Mika 6:5 - Livulu lya Shukulu Kalunga

⁵ Vanu vange, anukeni vije vyayongwele kulinga Mwene Mbalake wa Mowavi kuli yeni, na muje mwamukumbulwile Mbalame muna Mbeole. Anukeni vyuma vije vyalingiwile a ngila mukutunda ku cilombo ca Shitime nakweta ku Ngilingale. Anukeni vyuma vije, co mukananguka vije vinjalingile mukumyamena.”

Mika 6:5 Iomraidhean Croise

Myaso 111:4

Shukulu Kalunga nanukisa vanu vilinga vyendi vyakukomokesa, Shukulu Kalunga wapwa muka-ngozi na mema ku mbunge.

Myaso 143:11

Nyunga mwonyo wange Shukulu Kalunga, ngwe muje muwanjikulaesele, mu vushunga vwove, njamene ku tuyando twange!

Myaso 36:10

Zema vaje vakuzivuka, co linga vuvwa kuli vaje vaka-vushunga,

Myaso 71:19

Vushunga vwove yove Njambi, vunete mwilu ya melu. Yove Njambi unalingi vyuma vyakama, naumo wai nalifu nove.

Isaya 1:27

Omwo Shukulu Kalunga wapwa wa vushunga, akamena Yelusalema na vanu voshe vaje valimo vaje vatenguluka.

Kulava 22:41

Co alikaki Mbalake watwalele Mbalame ku Mbamote Mbale, kuje Mbalame wasele kumona mutambela wa vanu va Isalele.

Kulava 23:27

Co Mbalake wendekele kuli Mbalame ngwendi, “Tuye mumo nange, co njikakutwala ku mutambela ukwavo lalo. Amo Njambi akakala na cizango cakukutava yove kunjisingilavo kuje vene.”

Kulava 25:1

Omo vaIsalele vakele mu Cana ca Miti ya Mingongo, co vanalume vashangumukile kulinga vupangala na vanakazi va vaMowavi vaje vakele kuje.

Kulava 25:2

Co vanakazi ava valanyele vanalume va Isalele ku viwano vyavo vyakukombelela kuje vakele nakulemesela vinjambi va vaMowavi. Vanalume va Isalele valile nakulemesa vinjambi vavo.

Kulava 31:16

Anukeni ngweni ava vakevo vanakazi vaje vakavangeyeye vilongesa vya Mbalame ku Peole vakevo vene vashongangeyeye vanu va Isalele ngeci vonwele kulemesa Shukulu Kalunga. Eci cikeco cuma canenesele mushongo wakulitambwisa akati ka vanu va Shukulu Kalunga.

Kulava 31:8

amo na vimyene vatanu va vaMindyani, Mwene Evi, na Mwene Lekeme, na Mwene Zule, na Mwene Hule, na Mwene Lemba. Co vatsiile lalo na Mbalame muna Mbeole na moko ya mukwale.

Kulava 33:49

Vatungile cilombo cavo ku vyana vya Mowavi ku Yondau kuyehi na Mbete Njeshimote na Cana ca Miti ya Mingongo.

Efeso 2:11

Yeni kesi mu vaYunda ku cisemwa, vaje vatumbula ngwavo “vaka-kujeneka kutuuka” ngwe ku futisi ya vaYunda, vaje valitumbula ngwavo vaka-kutuuka (eci cilinakwinika vanu vivalinakulinga ku mivila yavo), anukeni vati mwafwile mu simbu yalaja.

Kwituluka mu Mashiko 16:3

Omo mukalya vyakulya vije, kesi mukalye makende akwaka musima embwe. A matangwa atanu na avali mukailya na makende akujeneka musima. Mukawatumbula ngweni makende a tuyando omwo mwatundile mu Ingito lumbisi. Simbu yoshe yakuyoya kweni mukanuka litangwa lije mwatundile mu lifuti lya Ingito, lifuti lije lya tuyando.

Kwituluka mu Mashiko 23:6

Kesi mukalizivasane navo nambe kulikwata navo vusamba matangwa eni oshe a kulutwe.

Kwituluka mu Mashiko 8:18

Oloni mukanuka ngeci ngweni Shukulu Kalunga Njambi yeni ikeye namyana nzili yakufuka vufuko. Ikeye alinakulinga eci ngeci akolese cikumiiyo cije walikumiiye na vakukulwila veni, omwo ikeye wapwa wa kulongwa na ku litangwa lya lelo.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

Kwituluka mu Mashiko 9:7

“Anukeni, co kesi mwivale muje mumwashangumwine Shukulu Kalunga Njambi yeni mu mambo. Tunde a litangwa lije mwatundile mu Ingito noo ku litangwa lya lelo munete kuno, yeni munakala nakutengulukila Shukulu Kalunga.

Yoshwa 2:1

Asinoni Yoshwa watumine vaka-kunenga vavali mu vushweke kutunda mu cilombo ca ku Mungongo ngwendi, “Yeni mukanenge lifuti lya Kanana, vunene-nene nganda ya Yeliko.” Omo vetele ku nganda, co vakovelele mu njuvo ya cikwizi umo lizina lyendi Lahave.

Yoshwa 3:1

Yoshwa na vanu va Isalele voshe vendukile mutondo-tondo, vatundile mu cilombo ca ku Mungongo, vaile ku Yondau, vatungile cilombo cavo kuje, vavandamenene ngeci vajavuke.

Yoshwa 4:19

A litangwa lyamulikumi ku ngonde yakulivanga vanu va Isalele vajavukile Ndonga ya Yondau, co vatungile cilombo cavo ku Ngilingale, mu ngangela ya Yeliko.

2 Petulu 2:15

Vanaseza ngila yakushungama, co vanazimbalesa ngila yavo, vanakavangeya ngila yakavele Mbalame muna Mbeole, uje wazemene vimbongo vije vyakawana a vilinga vyavivi,

1 Yowano 1:9

Oloni nga tulitavela vivi vyetu kuli Njambi, co Ikeye anyunga cikulaeso cendi nakulinga vije vya vushunga, ikeye akatusambesa ku vivi vyetu nakutujelesa ku vilinga vyetu vyoshe vyavivi.

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.

Kujombolola 2:14

Oloni kuli vyuma vyavindondo njalinyenge ali yove, kuvali vamo akati keni vaje vacikavangeya kulongesa kwa Mbalame, uje walongesele Mbalake kutwamenena vanu va Isalele kulinga vuvi akuvasindiya kulya vyakulya vije vanakombelela ku tumponya nakulinga vupangala.

Maako 11:25

Kuma yove unatuvakana Mbalake muna Zipole, mwene wa Mowavi ndi? Nalumo lwai washungwiiye Isalele, indi walingilemo? Kuma ikeye wezile nakulwa nzita netu ndi?

Maako 5:11

Tolilileni muyoyo wa mbunga ya vanu, vaje valizengeleka ku masima, valinakwendeka akuhyana kwa Shukulu Kalunga, akuhyana kwa vanu va Isalele! Asinoni vanu va Shukulu Kalunga vashelumukile mu vinganda vyavo.

1 Samwele 12:7

Ngecivene, ololo imaneni oho amuli, ngeci tulisompese ku mesho a Shukulu Kalunga akumyanukisa a vilinga vya nzili vije vyalingile mukwamena yeni na vakukulwila veni.