Mika 2:4 - Livulu lya Shukulu Kalunga

⁴ Omo ije simbu iketa, vanu vakendeka majwi amavi ali yeni kupwa cimweso ca tuyando twakama, co vakaimba mwaso uje wa vusiwa ali yeni ngwavo, ‘Tunanyongo njwa! Shukulu Kalunga natutambula lifuti lyetu nakulyana kuli vaje vatukwatele vunzinda.’ ”

Mika 2:4 Iomraidhean Croise

2 Samwele 1:17

Ndaviti wembile mwaso ou wakulila Saulu na munendi Yonatana,

2 Mizimbu 35:25

Co Njelemiya muka-kwimanena wasonekele mbimbi yakulila ali Mwene Yosiya. Eci capwile cilika mu Isalele kuli vaka-kwimba, vanalume na vanakazi, vembile ou mwaso wa mbimbi omo vamulilile. Co mwaso ou wa mbimbi vausoneka muLivulu lya Mbimbi.

Yombi 27:1

Yombi wakumbulwile ngwendi,

Isaya 14:4

Mukashendumuna mwene wa Mbambilone ngweni, “Mwene wa vukalu nau! Kakayandesa lalo munu!

Isaya 24:3

Ano a kaye akakala amupulungwa, kwakakala cuma cimo. Shukulu Kalunga nendekamo, co cikalingiwa.

Isaya 6:11

Co njehwile ngwange, “Yove Shukulu Kalunga, simbu mukajo vyuma evi vikapwa ngeci?” Co wanjikumbulwile ngwendi, “Kuvanga noo vinganda vyavo vinasiwuka nakupwa vingundu, noo vinjuvo vyavo vinapu vyamupulungwa, noo lifuti lyavo lyashandoka nakupwa vingundu.

Njelemiya 14:18

Omo njiya mu mahya njimona mivila ya vaje vatsililile mu nzita, omo njikovela mu membo, co njimona vanu valinakulanduka ku njala. Oloni vaka-kwimanena na vaka-kukombelela valinakupanga vipangi vyavo, kuvazivuka vije vilinakulingiwa.”

Njelemiya 4:13

Kengeni, citozi alinakwija ngwe mashelwa. Matemba endi a nzita anapu ngwe kankumba, co tuvalu twendi vashatuka manene kutuvakana vingonga. Ngongo yetu! Tunanyongo!

Njelemiya 6:12

Vinjuvo vyavo vakavyana kuli veka, amo na mahya avo na vanakazi vavo. Njikanyanyamesa vanu va mu lifuti eli.

Njelemiya 8:10

Ngecivene, njikana mahya avo kuli vanu veka, na vanakazi vavo kuli vanalume veka. Omwo mwanike nambe mukulunu voshe vali na cipululu ca vimbongo. Nameme vaka-kwimanena na vaka-kukombelela valinakukwisa vanu.

Njelemiya 9:10

Njelemiya wendekele ngwendi, “Njikalilila minkinda, co lalo njikalinyenga mitambela kwakulila vimuna, omwo vinomu cau, co naumo wai alinakwendamo. Naumo wai aziva vingombe omo vatamuna, co tuzila na tusitu vanatewa vanai.”

Njelemiya 9:16

Co njikavashandwela akati ka miyati ya vanu vaje kuvazivile akulivanga nambe vakukulwila vavo kuvaizivile, co njikatuma mashwalale nakuvalwisa noo njinavanyongesa voshe njwa.”

Ezekiyele 16:44

Shukulu Kalunga wendekele ngwendi, “Vanu vakata cisimo eci ali yove Yelusalema ngwavo, ‘Muvafwa vaina mukemwo mwafwa na mwana.’

Ezekiyele 2:10

Co livoko lije njamwene lyazengunwine lije livulu lyakuzenga, co njamwene visoneka ku mitambela yoshe ya livulu mukati na anja, vasonekeleo majwi akulila nakulinyenga, nakukemanga na vusiwa.

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Njwele 1:8

Lileni, yeni vanu, ngwe mumbanda alila kutsa kwa munalume uje nashakele kumwambata.

Amose 5:1

Tolilileni, yeni vanu va Isalele, ku mwaso wa vusiwa ou njimimbila.

Amose 5:17

Ku mahya a mikolovozi ya vushuka vwa vinyu kukakala kulila. Evi vyoshe vikalingiwa omwo njikaija nakuminyanyamesa.” Mukemwo mwanendeka Shukulu Kalunga.

Mika 1:15

Vanu va Malesha, Shukulu Kalunga akamyana ku mavoko a citozi, uje akafungulula nganda yeni. Vantwama va Isalele vakaya nakulishweka mu linzenzengoma ku Andulame.

Mika 1:8

Asinoni Mika wendekele ngwendi, “Omo a evi, njikalila nakulinyenga. Mukumwesa vusiwa vwange, co njikenda mendi-mendi na mutotototo. Njikalila ngwe mbanje, co njikasikoka ngwe nkumbwa.

Mika 2:10

Katukeni muye, kukwesi mwamuvwa lalo kuno embwe. Vuvi vweni vunaviisa uno mutambela nakuunyongesa woshe njwa.

Hambakuke 2:6

Vanu vaje lifuti lyavo vaMbambilone vanalitambula na nzili vakayeluwisa nakushendumuna vaMbambilone ngwavo, “Yeni mukambata vije kuvyapwile vyeni, oloni Njambi akaminyanyamesa! Mukafuka visimbu vingaijo akusindiya vanu vaje mwakumwisile vimbongo ngeci vamifwete?”

Zefaniya 1:2

Shukulu Kalunga wendekele ngwendi, “Njikanyongesa vyuma vyoshe vya ano asi,

Kulava 23:18

Asinoni Mbalame washangumukile kwendeka vuka-kwimanena vwendi ngwendi, “Katuka Mbalake, uzivilile evi njendeka, tolilila majwi ange, ove muna Zipole.

Kulava 23:7

Co Mbalame wendekele vuka-kwimanena vwendi ngwendi, Mbalake mwene wa vaMowavi ikeye nanjinena kuno, kutunda ku Silya, ku minkinda ya mu ngangela, ikeye wendekele ngwendi, “Ija wakunjisingileko Yakomba, nakunjikun̄wilako vanu va Isalele.

Kulava 24:15

Asinoni ikeye wambulwile vuka-kwimanena vwendi ngwendi, “Lijwi lya Mbalame muna Mbeole, lijwi lya munu uje asa kumona mwamuvwa nakutungukwa.

Kulava 24:3

co wambulwile vuka-kwimanena vwendi ngwendi, “Eli likelyo lijwi lya Mbalame muna Mbeole, Ano akeo majwi a munu uje asa kumona mwamuvwa nakutungukwa,

Mako 12:12

Co vantwama va vaYunda vashakele kukwata Yesu, omwo vazivukile ngwavo Yesu navatela cisimo eci mukuvalwisa. Oloni vazivile lyova lya mbunga ya vanu, ngecivene, vamusezele, co vaile.

Kwituluka mu Mashiko 28:29

Mukambumbangela mutanya mwelu ngwe kapuputwa, kumukamono ngila. Kumukasa kupanga mwamuvwa mu vyuma vyoshe vimukalinga. Vakamiyandesa nakumivila, co naumo wai akamyamena.