Mbimbi 4:22 - Livulu lya Shukulu Kalunga

²² Siyone natambula fweto yendi ya vuvi, co Shukulu Kalunga kakavatumbika lalo mu vunzinda embwe. Oloni Endome, Shukulu Kalunga akakunyanyamesa nakusholola milonga ya vilinga vyove.

Mbimbi 4:22 Iomraidhean Croise

Myaso 137:7

Shukulu Kalunga anuka vije vivalingile va Endome, a litangwa lije vafungulwile Yelusalema. Anuka muje muvendekele ngwavo, “Isiwuleni, amolika na luvula lwayo!”

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 60:18

Kukukakala lalo lipakeso mu lifuti lyove, nambe kulitsiya nambe kulinyongesa mu lifuti lyove embwe. Njikakunyunga nakukwimanena ngwe civumbe, ukanjishangazala omwo yange njinakwamena.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Njelemiya 33:7

Njikatumisa manene Yunda na Isalele, co njikavatungulula lalo ngwe muvakele laja.

Njelemiya 33:8

Njikavajelesa ku vivi vyavo vyoshe vije vivanavulumuna kuli yange, co njikavasambesa ku vivi vyavo na ku kupenga-penga kwavo.

Njelemiya 49:10

Oloni yange njinatambula vatekulwila va Isau vyuma vyoshe, nakuvajombolola mu mitambela mwoshe muje vanavanda. Ngecivene, nalumo lwai lalo vakavanda. Vanu voshe vaka-Endome vananyongo. Naumo wai wa ali vakevo nasalao.

Njelemiya 50:20

Omo simbu ije ikaija, vuvi navumo vwai vukakala mu Isalele, co kupenga-penga nakumo kwai kukakala mu Yunda, omwo njikasambesa vanu vaje vanjasezeo. Yange Kalunga, njinendekamo.”

Mbimbi 4:21

Yeni vanu va Endome na Uze, joleleni, vwaeleleni mwoshe mumunashakela. Neni lalo tuyando tweni tulinakwija, neni lalo mukapelyangela mushelengwa na shwamwa.

Mbimbi 4:6

Vanu vange vanavanyanyamesa manene kutuvakana vuvi vwa Sondoma, nganda ije yanyongele na nzili ya Njambi.

Ezekiyele 37:28

Omo njikaka Njuvo yange muje nakukala akati kavo ku myaka yoshe, asinoni miyati vakazivuka ngeci yange Kalunga, njinaangula vaIsalele kupwa vanu vange vene.”

Ezekiyele 6:12

Vaje vali kulyala vakavinja, co vakatsa, na vaje vali muyehi vakatsila mu nzita, co vaje vakasalao vakalanduka ku njala. Vakaziva nzili ya vukalu vwange.

Ovandiya 1:10

“Omwo mwevile nakutsiya vandolome veni, vatekulwila va Yakomba, co mukaziva shwamwa nakumiyengula ku myaka yoshe.

Malakiya 1:3

co njamuzinda Isau na vatekulwila vendi. Njinatengulula lifuti lya malundu lya Isau kupwa mu ngundu nakuseza vushwana vwendi ku vimbanje va mu mambo.”

Malakiya 1:4

Nga vatekulwila va Isau vaEndome vendeka ngwavo, “Vinganda vyetu vinapu vingundu, oloni tukavitungulula.” Co Shukulu Kalunga akakumbulula ngwendi, “Vasa kutungulula, oloni njikavisiwula lalo. Co vakavatumbula ngwavo, ‘Lifuti lya vaka-vuvi,’ na ‘Muyati wa vanu vaaluvalela Shukulu Kalunga ku myaka yoshe.’ ”