Mika 4:12 - Livulu lya Shukulu Kalunga

¹² Oloni miyati ije, kuvazivuka viyongola vya Shukulu Kalunga. Kuvanangukile ngeci vanalikungulula amolika mukuvanyanyamesa mu cifwa cimolika muje muvakanena tiliku kukujungula.

Mika 4:12 Iomraidhean Croise

Myaso 147:19

Atuma majwi endi kuli vanu vendi, atuma vilongesa vyendi na mashiko endi ku Isalele.

Myaso 147:20

Kalingile cuma eci na miyati yeka embwe, omwo vakevo kuvazivuka mashiko endi. Shangazaleni Shukulu Kalunga!

Isaya 10:7

Oloni mwene wa vaAsilya ali na matumbe endi a lwozi mu mbunge. Nalivwaesela cimweja kunyongesa miyati yaingi.

Isaya 21:10

Vanu vange va Isalele, munayanda manene-nene, oloni ololo njimileka muzimbu wauvwa uje unatundu kuli Shukulu Kalunga Muka-nzili yoshe, Njambi wa Isalele.

Isaya 29:7

asinoni mashwalale voshe va miyati vaje valwisile nganda ya mutula wa Njambi, vitwa vyavo vyoshe na vyuma vyavo vyakupangesa, vikahwa ngwe njozi omo vutsiki vunahu.

Isaya 55:8

Shukulu Kalunga alinakwendeka ngwendi, “Viyongola vyange kuvyafwile ngwe viyongola vyeni embwe, na vingila vyange vinalyangunuka na vingila vyeni.

Njelemiya 29:11

Yange lika njazivuka matumbe njilinawo ali yeni, matumbe akuminenela vivezikiso, kesi akuminenela tuyando twakama embwe, matumbe akuyoya kulutwe vuje vunashulu na cinyangavili.

Njelemiya 51:20

Shukulu Kalunga alinakwendeka ngwendi, “Mbambilone, yove unapu muveto wange, citwa cange ca nzita. Njakupangesele mukutsenesa miyati ya vanu na vumwene,

Njelemiya 51:33

Vanu va Mbambilone vanavatete nakuvalyatangela ngwe vimbuto vije vivalyatangela ku lijungwilo. Yange Kalunga Muka-nzili yoshe, Njambi ya Isalele, njinendekamo.”

Njwele 3:2

Njikakungulula miyati yoshe nakuvanena mu Cana Cakusompela. Njikavasompesa a vyoshe vije vivalingile kuli vanu vange. Vanashandwela vaIsalele mu mafuti a vungenzi, co vanalipangezela Isalele lifuti lyange.

Luka 3:17

Shewa ili mu livoko lyendi, ikeye akapepa nakujelesa mwamuvwa vinona vyoshe kulijungwilo lyendi, co tiliku akaitulika mu cishete cendi, oloni lijungu lyoshe akalyenyeka na tuhya kutwesi kuzima!”