Mika 6:2 - Livulu lya Shukulu Kalunga

² “Yeni minkinda, yeni luvula lwa ku myaka yoshe lwa asi, tolilileni ku n̄anda ya Shukulu Kalunga! Shukulu Kalunga ali na n̄anda na vanu vendi. Akasompesa Isalele.”

Mika 6:2 Iomraidhean Croise

2 Samwele 22:16

A masima a mema a kalunga asholokele, luvula lwa asi lwasholokele, omo Shukulu Kalunga waluvalelele vitozi vendi, co wavaluvalesele na vukalu.

2 Samwele 22:8

Omo Njambi waluvalele, asi aningangele nakujaja, na maluvula a minkinda alinikile nakushengenya.

Myaso 104:5

Yove wajalele luvula lwa kaye ngeci kaye kesi kashengenye.

Visimo 8:29

yange kunjakele omo watwile nginga ya mema a kalunga, ngeci mema a kalunga amwononokele. Yange kunjakele omo wajalele luvula lwa kaye.

Isaya 1:18

Shukulu Kalunga alinakwendeka ngwendi, “Ijeni tulizivasane. Nambe vuvi vweni vuvenga ngengu, oloni vukatoka too ngwe mema akukonda. Nambe vuvi vweni vuvenga ngengu, oloni vukatoka too ngwe memba.

Isaya 3:13

Shukulu Kalunga nakatuka ngeci asompe vanu. Nemana mukusompesa miyati.

Isaya 43:26

“Ijeni tuye ku mbanja, neneni viyongola vyeni, ambululeni n̄anda yeni kumwesa ngeci munalingi mwamuvwa!

Isaya 5:3

Musamba wange alinakwendeka ngwendi, “Yeni vandambo va mu Yelusalema neni muli mu Yunda, sompeni akati kange na citungu cange ca mikolovozi ya vushuka vwa vinyu.

Njelemiya 2:9

“Ngecivene, yange Kalunga, njikanena n̄anda yange mukusompa yeni vanu vange. Njikasompesa lalo vatekulwila veni.

Njelemiya 25:31

co cilumo ciketa na aje asikisila kaye. Shukulu Kalunga ali na n̄anda na vaka-mafuti. Akakungulwila vanu ku cisompelo, nakutsiya vaka-vuvi. Shukulu Kalunga nendekamo.’ ”

Njelemiya 31:37

Nga citava melu vaweseke, nambe kweta a luvula, co njikavyana muyati wa Isalele, omwo a vuvi vuje vuvanalingi. Mwanendeka Shukulu Kalunga.

Hoziya 12:2

Shukulu Kalunga nawana mulonga ku vanu va mu Yunda, co lalo akanyanyamesa Isalele a vyuma vije vanu vendi valinakulinga. Akavalinga shambandinga a vije vivanalingi.

Hoziya 12:3

Kukulwila yavo Yakomba walwile na munaina simbu vacili mwimo lya vaina, co omo Yakomba wakolele, walwile na Njambi.

Hoziya 4:1

Yeni vaIsalele tolilileni ku majwi a Shukulu Kalunga, omwo Shukulu Kalunga alinakusompa vanu vaje vali mu lifuti eli. Shukulu Kalunga alinakwendeka ngwendi, “Kulongwa na cizemo vyaimo mu lifuti, co vanu kuvesi nakutava ngeci yange njapwa Njambi.

Mika 6:1

Tolilileni ku vije vyendeka Shukulu Kalunga ngwendi, “Katuka, endeka n̄anda yove ku munkinda, co malundu azive vije viwendeka. Tavesa minkinda na malundu vazive vije viwendeka.

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.

Kwituluka mu Mashiko 4:26

Nga mukalingamo, co mukanyongela mu lifuti lije limukashwana lili musambwa ya Yondau. Kumukatumisa matangwa eni mu lifuti lije oloni muvavoshe mukanyonga njwa, omwo lilu na asi vinapu vukaleo vwange ku litangwa lya lelo.