Mika 1:6 - Livulu lya Shukulu Kalunga

⁶ Ngecivene, Shukulu Kalunga alinakwendeka ngwendi, “Samaliya njikaipwisa mambo ya mamanya, mutambela wakukuna mikolovozi ya vushuka vwa vinyu. Njiketila mamanya akutungisa nganda mu cimbongo, nakuseza luvula lwa nganda lwangoco.

Mika 1:6 Iomraidhean Croise

2 Samwele 17:13

Nga ikeye akatewela mu nganda, co vanu vetu voshe vakanena mikole, co tukamukokela mu cana. Co kukukasala lalo limanya limo akamwa ya lilundu.”

2 Vimyene 18:10

Mu mwaka wamucitatu omo vaizengelekele, nganda ya Samaliya yawile, wapwile mwaka wamucitanu na umo wakushwana kwa Hezekiya, na mwaka wamucitanu na iwana wakushwana kwa Hosheya.

2 Vimyene 18:9

Mu mwaka wamuciwana omo Hezekiya washwanene, ukewo wapwile mwaka wamucitanu na ivali washwanene Mwene Hosheya mu Isalele, Mwene Shalamanesele wa Asilya walwisile Isalele, co wazengelekele nganda ya Samaliya.

2 Vimyene 19:25

“Kuma kuwazivile ngeci yange Kalunga njayongwele laja vutumbe ovu ndi? Co ololo njinavusholola. Njakwanene nzili yakutengulula vinganda vya vimpaka kuvipwisa mitumbo ya vishwashwa.

Isaya 17:1

Shukulu Kalunga wendekele ngwendi, “Ndamasiku kuyikapu lalo nganda, oloni ikapwa nganda yakusiwuka.

Isaya 25:12

Njambi akanyongesa vimpaka vya Mowavi vyakukola na vivumbe vyavyo vyavilaja, nakuvilundumwina asi.

Isaya 25:2

Unatengulula vinganda vya vitozi vetu kupwa vingundu, nakunyongesa vimpaka vyavyo vyakukola. Mapela avatungile vitozi vetu oshe ananyongo.

Njelemiya 31:5

Co lalo mukakuna mikolovozi ya vushuka vwa vinyu ku malundu a mu Samaliya, co vaje vaikuna vakalya vuje vushuka vukaimako.

Njelemiya 51:25

Mbambilone, unapu ngwe munkinda uje unyongesa kaye koshe, oloni yange Kalunga njinapu citozi cove. Njikakukwata, nakukwandumwina asi upwe amolika na livu, nakukuseza mu lito.

Njelemiya 51:37

Lifuti lije likemuka ngundu, muje muvakakala tusitu. Likapwa lifuti lya vunyengwe, co naumo wai akakalamo, voshe vakalimona vakalikomokela.

Njelemiya 9:11

Shukulu Kalunga alinakwendeka ngwendi, “Njikapwisa Yelusalema mambo, na vinganda vya mu Yunda kupwa mambo muje mukayoyela vimbanje, ukapwa mutambela uje naumo wai akakalamo.”

Mbimbi 4:1

Vuvwa vwa ngolinde yetu yakuvyazima vunahu, mamanya a Njuvo ya Shukulu Kalunga anashandokela mu vitapalo mwoshe.

Ezekiyele 13:14

Njilinakuyongola kusiwula civumbe cije civakwitile mufwitilo wakutoka, nakucivujula, nakuseza luvula lwa mamanya mwangoco. Cikawa nakumitsiya muvavoshe. Asinoni vanu voshe vakazivuke yange Kalunga.

Hoziya 13:16

Samaliya vanapande kuyinyanyamesa akunjitengulukila. Vanu vendi vakatsila mu nzita, co vimbututu vakavamwashwila asi, co tufumba-kazi vakavatavula memo.”

Amose 5:11

Yeni munayandesa tuutu nakuvevila vimbuto vyavo. Co kumukakala mu vinjuvo vya mamanya vije vimunatungu, nambe kunwa vinyu vya ku vitungu vyavivwa vije mwakunine.

Amose 6:8

Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”

Mika 3:12

Ngecivene, omwo yeni, Siyone vakailima ngwe lihya, co Yelusalema ikemuka numbo ya vivumbe, na lilundu lya Njuvo ya Shukulu Kalunga likemuka shwata.

Hambakuke 3:13

Waile mukwamena vanu vove, mukwamena mwene uje iwangwile, wawisile ntwama ya vaka-vuvi, co wanyongesele vaka-kumukava vendi voshe njwa.

Mateo 24:2

Oloni Yesu wendekele ngwendi, “Munamono vinjuvo vyoshe evi ndi? Kukukakala limanya limo likasala mu mutambela walyo, oshe akasiwuka.”