Mika 2:3 - Livulu lya Shukulu Kalunga

³ Ngecivene, Shukulu Kalunga alinakwendeka ngwendi, “Njilinakuyongola kunena tuyando twakama ali yeni, co kumukasa kuvanda embwe. Mukakala mu vukalu, co kumukende na kulyalesa lalo.

Mika 2:3 Iomraidhean Croise

Isaya 29:20

Cikapwa ca mamaneselelo kuli vaje vaka-muuka vaka-kuyeluwisa Njambi. Co muka-vuvi woshe vakamunyongesa.

Isaya 3:16

Shukulu Kalunga nendeka ngwendi, “Kengeni kulyalesa kwa vanakazi va mu Yelusalema! Venda nakukezima na tumanambo twatundondo, oku makai a ku mendi avo oya ca, ca.

Isaya 5:19

Mwendeka ngweni, “Shukulu Kalunga azambule kulinga vije vyendekele, ngeci tuvimone. Njambi wa Isalele wakujela atumbe matumbe endi, ngeci tumone viyongola vyendi.”

Njelemiya 18:11

Ngecivene, ololo, leka vanu va mu Yunda na vanu va mu Yelusalema ngwove njilinakutumba matumbe akuvalwisa, nakuvahisa. Valeke ngeci valikele kuyoya mu vuvi, vatenguluke ku vingila vyavo na ku vyuma vivalinakulinga.

Njelemiya 27:12

Njendekele cuma cimolika kuli Mwene Zendekiya wa mu Yunda ngwange, “Likeese kuli mwene wa Mbambilone. Mupangele ikeye nakupangela lalo vanu vendi, co ukayoya.

Njelemiya 34:17

Ngecivene, yange Kalunga, njinendeka ngwange kumwanjononokele, kumwanene vakweni vaIsalele kupatuka kwavo. Mwamuvwa oni, njikamyana kupatuka, kupatuka kwakutsila mu nzita, na ku mushongo, nakulanduka ku njala ya lyangengela. Njikamiyevanganesa akati ka miyati ya vanu voshe va mu kaye. Co vakakomoka a vije njikalinga ali yeni.

Njelemiya 36:23

Omo Njehunde wamanesele kulava mikana itatu nambe iwana, co mwene watavwile lije livulu na moko yendi yaindondo nakulyumbila mu liko. Walitavozwele nakulyenyeka noo lyoshe lyahwile.

Njelemiya 43:2

Oloni Azaliya muna Hoshaya na Yohanane muna Kaleya, na vanalume vamo va kulyalesa vendekele kuli yange ngwavo, “Ulinakwendeka vya makuli. Shukulu Kalunga Njambi yetu kakutumine ngeci utuleke ngwove kesi tuye ku Ingito.

Njelemiya 8:3

Co vanu va muyati ou wa vuvi vaje vanasalao njikavatwala ku mafuti eka, vakaangula kutsa kutuvakana kuyoya. Yange Kalunga Muka-nzili yoshe, njinendekamo.”

Mbimbi 1:14

Ikeye wazivukile vuvi vwange vwoshe co wavukutiiya amo vwoshe, wavuzengelele ku mukoshi wange, co vwanjizeyesele manene omwo vulemu vwavwo. Shukulu Kalunga wanjanene ku mavoko a vitozi vange, co njonwele kuvayeluwisa.

Mbimbi 2:17

Shukulu Kalunga nalingi vije vyashakele kulinga, ikeye natunyongesa kujeneka mema ku mbunge, ngwe muje mwatunangwile ku san̄ulu. Ikeye nahyanesa vitozi vetu, navaana kujolela omo tunau.

Mbimbi 5:5

Valinakutwendesa manene ngwe vimulu nambe ngwe tumelo, tunajuka manene, oloni nalumo lwai vatutavesa kuhwima.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Amose 2:14

Kukwesi muka-kushatuka manene akaputumuka wai, co vanu vaka-nzili kuvakakala na nzili lalo, na mashwalale lalo kuvakasa kwamena myonyo yavo.

Amose 3:1

Yeni vanu va Isalele, tolilileni majwi awa anendeka Shukulu Kalunga kuli yeni, muyati woshe vaje vaatundisile ku Ingito,

Amose 3:2

“Ku miyati yoshe ya ano asi yeni lika vanjangwile nakuminyunga mwamuvwa. Evi vikevyo vyanenesa vivi vyeni kupwa vyakukomokesa, ngecivene, njikaminyanyamesa omwo vuvi vweni.”

Amose 5:13

Ngecivene, uje ali na mana akoloke kuluu a simbu eyi yaivi ngacije!

Mika 2:1

Cikapwa cacikalu manene kuli vaje vatumba matumbe amavi oku vanalala. Omo kukya mutondo, vwasi-vwasi omo vanawana simbu, co valinga vuvi vuje vuvanayongola.

Loma 16:4

vakevo vecelele myonyo yavo omwo yange. Njinavakandelela, kesi yange lika, oloni lalo na vikungulukilo vyoshe vya vaje kesi vaYunda.

Efeso 5:16

Pangeseni mwamuvwa visimbu vije mulinavyo, omwo matangwa ano anapu amavi.

Kwituluka mu Mashiko 28:48

Ngecivene, mukapangela vitozi vaje vakamitumina Shukulu Kalunga. Mukakala na njala, na lihwila, na vuzu, mukajeneka vyuma vyoshe. Co Shukulu Kalunga akamiyandesa manene noo naminyongesa njwa.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.