Mika 4:13 - Livulu lya Shukulu Kalunga

¹³ Shukulu Kalunga alinakwendeka ngwendi, “Vanu va mu Yelusalema, yeni nakunyanyamesa vitozi veni! Njikamitakamesa ngwe ngombe wa nkomba wa vimbinga vya vutale na vimbemba vya vunengu. Mukatsena miyati yaingi ya vanu na vufuko vwavo na nzita, co mukavwana kuli yange Kalunga wa kaye koshe.”

Mika 4:13 Iomraidhean Croise

Myaso 24:1

Kaye na vyoshe vije vilimo vyapwa vya Shukulu Kalunga, asi na vanu voshe valiho vapwa vendi.

Myaso 68:29

Omwo ya Njuvo yove ya mu Yelusalema, vimyene vakakunenela vwana.

Myaso 72:10

Vimyene va ku Sipeini na ava va ku man̄anda vakamulambwila milambu, na vimyene va ku Shemba na ku Semba vakamunenela vwana.

Isaya 18:7

Simbu ilinakwija omo Shukulu Kalunga Muka-nzili yoshe akatambula milambu yakutunda ku lifuti lije lya kushango ya vindonga, ku muyati uje wa nzili na muuka, ku vanu vaje vavalaja va cikonde cakuseneta, vanu vaje vavatewa mu kaye mwoshe. Vakaija ku Munkinda wa Siyone, kuje kuvakalemesela Shukulu Kalunga Muka-nzili yoshe.

Isaya 21:10

Vanu vange va Isalele, munayanda manene-nene, oloni ololo njimileka muzimbu wauvwa uje unatundu kuli Shukulu Kalunga Muka-nzili yoshe, Njambi wa Isalele.

Isaya 23:18

Vimbongo vyakawana akulandulula vakavikundika kuli Shukulu Kalunga. Kuvakavitulikila mu nganda embwe, oloni vaje vaka-kulemesa Shukulu Kalunga vakapangesa vimbongo evi mukulanda vyakulya na vuzalo.

Isaya 5:28

Mikili yavo yapwa ya vutwesi, mata avo a lusipa akunanela cimweja. Vimbemba vya tuvalu twavo vyapwa vyakukola ngwe vutale, co mavalo a ku matemba avo akalizenge ngwe kankumba.

Njelemiya 51:20

Shukulu Kalunga alinakwendeka ngwendi, “Mbambilone, yove unapu muveto wange, citwa cange ca nzita. Njakupangesele mukutsenesa miyati ya vanu na vumwene,

Njelemiya 51:33

Vanu va Mbambilone vanavatete nakuvalyatangela ngwe vimbuto vije vivalyatangela ku lijungwilo. Yange Kalunga Muka-nzili yoshe, Njambi ya Isalele, njinendekamo.”

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Hoziya 10:11

“Isalele wapwile ngwe ngombe wa lwavo wakulongesa mwamuvwa, uje wazema kujungula vimbuto. Oloni njayongwele kumwaka mandauluwa a mukoshi wendi wauvwa manene, ngeci apange vipangi vyakukaluwa nakumulemuwisa. Njalingisile Yunda kukoka litemo, co Isalele wakavele munima nakuvujula masinde.

Mika 5:7

Vanu va Isalele vaje vasaleleo vakapwa ngwe lime lyakutunda kuli Shukulu Kalunga lya a miyati yoshe ya vanu, ngwe nyonzi ya vusuku-mbundu ya a vimena. Vakakenga lika kuli Njambi, kesi kuli munu.

Hambakuke 3:12

Wendele ano asi nakuluvala, co na litoto lyove walyatangelele miyati ya vanu.

Zakaliya 12:3

Oloni omo simbu ije iketa, Yelusalema njikaipwisa ngwe limanya lyakulema, muyati woshe wa vanu vaje vakeseka kulijundula vakavulumuka. Co miyati yoshe ya vanu va mu kaye vakalipandakana amo nakuyilwisa.

Zakaliya 12:6

“A simbu ije vikota vya Yunda njikavapwisa ngwe tuhya twa mu shwata nambe ngwe tuhya twa mu lihya lya vimbuto vyakuhya, vakanyongesa miyati yoshe ya vanu vaje vanalyata navo. Co vanu va mu Yelusalema vakakala mu kwoloka mu nganda.

Zakaliya 4:14

Co wanjilekele ngwendi, “Ava vakevo vanalume vavali vaje vanaangula Njambi nakuvavwavesa ngeci vamupangele, ikeye Shukulu Kalunga wa ano asi oshe.”

Zakaliya 6:5

Wanjikumbulwile ngwendi, “Awa anapu mahunzi awana, anatundu ku mesho a Shukulu Kalunga wa ano asi oshe.”

1 Kolinte 16:2

A Calumingo na Calumingo munapande kwakela kumukulo vimbongo vimo, kupwisa ku vije vimunawana, co vitulikeni, ngeci omo njiija, kukukakala kutambula mulambu embwe.

Kwituluka mu Mashiko 33:25

Vinganda vyendi vipwe vya vikolo vyakupata na vikuvo, simbu yoshe ayoye mwamuvwa.”

Yoshwa 6:19

Oloni siliva yoshe, na ngolinde, na vivala vya vunengu, na vikuvo vinapu vyakukundika kuli Shukulu Kalunga. Munapande kuvyaka mu cipau ca Shukulu Kalunga.”