Mika 2:7 - Livulu lya Shukulu Kalunga

⁷ Kuma mwayongola ngeci vanu va mu Isalele vali mu cisingo ndi? Kuma Shukulu Kalunga kasa kuvandamena ndi? Kuma asa kulinga vyuma vyangacije ndi? Kuma kesi kwendeka mwamuvwa kuli vaje vaka-kulongwa ndi?”

Mika 2:7 Iomraidhean Croise

Myaso 119:65

Unanyungu cikulaeso cove Shukulu Kalunga, unalingi mwamuvwa kuli yange ngamba yove.

Myaso 119:68

Yove uwamuvwa, co lalo ukalingi vyavivwa, njilongese mashiko ove!

Myaso 15:2

Uje ononoka Njambi simbu yoshe nakulinga vyakushungama, co endeka vushunga mu mbunge yendi,

Myaso 18:26

Yove wapwa wakujela kuli vaje vakujela, oloni ukamwesa vukalu kuli vaka-vuvi.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Visimo 10:29

Shukulu Kalunga akanyungu vaka-kulongwa, oloni akanyongesa vaje vaka-kulinga vya kupenga-penga.

Visimo 10:9

Uje enda mu vushunga ikeye enda mu kwoloka, oloni uje enda mwa kupenga-penga vakamukwata.

Visimo 14:2

Woshe uje ayoya kuyoya kwakuvwa, amwesa ngeci alinakwononoka Shukulu Kalunga, oloni woshe uje ayoya kuyoya kwa kupenga-penga, amwesa ngeci alinakuyengula Shukulu Kalunga.

Visimo 2:7

Shukulu Kalunga natulikila mana vaka-vushunga nakunyunga vaka-kulongwa, amena vaka-kujeneka mulonga.

Visimo 28:18

Pwa munu wa kulongwa, co ukovoka, nga kuupu munu wa kulongwa, co vwasi-vwasi ukawa.

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Isaya 58:1

Shukulu Kalunga alinakwendeka ngwendi, “Tambekeni manene ngwe mumunasela! Lekeni vanu vange va Isalele a vuvi vwavo!

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Njelemiya 2:4

Tolilileni ku lijwi lya Shukulu Kalunga, yeni vatekulwila va Yakomba, yeni miyati ya Isalele.

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Mika 3:9

Njitolilileni, yeni vaka-kushwana va Isalele, yeni vaje vazinda vushunga nakutengulukila ku vuvi.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Kulava 11:23

Co Shukulu Kalunga wamukumbulwile ngwendi, “Kuma nzili yange yakala naa ayahwila ndi? Cooni ololo ukamona nga evi njinendeka vikalingiwa nambe kuvikalingiwa!”

Mateo 3:8

Lingeni vyuma vije vimwesa ngeci munatenguluka ku vivi vyeni.

Yowano 8:39

Vamukumbulwile ngwavo, “Avilahama ikeye Tatetu.” Yesu wakumbulwile ngwendi, “Nga mwa vushunga mwapwile mu vana va Avilahama, nga neni lalo mulinakulinga vipangi vije vyalingile Avilahama.

Loma 7:13

Oloni kuma eci calumbunuka ngeci cije cacivwa cikeco canenele kutsa kuli yange ndi? Kesi ngoco embwe! Eci calingiwile omwo vuvi, akupangesa cije cacivwa, vuvi vwanenele kutsa kuli yange, ngeci cifwa cavwo cisholoke ngeci mwa vushunga vunapu vuvi. Co mu ngila yakushika oku vuvi vunasholoka kupwa vwavuvi manene.

2 Kolinte 6:12

Kesi yetu tunashoko vimbunge vyetu kuli yeni, oloni yeni munashoko vimbunge vyeni kuli yetu.

2 Timateo 3:5

vakakakateya vyuma vya cifwa cakulemesa Njambi, oloni vakavyana nzili yavyo. Litenge ku vanu va cifwa cangacije.