Mbimbi 5:1 - Livulu lya Shukulu Kalunga

¹ Yove Shukulu Kalunga anuka vije vinalingiwa kuli yetu. Kenga ali yetu, co mona kushauka kwetu.

Mbimbi 5:1 Iomraidhean Croise

Nehemiya 1:3

Co vanjilekele ngwavo vaje vasaleleo kuvaile ku vunzinda, vali mu lifuti lyavo, vali mu vukalu vwakama na shwamwa. Co vanjilekele ngwavo vivumbe vya Yelusalema anga vyawililile, na vikolo lalo kuvavivwaesele, tunde a simbu ije vavyenyekele.

Nehemiya 1:8

Anuka lijwi lije liwashikile ngamba yove Mosesa ngwove, ‘Nga muvulumuna, co njikamishandwela akati ka vanu va miyati yeka.

Nehemiya 4:4

Njalombelele ngwange, “Yove Shukulu Njambi yetu ziva omo valinakutushendumuna! Kuyeluwisa kwavo kuvelukile vakevo vavenya. Tava ngeci vavanyeke vyoshe vije valinavyo, co tava ngeci vavatwale mu lifuti lya vungenzi kupwa vinzinda.

Yombi 10:9

Anuka ngeci wanjimungile ngwe vuma, co ushaka kunjitsena nakunjiilwisila lalo ku livu ndi?

Yombi 7:7

“Anuka, Shukulu Njambi, mwonyo wange wapwa muku, mesho ange kuwakamono lalo vyavivwa.

Myaso 119:153

Kenga a n̄avava yange, co njovole, omwo yange kunjevalele mashiko ove.

Myaso 74:18

Shukulu Kalunga, anuka muvali nakukujola vitozi, anuka muvali nakushaula, nakuyeluwisa lizina lyove.

Myaso 79:12

Shukulu Kalunga hisa miyati lutanu na luvali akukushaula.

Myaso 79:4

Miyati ya vanu vaje vanatuzengeleka valinakutushaula, nakutujola nakutushendumuna.

Isaya 62:6

Yelusalema njinaka vaka-kunyunga a vivumbe vyove. Vipangi vyavo vinapu kwendeka mutanya na vutsiki, vanapande kwanukisa Shukulu Kalunga vikulaeso vyendi kwakwonwa kuvivala.

Njelemiya 15:15

Asinoni njendekele ngwange, “Yove Shukulu Kalunga wazivuka. Njanuke nakunjikwasa. Njilingile shambandinga vaje valinakunjipakesa. Kesi utetele vitozi vange simbu kanda vanjitsiye, vyoshe evi vilinakwija ali yange omwo ali yove.

Njelemiya 51:51

Mwendeka ngweni, ‘Vanatuzivisa shwamwa nakutuviisa, mwa vushunga tunazivi shwamwa, omwo vaka-kwija vanambata mitambela yakujela ya mu Njuvo ya Shukulu Kalunga.’

Mbimbi 1:11

Vanu vendi valinakukemanga oku vashakezeka vyakulya, valinakulandakana vufuko vwavo na vyakulya ngeci vivayoyese. Nganda ilinakutambeka ngwayo, “Shukulu Kalunga, kenga kuli yange, kenga omo njili mu tuyando twakama.”

Mbimbi 1:20

“Shukulu Kalunga, kenga tuyando twange, kenga kukemanga kwa mwonyo wange! Mbunge yange ilinakulwa mu nulo, omwo vusiwa vwa vuvi vwange. Kuli kulitsiya mu vitapalo, nameme mu vinjuvo muli kutsa.

Mbimbi 1:9

Mazilo endi asholokele mu vuzalo vwendi, oloni ikeye kombileko mbunge kukujwala kwendi. Kuwa kwendi kwapwile kwakukomokesa, naumo wai wamuzembelekele. Vitozi vendi vanahyana, co atambeka kuli Shukulu Kalunga ngeci amuzivileko mema ku mbunge.

Mbimbi 2:15

Vanu vaita mu nganda vakushendumuna omo vakukenga. Valipika ku mitwe yavo nakujola akuviya kwa Yelusalema ngwavo, “Eyi ikeyo vene nganda ije yaivwa? Nganda yakujolela ano a kaye oshe?”

Mbimbi 2:20

Yove Shukulu Kalunga, kenga ali vaje ulinakuyandesa! Vanakazi valinakulya vana vavo vaje vavazema! Vaka-kukombelela na vaka-kwimanena valinakuvatsiila mu Njuvo yove!

Mbimbi 3:19

Viyongola vyakukemanga kwange, na vulika vwange vilula ngwe mwaze.

Mbimbi 3:50

noo Shukulu Kalunga nakenge ano asi oku ali mwilu nakutukwasa.

Mbimbi 3:61

“Yove Shukulu Kalunga wavazivi muvali nakunjituka, uzivuka matumbe avo oshe.

Hambakuke 3:2

Yove Shukulu Kalunga, njazivi lutsimo lwavije walingile, co njinazivi lyova. Linga lalo vyuma vije vyakama viwalingile. Kala na mema ku mbunge nameme uluvala.

Luka 23:42

Co wendekele kuli Yesu ngwendi, “Yesu njanuke, omo ukaija mu vumwene vwove.”