Mika 4:9 - Livulu lya Shukulu Kalunga

⁹ Omwo vikajo ulinakulilila nakutendeka? Omwo vikajo ulinakuyandela ngwe munakazi ali a funga? Omwo kuwesi na mwene, co lalo na vaka-kunangula vove vanatsi ndi?

Mika 4:9 Iomraidhean Croise

Isaya 13:8

Vanu voshe vakalijujukila, vakakemanga ngwe munakazi akita mwana. Vakalikenga shwii umo na umo na lyova, co vihanga vyavo vikakala na shwamwa.

Isaya 21:3

Vije vinjamwene nakuziva mu cimona vyanjizivisile lyova nakuvinja, ngwe munakazi alinakukita.

Isaya 26:17

Ngecivene, yove Shukulu Kalunga, twafwile ngwe munakazi uje akemanga akukita mwana.

Njelemiya 22:23

Mulinakukala mwamuvwa mukati ka miti ya kendale yakutunda ku Lembanone, oloni mukakala manene na vusiwa mukakemanga omo mushongo ukamiwana, mushongo ngwe wa munakazi uje ashaka kukita.

Njelemiya 30:10

Yeni vanu vange, kesi muzive lyova, yeni vanu va Isalele kesi mujaje embwe. Njikamyovola ku lifuti lije lya kulyala, ku lifuti lije ku muli mu vunzinda. Mukeluka kwimbo, co mukayoya mu kwoloka, mukakala mwamuvwa, naumo wai akamizivisa lyova.

Njelemiya 4:21

Visimbu vingaijo njikamona vipandelo vya vitozi, nakuziva kusika kwa malupembo?

Njelemiya 4:31

Njazivile muteto ngwe wa munakazi ashaka kukita, muteto ngwe wa munakazi ashaka kukita munendi wa ntwatwa. Wapwile muteto wa Yelusalema wakuhwimangana, nakulombela ngeci vamukwase, co endeka ngwendi, “Njinanyongo! Valinakwija mukunjitsiya!”

Njelemiya 48:41

co vinganda na vimpaka vakavifungulula. A litangwa lije mashwalale va Mowavi vakalijajela ngwe munakazi ashaka kukita.

Njelemiya 50:43

Mwene wa Mbambilone nazivi muzimbu wavo, co nazeye omwo lyova. Ikeye ali mu vukalu vwakama, nakukemanga ngwe munakazi ashaka kukita.

Njelemiya 8:19

Tolilileni! Mu lifuti mwoshe njilinakuziva kulila kwa vanu vange ngwavo, “Kuma Shukulu Kalunga waimo mu Siyone ndi? Kuma mwene wa mu Siyone waimo ndi?” Shukulu Kalunga mwene yavo nakumbulula ngwendi, “Omwo vikajo munanjiluvalesa akulemesa tumponya tweni nakutsikamena vinjambi vakujeneka seo?”

Mbimbi 4:20

Co vafungulwile nsina yakuyoya kwetu, ikeyo mwene uje yaangwile Shukulu Kalunga, uje itwakulaelele ngwetu akatunyunga kuli voshe vatukovelela nakutulwisa.

Hoziya 10:3

Vanu ava ololo vendeka ngwavo, “Kutwesi na mwene omwo kutwakomokele Shukulu Kalunga. Oloni cuma mukajo lalo napande kutulingila mwene?”

Hoziya 13:13

Co Isalele ali na simbu yakuyoya, oloni akuyimona cinapu ca vulema manene, cinapu ngwe mbututu uje ali muyehi nakusemuka, oloni kashaka kutunda mwimo!

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Mika 5:3

Ngecivene, Shukulu Kalunga akana vanu vendi mu mavoko a vitozi vavo noo munakazi uje nakiti munendi wa munalume. Asinoni vavushoko vwendi vaje vasalele mu vunzinda vakeluka nakulipandakana na vaIsalele.

Yowano 16:21

Omo munakazi ashaka kukita mwana, ali na vusiwa, omwo simbu yendi yakuyanda inete, oloni omo mwana asemuka, evala tuyando twendi, omwo navwaelela ngeci mbututu nasemuka ano a kaye.

Kujombolola 12:2

Wakele kuhyehi nakukita, co walilile omwo mushongo na kayando kakukita.