Mika 4:11 - Livulu lya Shukulu Kalunga

¹¹ Miyati ya vanu vavangi vanalikungulula nakumilwisa. Vendeka ngwavo, “Yelusalema vanapande kuyinyongesa! Tukamona ije nganda inanyongo!”

Mika 4:11 Iomraidhean Croise

Myaso 129:5

Voshe vaje vazinda Siyone, vavafungulule nakuvelwisa munima!

Myaso 83:5

Vanalizivasana vutumbe vwavo, vwakukulwisa na munga ya vanu

Isaya 10:7

Oloni mwene wa vaAsilya ali na matumbe endi a lwozi mu mbunge. Nalivwaesela cimweja kunyongesa miyati yaingi.

Isaya 17:12

Miyati ya nzili yakama vali mu vukalu na muyoyo ngwe cikumo ca mema a kalunga, ngwe kungwanjanga kwakama kwa mankimba a mema a kalunga.

Isaya 29:7

asinoni mashwalale voshe va miyati vaje valwisile nganda ya mutula wa Njambi, vitwa vyavo vyoshe na vyuma vyavo vyakupangesa, vikahwa ngwe njozi omo vutsiki vunahu.

Njelemiya 52:4

co Nevukaneza wezile na mbunga ya mashwalale vendi voshe walwisile Yelusalema, a litangwa lyamulikumi ku ngonde yamulikumi mu mwaka wamucitanu na iwana wakushwana kwa Zendekiya. Co vatungile cilombo cavo anja ya nganda, co valingile mikinya noo vetele ku vivumbe vya nganda,

Ezekiyele 26:3

“Ngecivene, ololo, evi vikevyo yange Kalunga wa Akamwa ya Vyoshe, njilinakwendeka ngwange, ‘Yange njinapu nji citozi cove, yove nganda ya Tile, Njikanena miyati yaingi mukukulwisa, co vakaija ngwe mankimba a mu mema a kalunga.

Ezekiyele 38:17

Yove vene uje njatumbwile ku san̄ulu, omo njambulwile muli vangamba vange vaka-kwimanena va mu Isalele, ngwange ku matangwa aje akaija kulutwe, njikanena munu umo akulwise Isalele.” Munjinendeka yange Kalunga wa Akamwa ya Vyoshe.

Ovandiya 1:12

Yeni kumwapandele kulyalesa, a tuyando twa vandolome veni vali mu Yunda. Kumwapandele kuvwaelela, a litangwa lyakuvanyongesa. Kumwapandele kuvajola a tuyando twavo.

Mika 7:10

Asinoni vitozi vetu vakacimona, co vakashaula vitozi vaje vene vatuyandesele kutwihula ngwavo, “ali kulijo Shukulu Kalunga Njambi yeni?” Tukavamona vavafungulula nakuvalyatangela asi ngwe vutome mu vitapalo.

Zakaliya 12:3

Oloni omo simbu ije iketa, Yelusalema njikaipwisa ngwe limanya lyakulema, muyati woshe wa vanu vaje vakeseka kulijundula vakavulumuka. Co miyati yoshe ya vanu va mu kaye vakalipandakana amo nakuyilwisa.