Mika 4:10 - Livulu lya Shukulu Kalunga

¹⁰ Yeni vanu va mu Yelusalema ziveni mushongo nakulinyenga ngwe munakazi ali a funga, co ololo mukaseza nganda nakukakala mushandangala yangoco. Mukaya ku Mbambilone, oloni kuje Shukulu Kalunga akamyamena ku vitozi veni.

Mika 4:10 Iomraidhean Croise

2 Vimyene 20:18

Vatekulwila vove vamo va a mbunge vakavatwala, co vakavapwisile vayunuke ngeci vakapange mu lipela lya mwene wa ku Mbambilone.”

2 Vimyene 25:4

vivumbe vya nganda vavituvile. Nameme vaMbambilone vazengelekele nganda, oloni mashwalale voshe vatewele a simbu ya vutsiki. Vatuukilile ku cikolo ca ku lihya lya vumwene, co vetilile mu ngila ya ku cikolo ca mukati ka vivumbe vivali, vatewelele ku mutambela wa ku Cana ca Yondau.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

2 Mizimbu 36:20

Watwalele vanu vaje vasaleleo ku Mbambilone, co vakamupangelele ikeye nakupangela lalo vatekulwila vendi ngwe vindungo, nakweta ku vushwana vwa Vumwene vwa Pelesha.

2 Mizimbu 36:23

“Eli likelyo lishiko lya Siluse, mwene wa Pelesha. Shukulu Kalunga, Njambi wa Mwilu, ikeye nanjipwisa muka-kushwana kaye koshe, co nanjana moko yakumutungila Njuvo mu Yelusalema mu Yunda. Ngecivene, ololo, yeni voshe vaje vanapu vanu va Njambi, yeniko, co Shukulu Kalunga Njambi yeni akale amo neni.”

Myaso 106:10

Wavamenene ku vitozi vavo, co wavapatwile ku vitozi vavo.

Isaya 43:14

Njambi wakujela wa Isalele, Shukulu Kalunga uje wamipatwile, alinakwendeka ngwendi, “Akumyamena, njikatuma nzita yakulwisa Mbambilone, njikapokozola vikolo vya nganda, co muyoyo wa vanu valimo ukatenguluka kulila.

Isaya 45:13

Yange njinaana Siluse nzili, mukushulisa vutumbe vwange nakuvwaesa vyuma mwamuvwa. Njikolola ngila yoshe ije yakendela. Akatungulula nganda yange ya Yelusalema, nakupatula vinzinda vange. Naumo wai namukumuna nambe namwana lizika-kanwa ngeci alinge evi vyuma.” Shukulu Kalunga Muka-nzili yoshe, ikeye nendekamo.

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Njelemiya 13:4

“Ya ku Ndonga ya Yufuleti ukashweke mwiva mu mwanzi wa mamanya.”

Njelemiya 15:21

Njikakwamena ku nzili ya vaka-vuvi na kuli vanu vavavi. Yange Kalunga, njinendekamo.”

Njelemiya 29:20

Kuli yeni voshe njatumine mu vunzinda mu Mbambilone, tolilileni ku vije njendeka yange Kalunga.’

Njelemiya 4:31

Njazivile muteto ngwe wa munakazi ashaka kukita, muteto ngwe wa munakazi ashaka kukita munendi wa ntwatwa. Wapwile muteto wa Yelusalema wakuhwimangana, nakulombela ngeci vamukwase, co endeka ngwendi, “Njinanyongo! Valinakwija mukunjitsiya!”

Njelemiya 48:41

co vinganda na vimpaka vakavifungulula. A litangwa lije mashwalale va Mowavi vakalijajela ngwe munakazi ashaka kukita.

Njelemiya 52:27

mu lifuti lya Hamate. Co mwene wavapupile nakuvatsiya. Ngecivene, vanu va mu Yunda vavatundisile mu lifuti lyavo nakuvatwala ku vunzinda.

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Hoziya 13:13

Co Isalele ali na simbu yakuyoya, oloni akuyimona cinapu ca vulema manene, cinapu ngwe mbututu uje ali muyehi nakusemuka, oloni kashaka kutunda mwimo!

Hoziya 2:14

Ngecivene, njikamutwala lalo mu mambo, co kuje njikamwilwisa lalo kuli yange na majwi akumuzembeleka a cizemo.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Mika 5:3

Ngecivene, Shukulu Kalunga akana vanu vendi mu mavoko a vitozi vavo noo munakazi uje nakiti munendi wa munalume. Asinoni vavushoko vwendi vaje vasalele mu vunzinda vakeluka nakulipandakana na vaIsalele.

Kujombolola 12:14

Co uje munakazi vamwanene mambava avali a ngonga wakama ngeci apulwile ku mutambela wendi mu mambo, kuje vakamulelela a myaka itatu na vingonde vitanu na imo mukumwamena ku vushonde vwa uje canza-ngombe.