Mika 3:9 - Livulu lya Shukulu Kalunga

⁹ Njitolilileni, yeni vaka-kushwana va Isalele, yeni vaje vazinda vushunga nakutengulukila ku vuvi.

Mika 3:9 Iomraidhean Croise

Nehemiya 13:17

Co njaluvalele na vantwama va vaYunda njendekele ngwange, “Kengeni, mulinakulinga vuvi! Mulinakuviisa Litangwa Lyakuhwima.

Kutuuka 3:16

Ya ukakungulwile amo vantwama va Isalele voshe ukavaleke ngwove, ‘Shukulu Kalunga, Njambi ya vakukulwila veni, Njambi ya Avilahama, na Isake, na Yakomba, nalisholwele kuli yange. Valeke ngwove Njambi nakenge ali yeni, co namono vika vaka-Ingito valinakumilinga.

Visimo 17:15

Uje asambesa muka-vuvi na uje ahisa muka-vushunga, voshe muvuvali vwavo vanapu vunyengwe kuli Shukulu Kalunga.

Visimo 17:23

Maako vavavi vakatambula mazika-kanwa mu vuse-vuse, ngeci vaengese n̄anda.

Visimo 18:5

Kesi mwamuvwa kusingimika muka-mulonga, nambe kuvindika munu wa mulonga ngeci kesi awane vuvwa.

Visimo 21:7

Lwozi lwa vaka-vuvi lukavanyongesa, omwo vanavyana kulinga vya vushunga.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Njelemiya 5:28

omwo vikajo vananunu nakukala mwamuvwa. Vilinga vyavo vyavivi kuvyesi naa avyasikisila. Kuvesi kwana visiwa vije vinavapande nambe kumwesa vushunga kuli vaka-kuyanda.

Ezekiyele 44:23

“Vaka-kukombelela valongese vanu vange kwangula akati ka vije vyakujela na vije vyakujeneka kujela, na futisi ya vyakujela nevi vyakujeneka kujela.

Hoziya 5:1

“Tolilileni vyuma evi, yeni vaka-kukombelela! Umbeniko mbunge, yeni vanu va mu Isalele! Tolilileni, yeni vaka-naanga ya vumwene! Munapandele kusompa mu vushunga, ngecivene, cihiso cikaija ali yeni! Yeni munapu ngwe nganjo ku Mizipa, munapu ngwe linimbwa lije vajangumwina a Munkinda wa Tambole.

VaLevi 26:15

Nga muvyana kwononoka vizilika vyange, nakulimbulula vilongesa vyange, kunyunga mashiko ange, nakupokola cikumiiyo cange cije njalikumiiye neni,

Amose 5:7

Munanyongo, yeni vaka-kutengulula vushunga nakuvupwisa makuli, co mulyatangela vushunga!

Mika 1:1

A matangwa akushwana kwa Yotame, na Ahaze, na Hezekiya vimyene va mu Yunda, Shukulu Kalunga wendekele kuli Mika, uje watundile ku nganda ya Moleshete. Shukulu Kalunga washolwele vyuma vyoshe evi kuli Mika, vyuma vyoshe vije vikalingiwa a Samaliya na Yelusalema.

Mika 3:1

Tolilileni yeni vaka-kushwana va Isalele! Munapande kuzivuka vushunga,

Kwituluka mu Mashiko 27:19

“ ‘Cisingo ca Njambi cikale ali munu woshe uje ahengesa vin̄anda vya vaka-kwija, na visiwa, na vifwile.’ “Co vanu voshe vakakumbulula ngwavo, ‘Ewa!’