Mika 1:1 - Livulu lya Shukulu Kalunga

¹ A matangwa akushwana kwa Yotame, na Ahaze, na Hezekiya vimyene va mu Yunda, Shukulu Kalunga wendekele kuli Mika, uje watundile ku nganda ya Moleshete. Shukulu Kalunga washolwele vyuma vyoshe evi kuli Mika, vyuma vyoshe vije vikalingiwa a Samaliya na Yelusalema.

Mika 1:1 Iomraidhean Croise

2 Vimyene 15:32

Mu mwaka wamucivali omo Peka muna Lemaliya wapwile mwene wa mu Isalele, Yotame muna Uziya wapwile mwene wa mu Yunda

2 Vimyene 15:5

Co Shukulu Kalunga watumine mushongo wa mbumba ali Uziya, wakele nawo mukuyoya kwendi kwoshe. Wakele mu njuvo yendi endi lika, co wecelele vipangi vyoshe, oloni munendi Yotame washwanene lifuti.

2 Vimyene 16:1

Mu mwaka wamulikumi na itanu na ivali omo Peka muna Lemaliya wapwile mwene wa mu Isalele, Ahaze muna Yotame wapwile mwene wa mu Yunda

2 Vimyene 18:1

Mu mwaka wamucitatu omo Hosheya muna Elahe wapwile mwene wa mu Isalele, co Hezekiya muna Ahaze wapwile mwene wa mu Yunda

2 Mizimbu 28:1

Ahaze wapwile mwene omo wakele na myaka makumi avali, co washwanene mu Yelusalema myaka likumi na itanu na umo. Ikeye kakavangeyeye vilinga vyavivwa vya kukulwila yendi Mwene Ndaviti, oloni walingile vije kuvyavwaelelesele Shukulu Kalunga,

2 Mizimbu 29:1

Hezekiya wapwile mwene wa mu Yunda omo wakele na myaka makumi avali na itanu, co washwanene mu Yelusalema myaka makumi avali na itanu na iwana. Vaina vapwile Aviya, muna Zekaliya.

Isaya 1:1

Cimona ca Isaya muna Amoze, cije camwene ca a Yunda na Yelusalema simbu ije omo Uziya, na Yotame, na Ahaze, na Hezekiya vapwile vimyene va mu Yunda.

Isaya 1:2

Shukulu Kalunga wendekele ngwendi, “Lilu na asi, tolilileni ku vije njendeka! Vana vaje njalelele vananjitengulukila.

Isaya 7:1

Omo Mwene Ahaze muna Yotame mutekulu wa Uziya washwanene mu Yunda, co kwakele nzita. Mwene Lezine wa Silya, na Peka muna Lemaliya mwene wa mu Isalele, valwisile Yelusalema oloni kuvaifungulwile.

Isaya 7:9

Isalele kuyesi na nzili yakutuvakana Samaliya nganda yayo yakama, co samaliya kuyesi na nzili yakutuvakana Mwene Peka. “Nga kukulaela kweni kucikakolesa, co kumukakolesa embwe.”

Njelemiya 26:18

“Omo Hezekiya wapwile mwene wa mu Yunda, Mika muka-kwimanena wa ku Moleshete walekele vanu voshe ngwendi Shukulu Kalunga Muka-nzili yoshe nendeka ngwendi, ‘Siyone vakailima ngwe muvakalimi lihya, Yelusalema ikapwa mutumbo, na munkinda wa Njuvo ya Shukulu Kalunga ukapwa ngwe malundu a mu shwata.’

Hoziya 1:1

Eli likelyo lijwi lya Shukulu Kalunga lije lyezile kuli Hoziya, muna Mbeli, a simbu yakushwana kwa Uziya, na Yotame, na Ahaze, na Hezekiya vimyene va mu Yunda, na a simbu yakushwana kwa Yelovowame, muna Yehowashe, mwene wa mu Isalele.

Hoziya 4:15

“Nameme yeni vanu va mu Isalele munapu vakujeneka kulongwa kuli yange, ngeci vene Yunda kesi alizive ngwe ali na mulonga wa cuma eci embwe. Kesi muye ku Ngilingale nakulemeselako nambe ku Mbetele, nambe kulinga cikulaeso mu lizina lya Shukulu Kalunga wakuyoya.

Hoziya 8:14

“Vanu va mu Isalele vanatungu mapela, oloni vanevala Muka-kuvatanga. Co vanu va mu Yunda vanatungu vinganda vya vimpaka. Oloni njikatuma tuhya mukwenyeka mapela avo na vinganda vyavo.”

Amose 1:1

Awa akewo majwi a Amose, kanyungi ku limbo lya Tekowa. Njambi washolwele vyuma vyoshe evi kuli Amose ali Isalele a myaka ivali simbu kanda lifuti lijaje, omo Uziya wapwile mwene wa mu Yunda, co Yelovowame muna Yehowashe wapwile mwene wa mu Isalele.

Amose 6:1

Ngongo yeni mulinakukala mwamuvwa mu Siyone, neni munatumbama kuluu mu Samaliya, yeni vanu va vulemu vaka-muyati ou vene wakama wa Isalele, kuje vanu vakaija-ija ngeci vawane vukwasi kuli yeni!

Mika 1:5

Evi vyoshe vikalingiwa omwo vanu va mu Isalele vanalingi vuvi na kutengulukila Njambi. Iyajo ivavayesa akutengulukila kwa Isalele? Kuma kesi Samaliya ndi? Iyajo uje ali na mulonga wa vukwizi mu Yunda? Kuma kesi Yelusalema ndi?

Mika 3:9

Njitolilileni, yeni vaka-kushwana va Isalele, yeni vaje vazinda vushunga nakutengulukila ku vuvi.

Hambakuke 1:1

Awa akewo majwi aje asholwele Shukulu Kalunga kuli Hambakuke muka-kwimanena.

2 Petulu 1:21

Omwo kukwesi lijwi lya vuka-kwimaneana lyezile kutunda ku cizango ca munu, oloni vanu vavatwamenenene kuli Munzinzime Wakujela omo vambulwile lijwi lije lyatundile kuli Njambi.