone, neni munatumbama kuluu mu Samaliya, yeni vanu va vulemu vaka-muyati ou vene wakama wa Isalele, kuje vanu vakaija-ija ngeci vawane vukwasi kuli yeni!

Mika 3:12

Ngecivene, omwo yeni, Siyone vakailima ngwe lihya, co Yelusalema ikemuka numbo ya vivumbe, na lilundu lya Njuvo ya Shukulu Kalunga likemuka shwata.

Mika 6:10

Mu vinjuvo vya vaka-vuvi muli vufuko vuje vawanene akujeneka kulongwa. Veseka seteko ya makuli, cuma cije cinjazinda.

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Zefaniya 3:2

Kuyatolililile kuli Shukulu Kalunga nambe kutava kunangula kwendi. Kuyakulaelele kuli Shukulu Kalunga nambe kulomba vukwasi vwendi.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.