Mika 3:7 - Livulu lya Shukulu Kalunga

⁷ Vaje vakomikiya vya kulutwe vakashauka akwonwa kumona vivomikiiye. Voshe vakavaya omwo Njambi kakavakumbulula.

Mika 3:7 Iomraidhean Croise

Myaso 74:9

Vizivukiso vyetu vyoshe vyakujela vinahu, co lalo kukwesi vaka-kwimanena vanasalako, naumo wai lalo azivuka simbu ije cuma eci cikahwa.

Kutuuka 9:11

Co vaka-manseno kuvasele kwimana ku mesho a Mosesa omwo mazimbo akele ali vakevo na ali vaka-Ingito voshe.

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Ezekiyele 24:17

Linyenge kamandondo, kesi ulile mutsi. Zala kalupusa kove ku mutwe, co zala vin̄aku ku mendi ove. Kesi ufwike cihanga cove nambe kulya vyakulya vije vivakali vaka-kulila.”

Ezekiyele 24:22

Asinoni mukalinga ngwe munjinalingi yange. Kumukafwiki ku vihanga vyeni nambe kulya vyakulya vije vivakali vaka-kulila.

VaLevi 13:45

“Munu uje ali na mushongo wa a cikonde wakulitambwisa, napande kuzala vuzalo vwakutavozoka, co kapandele kusakula vin̄ambu vyendi lalo, co afwike a kanwa kendi. Co napande kutambeka ngwendi, ‘Njaviya! Njaviya!’

Amose 8:11

“Simbu ikaija omo njikatuma njala ya lyangengela mu lifuti. Vanu vakakala na njala, oloni kesi njala ya vyakulya, vakaziva lihwila, oloni kesi lihwila lya mema. Vakakala na njala na lihwila vya lijwi lya Shukulu Kalunga. Yange Kalunga wa Akamwa ya Vyoshe, njinendekamo.

Mika 3:4

Simbu ilinakwija omo mukalilila kuli Shukulu Kalunga, oloni kakamikumbulula, kakatolilila ku malombelo eni, omwo munalingi vuvi.

Mika 7:16

Akumona cuma eci, co miyati ya vanu vakonwa kulingao cuma cimo, nameme vaje vali na nzili manene kuvakendeka cuma cimo nameme kutolilila embwe.

Zakaliya 13:4

A litangwa lije, naumo wai muka-kwimanena akalyalesa na vimona vyendi, nambe kupwa ngwe muka-kwimanena, nambe kuzala vuzalo vwa muka-kwimanena vwa vulaja ngeci akwise vanu.

1 Samwele 14:37

Ngecivene, Saulu wehwile Njambi ngwendi, “Njasa kulwisa vaFilisitiya ndi? Ukavakundika mu mavoko a Isalele ndi?” Oloni Njambi kakumbulwile litangwa lije.

1 Samwele 28:15

Co Samwele wendekele kuli Saulu ngwendi, “Omwo vikajo wanjiyandesela? Vikajo unanjituwisila?” Saulu wamukumbulwile ngwendi, “Njili mu vukalu vwakama manene! VaFilisitiya vanaija nakunjilwisa, co Njambi nanjikengesa nima. Shendi kunjikumbulula lalo, nambe ali vaka-kwimanena, nambe mu vinjozi. Ngeci njinakusana, unjileke vati njinapande kulinga.”

1 Samwele 28:6

ngecivene, Saulu wehwile kuli Shukulu Kalunga vije vyanapande kulinga. Oloni Shukulu Kalunga kamukumbulwile, nambe mu vinjozi, nambe kupangesa Ulime na Tumime, nambe a vaka-kwimanena.

1 Samwele 9:9

(Laja mu Isalele, omo munu aya nakwihula kuli Njambi, co ikeye endeka ngwendi, “Ijeni tuye kuli muka-kumona,” omwo uje ikeye vatumbula ololo ngwavo muka-kwimanena, co laja vakele nakumutumbula ngwavo muka-kumona.)