Mbimbi 5:14 - Livulu lya Shukulu Kalunga

¹⁴ Tukulukazi lalo kuvesi na simbu yakutumbama ku cikolo ca nganda, co matukuka a vakwenje kuvesi na simbu lalo yakwimba myaso.

Mbimbi 5:14 Iomraidhean Croise

Yombi 30:1

“Oloni ololo vaje vanapu vanike kuli yange, valinakunjiyeluwisa! Vaishavo simbu yoshe kuvesi na seo ngeci kunjatavesele tutali twange kukwasa kunyunga vimanga.

Yombi 30:31

Kuje kunjazivile laja myaso yakuvwaelela, ololo njilinakuzivako lika vusiwa nakulila.

Njelemiya 16:9

Tolilila ku evi njendeka yange Kalunga Muka-nzili yoshe Njambi ya Isalele. Njikolwesa muyoyo wakujolela nakuvwaelela, na muyoyo wakuvwaelela mu viwano vya vulo. Vanu valimuno vakayoya mukumona evi vilingiwa.

Njelemiya 25:10

Njikolwesa miyoyo yavo yakujolela nakuvwaelela, na miyoyo yakuvwaelela a viwano vya malo. Kuvakakala na mazi mu vindeya vyavo, co kukukakala lalo vimbuto vya vinona.

Njelemiya 7:34

Njikolwesa muyoyo wakujolela mu vinganda vya mu Yunda na mu vitapalo vya mu Yelusalema, co njikolwesa muyoyo wakujolela na muyoyo wakuvwaelela wa ciwano ca vulo omwo lifuti likapwa ngundu.

Mbimbi 1:19

“Njasanene vasamba vange, oloni vavyanene kunjikwasa. Vaka-kukombelela amo na vantwama vatsililile mu vitapalo vya mu nganda, mukushakezeka vyakulya ngeci vivayoyese.

Mbimbi 1:4

Vitapalo vyakuya ku Siyone vilinakulila ngwe vanu, omwo naumo wai alinakwendamo mukuya ku Njuvo ya Shukulu Kalunga, mukulemesa a matangwa akujela. Vambanda vaje vakele nakwimbila kuje valinakuyanda, co vaka-kukombelela valinakukemanga lika. Vikolo vya mu nganda vili mupulungwa, co Siyone ili mu vukalu.

Mbimbi 2:10

Vakulunu va mu Yelusalema vanatumbama asi kuluu, vanalishuwila livu a mitwe yavo, co vanazala vikeleya. Vambanda vanakulamesa mitwe yavo asi.

Ezekiyele 26:13

Njikolwesa myaso yove yoshe, co njikakuvindika kwimba tulyalya.

Hoziya 2:13

Njikamunyanyamesa a visimbu vije vyananjivalele, omo wenyekelele insense kuli Mbale nakuzala vuzalo vwendi vwa senga mukukavangeya munima ya vaka-cizemo cendi. Mwanendeka Shukulu Kalunga.

Kwituluka mu Mashiko 16:18

“Mukemika maako na vamyata mu membo eni oshe aje akamyana Shukulu Kalunga Njambi yeni ngwe ku miyati yeni. Vanalume ava vakasompa vanu mu vushunga.

Kujombolola 18:22

Co majwi a tulyalya na vaka-kwimba vimbendo na malupembo, kuvakawazivi lalo muli yove! Naumo wai lalo muka-vipangi mu vipangi vyoshe-ivyoshe ivakawana lalo muli yove, co muyoyo wa limanya lyakulolela vunga kuvakauzivi lalo muli yove!