Mika 4:5 - Livulu lya Shukulu Kalunga

⁵ Muyati woshe wa vanu valemesa nakwononoka njambi yavo wa kamponya, oloni yetu tukalemesa nakwononoka Shukulu Kalunga Njambi yetu ku myaka yoshe.

Mika 4:5 Iomraidhean Croise

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

2 Vimyene 17:29

Oloni vanu vaje vatungile mu Samaliya vakele nakulishongela tumponya twavo, co vavaakele mu tuzangu tuvatungile vaIsalele. Muyati umo na umo valishongelele tumponya mu vinganda vyavo muje muvakele.

2 Vimyene 17:34

Na lelo lino vacili nakukava futisi yavo ya laja. Kuvesi nakulemesa Shukulu Kalunga, co lalo kuvesi nakukava vizilika, nambe vilongesa, nambe mashiko aje aanene kuli vatekulwila va Yakomba, uje yalukile Isalele.

Myaso 20:6

Ololo njazivuka ngeci Shukulu Kalunga akahyanesa mwene uje yanavwavesa, ikeye akamukumbulula kutunda mwilu muje mwakujela, co a nzili yendi yakama ya livoko lyendi lya cilyo akamuhyanesa.

Myaso 48:14

“Ou Njambi wapwa Njambi yetu ku myaka yoshe, akatutwamenena ku visimbu vyoshe.”

Myaso 71:16

Shukulu Kalunga Njambi, njikaya mu nzili yove yakama, njikambulula vushunga vwove lika.

Isaya 2:5

Eni vatekulwila va Yakomba, tuyoyeni mu ceke ca Shukulu Kalunga.

Isaya 26:13

Shukulu Kalunga Njambi yetu, vanakala nakutushwana kuli vanu veka, oloni yetu twononoka lika yove Shukulu Kalunga.

Isaya 26:8

Tulinakukavangeya cizango cove nakwaka cinyangavili cetu muli yove, yove lika itushungwiya.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Zakaliya 10:12

Vanu vange vakapwa vaka-nzili, vakanjilemesa nakunjononoka.” Mwanendeka Shukulu Kalunga.

Vilinga vya Miluwa 14:16

Ku myaka ya kunima watavele vanu voshe ngeci vaye mu vingila vyavo vavenya.

Kwituluka mu Mashiko 27:10

Ngecivene, ononokeni nakunyunga mashiko endi na vizilika vyendi evi vinjimileka ku litangwa lya lelo.”

Kolose 2:6

Ngwe omo munatambula Kilistu Yesu kupwa Mwene, co yoyeni muli ikeye.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

Yoshwa 24:15

Nga kumwesi na cizango cakupangela Shukulu Kalunga, co anguleni ku litangwa lya lelo iyajo imukapangela, vinjambi vaje vavalemesele vakukulwila veni ku Mesopotamya, nambe vinjambi va vaAmoli, mu lifuti eli mumuli nakukala ololo. Oloni yange na naanga yange, tukapangela Shukulu Kalunga.”