Mika 5:3 - Livulu lya Shukulu Kalunga

³ Ngecivene, Shukulu Kalunga akana vanu vendi mu mavoko a vitozi vavo noo munakazi uje nakiti munendi wa munalume. Asinoni vavushoko vwendi vaje vasalele mu vunzinda vakeluka nakulipandakana na vaIsalele.

Mika 5:3 Iomraidhean Croise

1 Vimyene 14:16

Shukulu Kalunga akaseza Isalele omwo Yelovowame nalingi vuvi nakutwamenena vanu va Isalele mu vuvi.”

2 Mizimbu 30:7

Kesi mupwe ngwe vakukulwila veni na vavushoko vweni vaIsalele vaje kuvakulaelele kuli Shukulu Kalunga, Njambi yavo. Ikeye wavanyanyamesele visimbu vyavingi ngwe mumunamono.

Myaso 67:3

Vanu voshe vakushangazale yove Njambi, vanu voshe vakushangazale!

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Njelemiya 31:1

Shukulu Kalunga alinakwendeka ngwendi, “Simbu ilinakwija omo yange njikapwa Njambi wa miyati yoshe ya Isalele, co vakevo vakapwa vanu vange.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Hoziya 2:14

Ngecivene, njikamutwala lalo mu mambo, co kuje njikamwilwisa lalo kuli yange na majwi akumuzembeleka a cizemo.

Hoziya 2:9

Ngecivene, a simbu ya kuteja njikamunyeka vije vimbuto na vinyu vinjamwanene, co njikamunyeka lalo vije vuzalo vwa maka a vimanga na vije vinanga vya linyu vinjamwanene ngeci azale.

Amose 5:15

Zindeni vije vyavivi, co zemeni vije vyavivwa, vushunga vusholoke mu mbanja. Amo Shukulu Kalunga akazivilako mema ku mbunge vanu va lifuti eli vaje vacili nakuyoya.

Mika 4:4

Vakakala mu kwoloka akati ka mikolovozi ya vushuka vwa vinyu yavo na miti ya mikuyu yavo, co naumo wai akavazivisa lyova. Shukulu Kalunga muka-nzili yoshe nakulaesa eci.

Mika 4:7

Njikatengulula vaje vilema kupwa vanu vakukulaela. Oloni njikashangumuka mwamuha na vaje vanasalao, co vakapwa muyati wakama. Co njikavashika a Munkinda wa Siyone tunde aje na ku myaka yoshe.”

Mika 5:7

Vanu va Isalele vaje vasaleleo vakapwa ngwe lime lyakutunda kuli Shukulu Kalunga lya a miyati yoshe ya vanu, ngwe nyonzi ya vusuku-mbundu ya a vimena. Vakakenga lika kuli Njambi, kesi kuli munu.

Mika 5:8

Co vaje vasaleleo vakapwa akati ka miyati ya vanu ngwe ndumba ashakezeka tusitu mu shwata nambe ngwe ndumba ali akati ka vimanga, avakwata, co avasanyozola vimbazuvwila-vimbazuvwila, co kukwesi umo akavamena.

Mika 6:14

Mukalya, oloni kumukakuta. Co simbu yoshe mukakala na njala. Mukatulika vyuma, oloni kumukasa kuvinyunga, coshe cimukatulika njikacinyongesa mu nzita.

Mika 7:13

Oloni lifuti likapwa ngundu omwo ya vuvi vwa vaje valimo.

Zakaliya 10:6

“Vanu va mu Yunda njikavapwisa vaka-nzili, njikapatula vanu va mu Isalele. Njikavazivila ngozi, co voshe njikavelwisa kwimbo. Vakapwa ngwe vaje kunjavyanene. Yange njapwa Kalunga Njambi yavo, njikakumbulula malombelo avo.

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Mateo 12:50

Woshe uje alinga cizango ca Tate ali mwilu, ikeye vene napu ndolome yange, na ndokazi yange, na vanana.”

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.