Mika 3:11 - Livulu lya Shukulu Kalunga

¹¹ Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Mika 3:11 Iomraidhean Croise

Visimo 17:23

Maako vavavi vakatambula mazika-kanwa mu vuse-vuse, ngeci vaengese n̄anda.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Isaya 48:2

Muli na kulyalesa nakwendeka ngweni munapu vandambo va Yelusalema, nganda yakujela, nakukulaela kuli Njambi ya Isalele, uje lizina lyendi lyapwa Shukulu Kalunga Muka-nzili yoshe.

Isaya 5:23

Oloni a lizika-kanwa ni, mukasambesa vaka-milonga, oloni vaje kuvesi na milonga kumwesi kuvasompa mwa vushunga.

Isaya 56:11

Vantwama vaje kuvesi kuzivisisa vanapu ngwe tutali vamutupu vaje kuvesi kukuta. Vantwama ava kuvesi kuzivisisa. Ntwama na ntwama ashaka kulinga vije vimuvwaelelesa.

Njelemiya 23:17

Valeka vanu vaje vanavyana kutolilila kuli yange ngwavo vakakala mu kwoloka, co valeka woshe uje nakaluwisa mbunge yendi ngwavo kukwesi vukalu vukaija kuli ikeye.”

Njelemiya 26:7

Vaka-kukombelela, na vaka-kwimanena, na vanu voshe vaje vanjizivile njilinakwendeka vyuma evi mu Njuvo ya Shukulu Kalunga,

Njelemiya 5:12

Vanu vanavyana Shukulu Kalunga, co vanendeka ngwavo, “Nacimo cai cakalinga. Shukulu Kalunga kakatunyanyamesa, kukukakala nzita nambe njala ya lyangengela embwe.”

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

Njelemiya 7:4

Kesi mukulaele ku majwi aje vendeka ngwavo, ‘Eyi ikeye Njuvo ya Shukulu Kalunga! Njuvo ya Shukulu Kalunga! Njuvo ya Shukulu Kalunga!’

Njelemiya 8:10

Ngecivene, njikana mahya avo kuli vanu veka, na vanakazi vavo kuli vanalume veka. Omwo mwanike nambe mukulunu voshe vali na cipululu ca vimbongo. Nameme vaka-kwimanena na vaka-kukombelela valinakukwisa vanu.

Ezekiyele 22:12

Vanu vove vamo valinakutsiya vanu ngeci vavafwete vimbongo. Vamo valinakufwetesa kakondweso a makongo aje valinakwana kuli vavushoko vwavo vaIsalele, co valinakufuka mu ngila ya makuli. Vananjivala yange.’ ” Shukulu Kalunga wa Akamwa ya Vyoshe nendekamo.

Ezekiyele 22:27

Vamyata va vaka-kushwana vanalifu na tungunga vaje vakasanyozola tusitu vaje vavanatsii. Vakevo vakatsii ngeci vawane vufuko.

Ezekiyele 34:2

“Muna munu, leka vaka-kushwana va mu Isalele. Ambulula vuka-kwimanena, valeke vinjendeka kuli vakevo yange Kalunga wa Akamwa ya Vyoshe, ngwove, ‘Munavindama, yeni tunyungi va Isalele! Mulinakulilisa yeni vavenya, oloni kumwesi nakunyunga vimanga embwe.

Hoziya 4:18

Omo vananu vinyu vyavingi, co vavwaelela mukulinga vukwizi, vazema vyuma vya shwamwa kutuvakana kasingimiko.

Hoziya 4:8

Muli na vufuko vwakutunda a vuvi vwa vanu vange, co mushaka lalo ngeci vacitwaleo kulinga vuvi manene.

Amose 5:14

Ngecivene, shakezekeni vije vya vushunga, kesi vije vyavivi, ngeci muyoye. Asinoni Shukulu Kalunga Njambi Muka-nzili yoshe akakala amo neni, ngwe mumukendeka.

Amose 9:10

Vaka-vuvi vaje vali akati ka vanu vange vakavatsiila mu nzita, voshe vaje vendeka ngwavo, ‘Njambi kakatava vuvi ngeci vwete kuli yetu.’ ”

Mika 3:5

Vanu vange vanavakwisa kuli vaka-kwimanena vaje vakulaesa kwoloka kuli vaje vavafweta, oloni vambulula muzimbu wa nzita yakujujwisa kuli vaje vajeneka kuvafweta. Shukulu Kalunga alinakwendeka kuli ava vaka-kwimanena ngwendi,

Mika 7:3

Voshe vazivuka manene kulinga vuvi. Vantwama vashaka vwana, co vaka-kusompa vatambula mazika-kanwa. Muka-kutsimana avaleka vije vyashaka, ngecivene, voshe vatumba matumbe amavi.

Zefaniya 3:3

Vamyata vayo valinakwaana ngwe vindumba, co maako vayo vanapu ngwe tungunga va njala na mutupu, vaje valya citsiya palanga noo ku mutondo.

Zefaniya 3:4

Vaka-kwimanena vapwa vaka-kulyalesa na vaka-muuka, co vaka-kukombelela vakajwalesa vije vinajele, co vatengulula lishiko lya Njambi ngeci vafuke mu ngila kesi ikeyo.

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Malakiya 2:9

Ngecivene, nange lalo njikamishawisa kuli vanu va mu Isalele omwo kumwononokele cizango cange, omo mulongesa vanu vange, kumwesi kuvapwisa mumo embwe.”

Kulava 16:15

Co Mosesa waluvalele manene ngeci wendekele kuli Shukulu Kalunga ngwendi, “Shukulu Kalunga kesi utambule n̄ombelo yavo. Nacimo cai yange njaviisile kuli vakevo, kunjambatele nambe cimulu cavo umo.”

Kulava 22:7

Ngecivene, vantwama va vaMowavi na vaMindyani vatwalele mushendo wakutaesa kuli Mbalame, co vamulekele majwi atundile kuli Mwene Mbalake.

Mateo 3:9

Kesi mulyendekese mu vimbunge vyeni ngweni muli na kukulwila yeni Avilahama. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

1 Timateo 3:3

kapandele kupwa muka-kupenda nambe kupwa munu muka-lwozi, oloni apwe muka-lyovwa-ovwa na kwoloka, kapandele kupwa muka-kuzema vimbongo,

Tito 1:11

Cinapande vene kuvindika vyendeka vyavo, omwo vakevo valinakutanganesa naanga yoshe yamutunu nakulongesa vije kuvyavapandele, nevi vivalinakulinga a vutumbe vwavo vwa shwamwa vwakunganyala vimbongo.

1 Petulu 5:2

pweni tunyungi va vutanga vuje vwanamyana Njambi, co vunyungeni na cizango cacivwa, ngwe mwanashaka Njambi ngeci mulingemo, kesi ngwe nakumisindiya. Lingeni vipangi vyeni, kesi ngwe omwo fweto embwe, oloni na cizango cacivwa cakupanga.

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.

1 Samwele 8:3

Oloni kuvendele mu vingila vya ishavo, vakele nakuvwaelela lika na vimbongo, ngecivene, vakele nakutambula vimbongo vya lizika-kanwa, kuvakele nakusompa vin̄anda mu vushunga.