Mbimbi 4:3 - Livulu lya Shukulu Kalunga

³ Nameme vaina ya vana va vimbanje akalele mwamuvwa vana vendi, oloni vanu vange vanapu ngwe vanavilanda, vali na muuka kuli vana vavo.

Mbimbi 4:3 Iomraidhean Croise

1 Vimyene 3:21

Co alikaki, omo njendukile ngeci njijamwese munange, njamwene ngeci munange natsi. Oloni omo njamwilwile mwamuvwa, njamwene ngeci kesi ikeye munange.”

Isaya 13:22

Minguli vakohyela mu tuposhi twavo, co vimbanje vakavwozela mu mapela amavwa. Simbu ya Mbambilone inete! Matangwa ayo anahu laja.”

Isaya 34:13

Mambimbo na mishwena vikamena mu mapela mwoshe na mu vinganda, co mukakala vimbanje na makun̄ulu.

Isaya 49:15

Ngecivene, Shukulu Kalunga wakumbulwile ngwendi, “Kuma munakazi kasa kwivala munendi uje ajamwa ndi? Kuma asa kuzinda munendi uje yakitile ndi? Nameme nga vaina ya munu vevala munavo, oloni yange kunjikamivala.

Njelemiya 19:9

Vitozi vakazengeleka nganda kweseka kutsiya vanu vamwo. Co kuzengeleka kuje kukapwa kwakukomokesa ngeci vanu va mukati ka nganda, munu akalya munu mukwavo, nameme vana vavo vavenya.’ ”

Mbimbi 2:20

Yove Shukulu Kalunga, kenga ali vaje ulinakuyandesa! Vanakazi valinakulya vana vavo vaje vavazema! Vaka-kukombelela na vaka-kwimanena valinakuvatsiila mu Njuvo yove!

Mbimbi 4:10

Tuyando twakama tuje twezile ali vanu vange twavanenelele tuyando twakukomokesa, visemi va vanakazi vatelekele vana vavo kupwa vyakulya vyavo.

Ezekiyele 5:10

Mu ngila eyi, visemi va mu Yelusalema vakalya vana vavo, na vana lalo vakalya visemi vavo. Njikaminyanyamesa, co vaje vakasalao na myonyo njikavashandwela ku mitambela yoshe.

VaLevi 26:29

Njala ikaama manene, co mukalya vana veni.

Loma 1:31

kuvesi na citaku-taku, kuvesi kunyunga vikulaeso vyavo, co kuvesi kumwesa ngozi nambe kuzivilako vakwavo mema ku mbunge.