Mika 2:1 - Livulu lya Shukulu Kalunga

¹ Cikapwa cacikalu manene kuli vaje vatumba matumbe amavi oku vanalala. Omo kukya mutondo, vwasi-vwasi omo vanawana simbu, co valinga vuvi vuje vuvanayongola.

Mika 2:1 Iomraidhean Croise

Kushangumuka 31:29

Njili na nzili yakukuvulumuna, oloni vutsiki vwa izau Njambi ya isho, ikeye nanjinangwile ngwendi kesi njikushungwiye mu ngila ika nambe ika.

1 Vimyene 21:7

Co Njezevele wamukumbulwile ngwendi, “Kuma yove kesi u mwene wa mu Isalele ndi? Induka ulye, kesi ulinyenge njikakutambwila citungu ca Navote!”

Esita 3:8

Ngecivene, Hamane walekele mwene ngwendi, “Kuli vanu vamo vanashandokela mu vumwene vwove vwoshe, co vali mu mafuti ove oshe. Co mashiko avo analyangunuka na mashiko a vanu voshe, co lalo kuvesi nakunyunga lishiko lyove mwene embwe, ngecivene, shukulu kumwapandele kuvatava ngoco embwe.

Esita 5:14

Ngecivene, munakazi wendi na vasamba vendi voshe vatumbile vutumbe ngwavo, “Omwo vikajo kuushimbika viti vya vilaja vyakupwa mamita makumi avali na mamita avali? Co imene ukalombe mwene ngeci vakashukikeo Molendekai, asinoni ukaya ku ciwano cakulya nakuvwaelela.” Co Hamane wayongwele ngeci cije capwile ciyongola cacivwa, ngecivene, washimbikile viti.

Esita 9:25

Oloni Esita waile kuli mwene, co mwene wasonekele mashiko ngeci vutumbe vwa Hamane vwavuvi vuje vwatumbilile vaYunda vumwilukile ikeye vavenya, co ikeye na vana vendi va vanalume vavashukikile a viti.

Yombi 15:35

Ava vakevo vaka-kutumba matumbe akuyandesa na vuvi, co vimbunge vyavo vyashula nakukwisa simbu yoshe.”

Yombi 24:14

A mungulungengu, lipwepwe enduka aya nakutsiya kautu na muka-kuyanda, co ku vutsiki aya nakwiva.

Myaso 36:4

Vakatumbu matumbe amavi oku vanalala a vulili vwavo, nacimo cacivwa civakalingi cai, co kuvesi kuvyana cuma cacivi.

Myaso 36:5

Shukulu Kalunga, cizemo cove cije kucesi kutenguluka cinete na mu melu, kulongwa kwove kunete ku mashelwa.

Myaso 58:3

Vaka-vuvi vapwa vaka-kuviisa simbu yoshe yakuyoya kwavo, vendeka makuli tunde a litangwa lya kusemuka kwavo.

Visimo 12:2

Munu wamuvwa akawana kutetela kuli Shukulu Kalunga, oloni Shukulu Kalunga ahisa munu muka-matumbe amavi.

Visimo 14:22

Vakweni vakakukulaela nakukusingimika nga upanga mwamuvwa, oloni nga upanga mwamuvi, co ulinakulinga mulonga.

Visimo 3:27

Kesi uvindike vuvwa vwa vaje vanavupande, nameme nzili yakulinga cije ulinaco.

Visimo 4:16

Omwo vaka-vuvi kuvesi kulala tulo kuvanga vanalingi cuma cimo cacivi, vakalala cilavu-lavu noo vanavulumuna munu.

Isaya 29:20

Cikapwa ca mamaneselelo kuli vaje vaka-muuka vaka-kuyeluwisa Njambi. Co muka-vuvi woshe vakamunyongesa.

Isaya 3:14

Shukulu Kalunga akasompesa vakulunu na vantwama va vanu vendi. Avasompesa ngwendi, “Munapukula mikolovozi ya vushuka vwa vinyu, co mu vinjuvo vyeni munashulu na vyuma vimunambata ku tuutu.

Isaya 32:7

Cilema napu muka-vuvi, muka-kulinga vyuma vyavivi, atumba matumbe a makuli akuviisa tuutu nakuvavindika ngeci kesi vawane vushunga.

Isaya 5:8

Ngongo yeni! Mulinakulanda vinjuvo vyavingi na mahya ngeci muwezelele ku vije mulinavyo laja. Co kukukakala lalo mutambela wakutungila vanu, co mukakala mu lifuti eni lika.

Isaya 59:3

Vyendeka vyeni vinashulu na makuli na matumbe a muuka, na mavoko eni anashulu na maninga.

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Ezekiyele 11:2

Co Njambi wendekele kuli yange ngwendi, “Muna munu, vanalume ava vaka-kutumba matumbe amavi, nakwana kunangula kwakuvi muno mu nganda.

Ezekiyele 33:26

Munakulaela mikwale yeni. Vilinga vyeni vinapu vya vunyengwe. Vanu voshe valinga vupangala. Co vikajo vimiyongwesa ngeci lifuti linapu lyeni?’

Ezekiyele 38:10

Evi vikevyo vyalinakwendeka Shukulu Kalunga wa Akamwa ya Vyoshe kuli Ngonge ngwendi, “Omo simbu ije ikaija, co ukashangumuka kutumba vutumbe vwavuvi.

Ezekiyele 46:18

Mwene kapandele kwambata vufuko vwoshe-ivwoshe vwa vanu. Nga kuli lifuti limo ashaka kwana kuli vana vendi, linapande kupwa lifuti lije lyakundama kuli ikeye, ngeci kesi ayandese vanu vange akuvanyeka lifuti lyavo.”

Mika 6:12

Vaka-kufuka veni va mu nganda valinakukwisa tuutu, co muvavoshe munapu vaka-makuli.

Nahumi 1:11

Kuli yove Nenevayi kwatundile munu umo washulile na matumbe amavi, uje watumbile vutumbe vwakulwisa Shukulu Kalunga.

Zakaliya 7:10

Kesi muyandese vifwile, nambe visiwa, nambe vaka-kwija vaje vali akati keni, nambe munu woshe uje najeneka. Co kesi mweseke kutumba matumbe akuvulumuna vakweni embwe!’

Mako 15:1

Co alikaki mutondo-tondo vakulunu va vaka-kukombelela na vakulunu, na valongisi va majwi a Lishiko, na vaka-Munga voshe, valiwanene vwasi-vwasi nakutumba matumbe. Co vakutile Yesu mu malyenge, vamutwalele nakumwana kuli Pilato.

Luka 20:19

Co valongisi va majwi a Lishiko na vakulunu va vaka-kukombelela vayongwele kukwata Yesu aje vene, omwo vazivukile ngwavo cisimo eci nacitela vakevo, oloni vatewele vanu.

Yowano 19:11

Yesu wakumbulwile ngwendi, “Yove uli na moko ali yange omwo Njambi nakwanayo. Ngecivene, munalume ou nanjinena kuli yove ali na mulonga wa vuvi vwakutuvakana.”

Vilinga vya Miluwa 23:12

Alikaki mutondo vamo vaYunda valikungulwile nakutumba vutumbe. Valisingile cisingo ngeci kuvali vyakulya nambe kunwa kuvanga noo vanatsii Paulu.

Vilinga vya Miluwa 23:15

Ngecivene, ololo ngwetu yeni na vaka-Munga tumeni lijwi kuli muka-kushika mashwalale va vaLoma ngeci atume Paulu kuli yeni, mulikwise ngwe mushaka kuwana vukaleo vwavuvwa ali ikeye. Oloni yetu tulivwaesela cimweja kumutsiya simbu kanda acete kuno.”

Loma 1:30

nakwendeka vyavivi ali umo na mukwavo, vanapu vaka-kuzinda Njambi, vaka-likamba, vaka-kulyalesa, co vaka-kulipamba, vayongola vingila vyavingi vyakupangelamo vuvi, vaka-kujeneka kwononoka visemi vyavo,

Kwituluka mu Mashiko 28:32

Vana veni va vanalume na ava va vanakazi vakavana ku muyati weka ngwe vindungo, co a litangwa na litangwa mukatungumuna mesho eni, nakukengelela mwangoco ngweni amo vana veni vakavelwisa.